|
Di 07.08.2007 |
Galaxien-crash |
|
Kategorie: Wissen und glauben Autor: rolf steiger (erstellt am 07.08.2007 - 20:26) |
|
oder neulich im universum um genau z'si i däm galaxie-huufä CL0958+4702 öppä 5 milliarde lichtjahr vo dä erde entfernt z'gseh im sternbild vom grosse bär kollidiered grad 4 elliptischi galaxie mit und inenand dä link isch zu astro news mit dä details zu däre story bilder sind vom infrarot weltruum teleskop spitzer bi däre kollision git's schients stern mit planetä wo us dä galaxie usägschlüderet worde sind mir gsehnd's jetzt aber das ganzi isch ja scho vor über 5 milliarde jahr passiert und mir liebe mänsche sind mal nöd schuld bi däm crash im universum aber nach dä verschmelzig wird das dänn eini vo dä gröschte galaxie im bekannte weltall sehr wahrschiendlich isch si das jetzt bereits scho mir gsehnd's nu nonig |
|
|
|
|
Sa 04.08.2007 |
keis ufo |
|
Kategorie: Wissen und glauben Autor: rolf steiger (erstellt am 04.08.2007 - 23:04) |
|
nei ! äs isch än M200G volantor vo moller international und mer chan das ding chaufä irgendwas zwüsched 90'000 dollar und oder 125'000 dollar sölls je nach quellä choschtä dä link isch zu grenz wissenschaft-aktuell mit videos das teil hangt am hage flüügt aber schients würkli äs gwagglet schochli ... aber lueged doch selber ich hetti gern ghört wiä's mit orginal ton wäri äs isch au mal wieder nöd umweltschonend aber sicher cool zum so über s'land flüüge und au über wasser söttis funktionierä was meh als 200 personä wänd testä diä wo das nödufo scho bstellt händ ps : äs isch drum i däre kategorie will flüügts jetzt würklich vo sich oder bambälets am krane seil ich würdis gern selber gseh |
|
|
|
|
Di 24.07.2007 |
phantomzeit |
|
Kategorie: Wissen und glauben Autor: rolf steiger (erstellt am 24.07.2007 - 04:32) |
|
oder aber die theorie vom erfundenen mittelalter da än erschte quick link aber nöd nur so sitä händ das thema vo gfälschte gschicht natürlich git's das ganzi au bi wikipedia uf dä folgendä 3 bilder wäri dä karl der grosse mit und ohni bart wänn er dänn würklich gläbt hätt mal wieder än schwierigä fall für mich als laie uf dä wikipedia sitä hätts ganz unä links zu dä befürworter und au dä gegner und bi dä 30 frage und antworte isch mir dä name velikovsky begägnet und erinnerigä a gspräch vor 20 jahr und zum schluss no än link zumä interview vom roland detsch mitem heribert illig än chronologiekritiker |
|
|
|
|
So 22.07.2007 |
unglaublich aber wahr ? |
|
Kategorie: Wissen und glauben Autor: rst (erstellt am 22.07.2007 - 23:45) |
|
das mini hirn än französische beamte läbt quasi ohni hirn äs normals läbe dä link für di ganzi story gits zu welt online und will's scho fascht mitternacht isch wäri's das au bereits scho gsi und genau am 23.45 uhr was für än zuefall |
|
|
|
|
Di 17.07.2007 |
gratis tagi |
|
Kategorie: Wissen und glauben Autor: rolf steiger (erstellt am 17.07.2007 - 20:13) |
|
kehrseite immer am tsischtig git's da in wetzikä dä tagi als werbig gratis im briefchaschte und die kehrseite hätt mich hütt inspiriert äs gaht um sündigi us-priester wo sich freikauft händ us läsetechnische gründ gits das ganzi wiä immer mitemä click uf's bild uf hochdeutsch zum läse passend zum bild wäri äs bart simpson zitat aber ich han doch gar nüüt gmacht und dä total unschuldigi link zu dä story isch zu dä frankfurter faz will dä tagesanzeiger s'archiv nöd würklich wetti frei gäh aber äs isch di glichi gschicht vo däne 4400 priester wo ä summe vo über 2 milliarde dollar choschted als zweites hütt git's diä gschicht us singapur än "orginal" zah vo buddha isch 7,5 cm lang dä link zur story isch zu dä sueddeutsche dä shi fazhao, dä abt vo däm schrein isch ganz gelasse bi däm vorwurf zitat vo ihm "wenn man glaubt er sei echt , ist er echt." tja so eifach chan glaube sii |
|
|
|
|
Sa 14.07.2007 |
der erde kern |
|
Kategorie: Wissen und glauben Autor: rolf steiger (erstellt am 14.07.2007 - 01:23) |
|
oder aber neulich im zengarte mir händ so chli nett philosophiert da isch d'frag uftaucht nachem mittelpunkt vo dä erde und wiä isch dä kern beschaffe und us was wiä gross isch d'gravitation oder isch d'erde hohl und äs wäri schön was im cooltv blog z'läse drum als erscht's dä enzyklopädisch link zu wikipedia wiä scho so oft i däne fäll äs gaht da um dä ufbau vo dä erde dä inneri kern isch fescht und us "eisen" oder aber äs chönnti au metallische wasserstoff si uf jedefall isches sehr heiss und hätt än sehr höche druck ganz neui ergäbniss zum ufbau vo dä erde gits us dä uni bayreuth s'innere vo dä erde isch i däm artikel als "eine eisen-nickel legierung mit einer kubisch raumzentrierten kristallgitterzelle dargestellt " jetzt wüssed ihr's wänn ihr mal so äs gspräch händ wiä ich neulich im zengarte und au das dä kern schneller isch mit sinerä rotation als dä üsseri flüssig mantel aber s'wüsse über das ganzi isch gar nöd so gross wiä ich eigentlich dänkt han isch ebä schwierig zum herä cho zmizt is zentrum vom planet und drum isches da i dä kategorie wissen und oder aber glauben ganz wiäs eu dänn gfallt |
