|
Do 12.04.2007 |
wasser uf exoplanet |
|
Kategorie: Wissen und glauben Autor: rst (erstellt am 12.04.2007 - 22:13) |
|
HD 209458 b so heisst dä exoplanet und er isch im sternbild pegasus 1,3 mal so gross wiä dä jupiter und sehr heiss er umchreist sini eigä sunä ufärä 21 mal nächerä bahn als eusi erde und drum isches über 800 grad celsius uf däm gasplanet diä news sind zwar vo geschter, aber ich find's gnueg spannend zum's bringä ich han dä link zum spiegel gwählt, will s'isch än artikel mit jenschtem text s'hätt zwar au so doofi werbig, aber isch chli usfüherlicher gschriebä als di anderä, mit suschtigä guetä links zu wiiterä coolä storys obwohl diä ganzi gschicht uf bilder vom hubble teleskop basiert isch das bild vom exo-gasplanet HD209458b ä zeichnig will 150 lichtjahr isch dänn doch sehr wiit äwäg und äs isch ja us datä berächnet worde wo schients scho 5 jahr bekannt sind wänn ihr dä artikel gläse händ dänn wüssed ihr ja alles wo ich jetzt au weiss tja ... und susch ebä halt nöd |
|
|
|
|
Di 10.04.2007 |
Hirn code |
|
Kategorie: Wissen und glauben Autor: rolf (erstellt am 10.04.2007 - 17:55) |
|
oder d'sprach vom hirn und das am 100. tag vo däm jahr hütt mit dä erklährig vom geschtrigä schluss und numä ganz churz bi däm super früheligs wätter dä neurobiolog miguel nicolelis vo dä duke-university us amerika forscht scho sit jahre a dä sprach und codierig vo hirnström im jahr 2000 händs rhesusaffe elekrode is hirn plaziert und diä händ mitem hirn än roboterarm gstühred da uf 3 sat git's di ganz story quasi in churzfassig und wer sich für extra text würdi interessierä chan für meh infos uf s'underi bild clickä das isch s'glichi vom tagesspiegel aber au nümä ganz so aktuell wiäs das hütt im jahr 2007 isch mit dä hirnforschig chunnt sicher scho gli da im daily cooltv blog |
|
|
|
|
So 08.04.2007 |
Ostara |
|
Kategorie: Wissen und glauben Autor: r.steiger (erstellt am 08.04.2007 - 07:12) |
|
isch ä germanischi früheligsgöttin und ich schriebs jetzt urbi et orbi wiä dä papst das isch latinisch und heisst "der stadt und dem erdkreis" all diä jesus & co hollywood schmonzettä wo jetzt so am tv laufed erstuuned mich immer wieder vo neuem mit ihrem bild vo däre gschicht und no viel meh natürlich s'resultat nach 2000 jahr a dä glichä stell und di beteilligtä chrischtä i däm spiel würked im gägesatz zu ihrem religions namensgeber doch ganz anderscht uf mich und eigentlich isch oschterä ja no immer än urigä bruch ich hetti ä anderi no cooläri sitä gha mit infos zu dä ostara aber äs hätt grad gar nöd wellä klappä mit äm verlinkä und ich han mal was anderes wellä als wikipedia und zum schluss no "die frage aller fragen" oder eini vo dänä hüfig gstelltä frage was isch dänn zerscht da gsi ? isches s'huhn oder s'ei ? und schwupp-diwupp chunts jetzt doch no dä scho fascht täglichi link zu dä freiä enzyklopädie im netz und vo deht us gits au än link zu quarks isch äs magazin vom wdr und diä chönd diä frag us evolutionstheoretischer sicht ganz eidütig beantwortä |
|
|
|
|
Fr 06.04.2007 |
in caelis veritas |
|
Kategorie: Wissen und glauben Autor: rst (erstellt am 06.04.2007 - 06:27) |
|
