|
Do 17.05.2007 |
auffahrt |
|
Kategorie: Wissen und glauben Autor: rolf steiger (erstellt am 17.05.2007 - 02:32) |
|
oder au christi himmelfahrt bi so äme fäschttag muess ich ja was bibel kritisches schriebä zum thema ufgfahre aber zerscht dä link zu wikipedia mit dä allgemeinä infos so hätt das dä tintoretto im 16. jahrhundert in öl verewigt aber git's im 2007 no mänsche wo das so gsehnd ? ich bin immer wieder überrascht was ander im bezug uf jesus und biblä so dänked als biespiel vom vollschadä dä link mir wär's ja eigentlich total egal was religiösi gruppe glaubed und läbed wänn sie nöd soviel underdrückig und eländ uf eusä lebändig und geniali planet bracht hettid und no immer mit einerä inbrunscht ihri märli verzelläd vo dä schöpfig i numä siebä tag oder d'jungfrau maria mit gottes sohn und dä himmelfahrt nachem "tod" grad direkt uf dä himmels thron zur rächte vo gott persönlich das wäri mal wieder än link uf diä sitä mit name wiä's bild wer dänn eis zrugg clickt uf sitä 24 hätt quasi no di 40 tag zwüsched gschicht und di armä chrischtä warted au nach über 2000 jahr uf diä verspräche und sie büessed und zahled ohni endi ihrnä priester fascht unglaublich i dä hüttige ziit |
|
|
|
|
Mi 16.05.2007 |
Dunkli materie |
|
Kategorie: Wissen und glauben Autor: r.steiger (erstellt am 16.05.2007 - 22:04) |
|
ZwCl0024+1652 das isch dä name vomä galaxieä huufä im sternbild fisch und s'hubble teleskop hätt bilder gmacht wo neui rückschlüss uf dunkli materiä zuä lönd dä link isch uf web.de wissen i dä rubrik astronomie und au uf hochdeutsch wer wetti wüssä was dunkli materie überhaupt isch und wieso, wieviel und wo git's da no än zweitä link zu dä uni bonn isch mal was anderes als immer wikipedia dä artikel isch leider scho äs bitzli älter aber däfür länger und usfüherlich und ich fräg mich am sf-abig isch ächt dä darth vader än dunkli materie fan |
|
|
|
|
Fr 11.05.2007 |
das zweite gehirn |
|
Kategorie: Wissen und glauben Autor: r.steiger (erstellt am 11.05.2007 - 03:45) |
|
oder das darmhirn ich han gester diskutiert und das "darmhirn" erwähnt und scho isches ahzwieflet wordä und drum gits hütt dä neurologisch bitrag äs isch nöd würkli dä neuschti artikel usem geo aber äs isch richtig schön erklährt und in hochdeutsch s'grüeni isch dä dickdarm mit über 100 millionä nerväzälle also losed guet uf euä buch und di suschtigä innereiä äs git's sie schients "die weisheit des bauches" eigentlich hani no dä dj bobo wellä bringä äs isch au nöd würkli guet gsunge gsi aber ich bin wo anderscht glandet bim artikel "ich fühle, also bin ich" dä buch isch oft gschieder als dä chopf d'fans vom mr. spock wärded kei freud ha wänns dä langi psychologie text läsed und hey was für än zuefall, das isch quasi s'erklärigsmodel vom clickä uf d'bilder vo dä coolä babes wer immer das ebä macht |
|
|
|
|
Do 10.05.2007 |
der schleimaal |
|
Kategorie: Wissen und glauben Autor: r. steiger (erstellt am 10.05.2007 - 02:12) |
|
oder nutzloses wüssä än verglich vo aal und mänsch gfundä uf dä homepage vo gehirn&geist äs isch eigentlich so ä ähnlichi story wiä bi dä schwamm-gen gschicht än witzigä text usem wichts winkel nachem motto nützt's nüüt so schad's nüüt äs spannends tier dä schleimaal us dä tüüfä vom meer und er isch ja gar nöd würkli än aal und produziert erscht no sidä uf's bild clickä und dänn dä text läse isch quasi allgemeinwüssä a discretion als zweiti mäldig vom hüttige tag git's no dä link zu dä sueddeudeutsche.de vo dä supernova "SN2006gy"wo vor 240 millionä jahr explodiert isch dä artikel gits ca.189 mal bi dä google-news ich han dä link für eu usgwählt ... will ... äs hätt äs video vo reuters än würklich coolä service wo ich sehr schetzä das ä sonä uralti gschicht als news gilt aber so isch das ebä im weltruum mir händs erscht jetzt gseh |
|
|
|
|
Mi 09.05.2007 |
das auge |
|
Kategorie: Wissen und glauben Autor: r.steiger (erstellt am 09.05.2007 - 04:36) |
|
eigentlich was für äs wort vor allem grad am ahfang han ich welä über s'aug und sini begränztheit bi bewegtä objekt schriebä aber ich bin bim recherchierä vom thema abgschweift für all diä wo wänd wüssä, was isch äs aug überhaupt da dä link zu wikipedia mit infos zu augä aller art und wer luscht uf än proto zombie chat hetti das wäri mini ablänkig gsi bi dä suechi clickt eifach uf das bild und voila scho mäldet sich dä zombie isch nümä ganz so aktuell aber ich finds luschtig und au dä rescht isch für's hirn und's ich |