|
|
|
|
So 08.07.2007 |
Kornkreise |
|
Kategorie: Wissen und glauben Autor: rolf steiger (erstellt am 08.07.2007 - 23:13) |
|
mal in orange diä farb und züridütsch macht's quasi fascht unläserlich und genau so mysteriös sind chornchreis dä erschti cropcircle isch 1978 in england entstandä aber erscht 1980 isch s'erschti bild mit artikel inerä zitig cho im 1991 händ zwei renter zuegäh, dass sie die chreis fabriziert händ das isch dä link zu crop circle connector mit jenschtem au vo däm jahr sind's echt oder isch alles nur vo mänsche gmacht isch d'frag wiä au immer jetzt isch uf jedefall saison für chornchreis das bild wo gsehsch bim mouse over isch vo hütt vomä fäld in wiltshire wo's jedes jahr was git natürlich isch das au scho äs thema gsi uf eusem extra kuscheligä web-tv än richtigä und echte kornkreis ganz i dä nächi vo seegräben äs packends ziit dokument ouh nei jetzt hani pointe eigentlich scho fascht verrate |
|
|
|
|
Do 28.06.2007 |
Neutrinos |
|
Kategorie: Wissen und glauben Autor: rolf steiger (erstellt am 28.06.2007 - 03:32) |
|
das neutrino isch äs elektrisch neutrals elementarteili äs isch im erdexpansions bitrag scho mal churz als "erd-blähigs-teili" cho was aber i dä wüssäschaft eher chli umstrittä isch im gägesatz zu dä neutrinos wiä dä link zu wikipedia zeigt dä enzyklopädischi link isch zur bildig vo chli allgemeinwüsse und natürlich müesstis au nöd immer zu wikipedia si äs git no ganz anderi sitä mit infos zu neutrinos so wiä diä vo dä "welt des allerkleinsten" ideal für all wo nöd gern züridütsch läsed diä sitä zu dä neutrinos isch natürlich in hochdeutsch mit so gschichte wiä diä vo dä 60 milliarde teili pro sekunde wo ein quadratzentimeter durschlönd und mir merked nüüt vo däm wer nöd gern langi text hätt und lieber äs video lueged oder aber au zwei das wäri dä profässer harald lesch vo alpha centauri mit 2 streams zum thema dä erschti isch "was sind neutrinos" und dä zweit "wo sind die neutrinos" diä beidä video links sind au uf dä wikipedia sitä ganz unä z'findä aber nett wiä ich ebä bin han ich's für eu seperat extrahiert im kosmische uftrag für meh wüsse und weniger glaubä |
|
|
|
|
Mi 27.06.2007 |
prima klima |
|
Kategorie: Wissen und glauben Autor: rolf steiger (erstellt am 27.06.2007 - 05:31) |
|
ganz in rot mit ächli blau drin s'isch summer und äs rägnet no vor ca. 2 mönät händ all gjömmeret äs wird z'wenig wasser ha und alles vertröchnet und ich han das do scho in blog gschriebä dasäs äso wird chum rägnets sind all am wäffelä wo isch dä summer mal wieder dä ziit vorus gsi mit därä prognose und s'klima wäri dänn schuld gsi a dä hitz so wiä's jetzt schuld isch a dä gwitter aber was isch dänn s'klima genau drum dä enzyklopädischi link wiä immer zu wikipedia klima isch altgriechisch und bedütig isch "krümmung" das und vieles meh zu däm thema chönd ihr ja selber läse , wänn ihr's wänd äs git s'mikro-meso-makro-klima und au klimaschutz oder aber bi dä apokalyptiker gern gwählt d'klimakatastrophe ich han ja scho jenschti mal usgibig im blog über's klima gschriebä aber immer wieder bin ich überrascht was mis umfeld so dänkt oder besser ebä nöd bedänkt wiäs biespiel grönland zeigt grönland heisst ja grünland und isch zu wikingers ziitä äs bitzli milder gsi vom wetter her als äs jetzt isch dä link zu schulphysik hani zwar schomal bracht aber ebä än anderä teil vo däre homepage und bereits i dä tv-propagandaschlaufe dä welt-klima-krisä-tag am 7. 7. 07 ich bring's dänn mal no seperat aber wieso isch das jetzigä klima s'beschti wo gits ? und wieso muess das gschützt werdä ??? |
|
|
|
|
So 24.06.2007 |
dä tüfel |
|
Kategorie: Wissen und glauben Autor: r.steiger (erstellt am 24.06.2007 - 03:02) |
|
oder diabolus uf latinisch der verwirrer au satan aber schients nöd luzifer und je nach buech isches total anderscht vo "der satan ist ein geschöpf gottes " bis zum genaue gägeteil isch fascht alles z'findä zum böse tüfel nur grossmuetter diä läbt no aber äs isch nöd d' lilith im tarot isch dä tüfel sehr offä und auno ehrlich das wäri mal wieder än link zu wikipedia zum tüfel mit jenschte folge links und warum git's das am suntig ? ich han letschthin am tv ä sendig gseh und erschreckender wiis gahts i dä katholische chile nöd ohni dä tüfel und vor allem fahrt er i armi jungi fraue bsunders gern i und di "geile" priester triebed dänn dä tüfel wieder us und das isch schochli seltsam zum luegä so pseudo "sex" und drum gits dä blog text |
|
|
|