ä gschicht usem himmel "es war einmal vor langer zeit" und äs passt ja beschtens zu karfreitag ich hans au scho mal ahkündiget und jetzt chunts kurzer rede langer sinn ... oder wiä au immer us dä studios vo cooltv "in caelis veritas" und leider isch das än link zu myvideo.de will jetzt im moment laufed us mir unbekannte gründ eusi streams bi cooltv nöd und äs isch grad no osteräwucheendi und so chönt ich schriebä isches äs glück gits äso plattformä wiä myvideo ich wünsche eu aber trotzdem viel spass mit däm cooltv - klassiker i dä hauptrollä dä vincenzo lanciano als gott persönlich und dä rolf steiger als jesus ... wer hettis dänkt |
|
|
|
|
So 01.04.2007 |
millionä deal für cooltv |
|
Kategorie: Wissen und glauben Autor: rst (erstellt am 01.04.2007 - 23:49) |
|
cooltv scho gli uf sf drs II sensationelli news vo eusem web-tv mir händ än vertrag mitem schwiizer fernseh für ä interaktivi live sändig jedä suntig abig uf sf zwei mir sind vo 22.00 uhr bis 23.00 uhr ufem bildschirm wiä immer mit eusnä coolä clips und klassiker plus s'neuschti vom kulturläbe uf dä welt mir freued eus scho uf d'premiere vo cooltv ufem nationale kanal chömed mir dänn au i dä news ? i dä kategorie kunst & kultur ? oder isch das unterhaltig ? aber wieso isches dänn bi wissen & glauben glandet im blog ? clicked uf dä link und all diä frage sind quasi vonällei beantworted und natürli händs ja all scho gwüsst aber wänn scho dänn scho ... han ich dänkt |
|
|
|
|
Fr 30.03.2007 |
Reinkarnation |
|
Kategorie: Wissen und glauben Autor: rst (erstellt am 30.03.2007 - 06:19) |
|
das isch mal wieder latinisch und heisst "wiederfleischwerdung" für all diä wo gar kei ahnig händ vom ganzä da dä link zu wikipedia miterä konsens fähige übersicht ich diskutierä ja sehr gern über religion und wiedergeburt und als chlini propaganda in eigner sach; ich bin ja au ethikdesigner aber äs wunderet mich bi so gspräch amigs scho äs bitzli was d'lüüt so glaubed im speziellä all diä fraue, wo also au bi dä reinkarnation nöd würkli ä gueti rollä händ no ein satz zum artikel bi wikipedia im abschnitt islam vom persische mystiker rumi "ich starb als mineral und wurde pflanze" bis zum tier und wurde mensch ... hart wäri natürlich än satz wiä ; ich starb als mensch und wurde bär wahlwiis än hai oder wolf und das sowas nöd passiert hämmers umbracht oder in zoo gsteckt oder aber sie sind wiit äwägg aber das isch natürlich ä sehr fleischlichi betrachtig dävo uf dem bild für dä link isch ja äs unendlichkeits-achti und genau i däm zuestand zwüsched dä weltä isch dä 14. dalai lama fascht 2 jahr lang gsi aber i meh als 600 jahr nöd eimal ä frau mir händ eus spirituell-windig schomal däm thema g'widmet i dä sändig 104 diä cooltv sändig isch vom summer 2005 mitem calabria report und 3 teil schlauerbauer plus än witz vom dalai lama mitem papst benedikt und natürlich eusnä spirituellä moderations - weisheitä bim surfe hütt (recherchierä ) bin ich uf ä sehr kritischi sitä cho äs isch äs spirituells forum und dä link isch zum tibetische buddhismus und jenschti vo minä argument werded da usfüherlich abghandlet und dä dalai lama chunt also nöd würkli so guet äwäg däbi im speziellä wämmer no würdi a d'reinkarnation glaubä all diä heftige gschichtä vo frühener im tibet sit 600 jahr sind quasi vo dä glichä seel regiert wordä wiä jetzt wänn er das würkli glaubt sött er sich schäme für sini tatä und nöd so erhabe umä lächle "die frage" isch , wer isch da am richtä ? was isch dänn das für ä un- cooli jury im nullpunkt vo däm liggendä achti bi däne nur männlichä resultat ? also au im"nettä"buddhismus eimal meh äs indiz für miini theorie vo dä reale macht für d' mannä über frauä ufgrund vo dä