|
|
|
|
Fr 04.05.2007 |
klima im wandel |
|
Kategorie: Wissen und glauben Autor: rst (erstellt am 04.05.2007 - 22:27) |
|
oder aber panta rhei ich han jetzt leider fascht kei ziit ich gange mit dä superschrinks go üebä das git dänn sicher au ämal än bitrag und für hütt git's katastrophe alarm oder je nach leseart entwarnig news vom 3. un-klimabricht |
|
|
|
|
Mi 02.05.2007 |
vollmond |
|
Kategorie: Wissen und glauben Autor: rolf steiger (erstellt am 26.10.2007 - 02:36) |
|
oder floralis-lunaris hütt isch ja eigentlich di ultimativ und richtig häxenacht aber ebä ... s'isch wiäs isch und ich weiss du weisch genau wiäs isch ... wiäs isch wiäs isch und glaubeds oder au nöd jetzt im moment bim schriebä isch dä nächschti vollmond i 11 stund 11 minutä und 11 sekundä und natürlich vertrau ich däne infos uf dä mondkalender sitä vo dä häxe der mond - die mondin ... luna di römischi mondgöttin und bi dä griechä d'selene oder aber au eifach dä erdmond ... will no mänge planet hätt ja än mond bim jupiter sind schients sogar mindeschtens 60 mönd am chreisä wäri das bi eus auäso ... wäri's schwierig für d'esoterik-freaks aber mir händ nur ein mond und däfür no äs paar satellitä das isch mal wieder latinisch und heisst "leibwächter" nur dä merkur und d'venus sind ganz ohni schutz und satelittä silber i eusem system gaht an saturn mit 57 trabantä inklusiv dä titan ich gsehn da also scho jetzt ganz klar mis thema im cooltv blog bim nächschtä vollmond |
|
|
|
|
So 29.04.2007 |
klimaerwärmigsmärli |
|
Kategorie: Wissen und glauben Autor: r. steiger (erstellt am 29.04.2007 - 23:57) |
|
mal was anderes und das freut mich doch spiegel tv zeigt hütt als erschtes dütsches politmagazin ä anderi sicht uf diä klimaerwärmigs gschicht und mir vom cooltv blog sind au bi däm thema mal wieder dä ziit vorus gsi ( äs git 13 biträg ) mir mänsche sind ebä scho äs bitzli grössäwahnsinnig sowohl im positivä aber natürlich au im negativä d'überheblichkeit vo eus isch gränzelos also nur kei panik vo wäge klima & co2 gnüssed dä super frühelig und das wätter und schients gits bi warme temperaturä viel meh artevielfalt uf eusem planet und das isch doch eigentlich guet |
|
|
|
|
Mi 25.04.2007 |
eusi sunä |
|
Kategorie: Wissen und glauben Autor: r.steiger (erstellt am 25.04.2007 - 19:23) |
|
oder aber ganz neui bilder vo dä sunä passend zum wunderbare wetter im moment git's bilder vo euserä heissä sunä da im cooltv blog dä nasa isches zum erschte mal glungä 3-D bilder z'mache ich bin inspiriert wordä bim läse vom hüttigä gratis zürioberländer aber au bi dä google news gits 89 ähnlichi artikel zu därä sunigä gschicht min link für eu isch zu dä sueddeutsche.de äs git text bilder und au videos und bim umäsueche nachem passendä link für min hüttigä blog bitrag bin ich no uf diä mäldig vom extrasolare planet gliese 581 c gstossä gliese 581 c und b vor ihrem zentralstern, dä link isch zu astronews dä stern isch 20,5 lichtjahr vo eus entfernt, im sternbild waag und wer's wetti genauer wüssä mit allne date und details chan ganz eifach ufs bild clickä und all infos selber läse viel spass i dä unendlichä wiitenä vom web-space |
|
|
|
|
So 22.04.2007 |
biblischi fraue |
|
Kategorie: Wissen und glauben Autor: r. steiger (erstellt am 22.04.2007 - 23:08) |
|
ä sunigi predigt liebe cooltv gemeinde s'bild vo dä fraue i dä bible isch hütt mis suntigs thema für eu ich han letschti än alte text vo mir gläse und dä gaht so; gott find fraue nöd würkli so toll und jetzt chunt natürlich d'frag; und wieso dänn nöd ? tja ... susch hett er doch au eini ... fanfare , gelächter, trailer und er hätt au kei muetter und kei tochter nödemal ä schwöschter drum wunderets mich amigs scho das fraue so gläubig sind ich dänke sie händ ebä d'bible nöd würkli richtig gläse und so als information für all di kritischä geischter gits dä link vom tag zum x. mal zu bibelkritik das bild mit äm titel "huldigung an die göttin" hätt eigentlich gar kein bezug zum link und isch meh als inspiration dänkt wiä's wäri mit andernä bilder und äre göttin a dä spitzä und für ä bitzli spass am suntig git's da no än extra link zu lustich mit dä 10 wichtigschtä änderigä wänn gott ä frau wäri dä text isch ... "und sie dachten, das schlimmste, was ihnen passiern kann, ist, dass gott eine frau ist. ........ stimmt's ? " |
|
|
|