religion und so was chan ja nöd würkli cool sii ... ... .... .... ... ... soviel für hütt das wäri dä g'spiellti privat-witz us dä windigä sändig 104 vom dalai lama und äm benedikt für all diä wo d'nervä nöd händ zum suechä oder leider au gar kei luscht händ uf di ganzi sändig ich brings aber vor allem will dä stream min start gsi isch hütt und mich dänn doch tüüf i d'materiä gfühert hätt diä nacht und so als privats resumee nach äm läse i däm forum bin ich mit ussage wiä ;" ich als tantrischä lover" äs bitzäli vorsichtiger ... oder aber ich bin dänn ebä än bewusstä energie vampir da hetti dä dj bobo wieder freud und ich bliibti so frisch & jung wänn's dänn ä so wääri ... oder gahts um d'längi ? |
|
|
|
|
Di 27.03.2007 |
ä notiz am rand |
|
Kategorie: Wissen und glauben Autor: rst (erstellt am 27.03.2007 - 05:32) |
|
dä papst benedikt hofft uf meh chind in europa das han ich geschter i dä zitig gläse da wäri di ganz gschicht zum sälber läse dä link isch allerdings zur tagesschau ich als quasi gfährlichä individualischt chan nur dä chopf schüttle und muess numal schriebä s'ganzi eländ isch doch genau will so viel mänsche a gott glaubed mit betonig uf viel und zwar viel z'viel und di gläubige dänked si händ recht und all di anderä glaubed anän falsche und drum au schwächerä gott ich bin aber nöd uf suntigsprediger kurs nur kei panik uf dä titanic äs gaht mir hütt um eus mänsche uf däm wunderbare planet mir sind grad im moment wo ich am schriebä bin genau 6 607 892 069 mänsche uf dä erde nach dä weltbevölkerigs uhr ich han am 30. januar das jahr schomal was über das bracht und do simmer erscht 6 595 700 642 mänsche gsi, wo uf dä erde läbed ich rechne für all diä wo jetzt kei luscht händ zum selber dänke dä zuewachs us das sind i knapp 2 mönät oder genau 56 tag 12 millionä 191 tuusig und 427 mänsche meh also chunt pro monät fascht ä neui schwiiz däzue und diä wänd all so guet läbe wiä mir und nach dä prognosä gahts genau so wiiters, bis zu 10 oder sogar 15 milliarde hungrigi, energie verbruchendi co2 produzierendi, durschtigi mänsche und ich sötti mini glühä-birä us wächsle zum s'klima rettä ? zum glück spührt europa dä richtigi trend ganz intuitiv und mir händ drum ä nidrigi geburtärate da bi eus für zahle, faktä und jenschti links zum thema wiä so oft ... zu wikipedia mit dä weltbevölkerig und wills mich ja scho bim letschtä mal beidruckt hätt än link zumä bild usäm orbit vo dä erdä bi nacht mit allnä liechter und eis vo däne bin ich, da im cooltv studio i dä nacht für eu am schaffe mir gfallt das bild ... und so vo dä liechter här, hätts eigentlich no gnueg platz aber besser wäri's scho mir würded eus chli zrugghalte mit chind züügä äs isch wiäs isch und ich weiss g'nau du weisch wiäs isch, wiäs isch wies so schön texted worde isch imä song vo dä lovemachine bim letschte mal han ich diä sitä leider nümä gfunde gha aber hütt ! und da isch si jetzt ... the breathing earth äs sind ja numä zahle wo da uf dä grafik a eim verbii rusched aber äs isch jedesmal än mänsch mitemä einzelschicksal bi dä eintä schreit di ganz welt; skandal und rache ! und bi anderä isches egal öb's läbed oder nöd bim textä vo däm satz sind scho wieder 400 mänsche gstorbe i dä statistik aber 1200 sind uf d'wält cho ich findä das isch heftig mit 300 000 t. co2 hust und prust und tschüss |
|
|
|
|
So 25.03.2007 |
summerziit |
|
Kategorie: Wissen und glauben Autor: rst (erstellt am 25.03.2007 - 23:44) |
|
juhuu s'isch summer s'hätt zwar immer no schnee aber mir händ scho wieder summerziit für was und wieso das isch, isch eigentlich nöd klar oder äs git verschiedeni meinigä zu därä ganze gschicht dänkt als energie spahrmassnahm isches aber genau umgekehrt äs brucht meh energie und äs git schients jenschti unfäll am mäntig druff und di sensiblä mänschä händ bim umstellä vo winter uf summerziit grossi schwirigkeitä mit ihrerä innerä uhr und am biorhythmus uf däre charte gseht mer wer summerziit hätt ( blau ) und wer nüme ( orange ) und wer no niä ( rot ) bi wikipedia gits was zu dä gschicht vo dä summerziit und au alles anderi isch usfüherlich beschriebä und äs hätt au no äs paar links ganz unä ich finds ja au doof mit däm umstellä aber ich merks nöd würkli stark und drum isches mir egal s'choscht aber sicher jenschtes cholä für nüüt und numal nüüt |
|
|
|
|
Sa 24.03.2007 |
heissi bilder vo dä sunä |
|
Kategorie: Wissen und glauben Autor: rst (erstellt am 24.03.2007 - 04:19) |
|
vom weltruumteleskop hinode im letschtä jahr händ d'japaner mit dä esa än satellit gstarted zum s'magnetfäld vo dä sunä erforschä aber nöd nur das au im röntgenbereich und bim uv-licht mässed's und äs git jetzt würkli spektakuläri bilder vo turbulänze uf dä oberflächi vo verschmelzendä sunäfläcke wo blitzed und ufstigendi gas süülä das ganzi gits im spiegel online und dä video-clip isch genial natürli isches bi so film immer schwierig z'säge ; isch das real ? will eigentlich isch das ja nur ä animation usem rächner ich find so bilder usem weltruum natürlich voll cool vo eus us gseh, isch d'sunä ja ruhig und stabil aber äs isch jenschtes action uf däm stern und wer nochli meh wetti wüsse ... clickt sich no zu dä esa-kids das isch also d'sonde hinode ich wünsche viel spass bim puzzle s'isch für chindä mit sound und würkli eifach und hey ... schients isch das dä beginn einer neuen ära |
|
|
|
|
So 18.03.2007 |
Jesus än pimp ? |
|
Kategorie: Wissen und glauben Autor: rst (erstellt am 18.03.2007 - 17:36) |
|
quasi ä windigi suntigspredigt äs wunderet mich ja immer wieder das fraue uf jesus und diä gschichte us dä bible chönd abfahrä wänn manne so was guet finded isch äs ja no eher verständlich aber d'rolle vo dä frau i däm buech isch doch meh äs eländ und un-cool ich han die sitä zwar scho mal bracht bi dä chnochefund vo jesus aber wer vo eu clickt sich scho dur 10 site nur mit text ? drum da numal äs paar kritischi gedanke zur bible ich glaube ja nöd würkli a di reali exischtänz vo jesus und natürli au nöd a diä vom gottes sohn und dä uferstehig uf mich würkt das eher scho fascht geischtig behinderet und sehr doof und s'bild vo jesus als zuehälter und nöd sehr nette sohn find ich no passend dä text isch grad ei site wiiters vorne und eini hinä sind di hohle jünger beschriebä immer wänn ich i dä bible läse, dänk ich ; ohu isch das aber äs seltsams buech da staht so viel falsches drin und trotzdem wird's so dargstellt als isch äs und wüssti di heiligi bible die absoluti wahrheit bi dä "grosse frage" wer i vielnä details irrt isch eigentlich nöd fähig s'grosse z'gseh und wer än eptileptische ahfall als vom tüüfel besässe diagnostiziert isch eigentlich än tubel und unfähig jesus wundertaten uf site 19 im hüttige link ich wünsche eu windig-luftigi gedanke und zum endi d'weisheit vom tag glaubed nöd jedä scheiss viel besser isch du weisch |
|
|
|