nöd s'sternbild
d'andromeda ascendant
än schwerä chrüzer vo dä G-H klass
was ihr händ kei ahnig vo was ich schriebä ?
ich hans zwar scho im februar 2007 da im blog bracht

aber nett wiä ich bin git's da für eu dä enzyklopädischi link
ich han mir dänkt *wänn scho dänn scho* vo wäge freiä energie
d'andromeda flügt mit antiprotonä und natürlich äm slipstream
äs git ä andromeda datebank sitä wo das erklährt wird

si heisst astrowiki und hätt jenschti infos zu dä seriä
das isch natürlich au dä tüüferi grund wärum das hütt chunt
us dä 5. staffle bringt rtl 2 hütt abig cirka am zäni d'folg numero 509
di würkli sehr speziell trance gemini verirrt sich uf seefra i dä tunnelsystem

das isch dä dylan hunt und sini crew, wobi i staffel 5 sind's chli anderscht
aber lueged doch eifach selber äs isch min tv tip vom mittwuch abig
und wiä scho gschriebä wänn scho space storys dänn richtig
was mir natürlich au no sympathisch isch am slipstream
so als musiker isch d'verbindig zu dä stringtheorie
dur äs portal ab in quanteruum uf dä strings
und je meh dänn scho durä gflogä sind
deschto eifacher wirds für di anderä
und äs isch nöd wüssäschaftlich
s'isch zur reinä unterhaltig
vo eus lieblichsterblichä
so als memä spass

oder eigentlich strandbeests
wiä diä dinger uf englisch heissed
dä niederländisch künstler theo jansen
macht kinetischi kunst wo sich mit wind bewegt

so gsehnd diä wesä us und das isch sini homepage
a dä prix ars electronica im 2005 hätt er dä sonderpriis
übercho und natürlich git's no dä cool werbespot vo bmw
aber äs isch nöd eifach gsi was uf dütsch z'findä über
dä theo jansen und sini strandbiester und drum
da än link zu dä pressekonferenz in münchä
er stellt sich imenä video persönlich vor

ä seltsami art vo text durchmischig
und für diä wo viel lieber videos lueged
git's da än link zu youtube mitem "beschtä" clip

wänn ihr rechts bi more clicked hätts no meh infos
und au spannend isch das 2. video via youtube
wiä und wer macht ä top story bi reuters
än reporter verzellt im studio vo
sim film über beach mutants
und das macht ihn happy

isch scho chli älter aber
sini ussage passed doch guet
zum g 8 gipfel wo hütt ja au no losgaht

in zartem früheligs grüen
nach däm oder aber blog-mässig
ebä obä a dem hirn-marter quante bitrag
git's hütt was total eifachs aber au kunst & musik
und hey! äs isch ja au dä 26. mai und open jam session

no isches nöd ganz sicher aber ... psst... äs cools grücht
vom 20.00 uhr bis 21.00 uhr spielled eventuell d'superschrinks
z.b. so heissi rocksongs wiä dä immigrant song vo dä led zeppelin
isch zwar scho cho da im blog aber doppled gmoppled isch au nöd schlächt

und für all fans vo dä simpsons da dä link für än chlinä spass quasi us dä antike
ihr chönd dä bart euä eigni text a d'tafle schriebä la ... wobii's natürli so isch
das ihr dä text ja uf euem keyboard selber innätöggeled und nöd dä bart
aber tja was sölls ... kei details über realität und wahrnemmig hütt
aber däfür no äs paar cooli illusionä vomä englische künschtler

dä julian beever maled uf dä strass mit chridä tüschendi bilder
isch allerdings au scho voremä jahr dur d'blogwelt gruscht

quasi us dä ganze welt
ich bin fascht täglich uf so sitä
zum was interessants z'findä für eu
aber wills hütt mal wieder so super schön
und sunig warm gsi isch git's nur was churzes hütt
oder mit anderä wort ... ihr chönd eu selber was ersurfä
und als quälle zum grossä nachrichtä meer gits jetzt
da dä link zu dä standardmässige google news

ich hetti au i dä kategorie musik, musik, musik
dä marilyn manson und sini neu cd chönä uswähle
drum isch s'bild zum link vo ihm und sinerä ex
aber ebä  ... das isch hütt ganz eu überlaa
was eu wichtig isch und ihr wänd wüssä
und ich schaffs grad no dä blog bitrag
knapp vor mitternacht fertig z'textä
und später dänn numal z'änderä
dänn doch mit link zum marilyn

cyberhelvetia oder aber
cybees statt schweizerfahnen
wiä scho so oft wänns um cooltv gaht
erinnerä ich mich gern a eusi reisä a d'expo 02
so ganz nachem motto ; " heiterä sind das no ziitä gsi"
und bim zeigä vo eusnä vielä videos vo dä expo 02
bin ich uf dä jazzig report vom reto gstossä
än richtig schön gmachtä bricht us biel
vo dä cybees und cyberhelvetia.ch
was das isch und wiä das ganzi
funktioniert i däm pavillion
än stream vo 4 minutä
usem summer 2002
mit sehr chlinäm
bild für dä link

d'cybees sind
cooli "dinger" gsi
und wänn ich das so
rückblickend luegä, dänn
isch cyberhelvetia eigentlich
so was ähnlichs wiä secondlife gsi

weltpremiere
und da isch si scho
di ehemals nächi zuekunft
isch gägewart und diä ziit rast verbii
zwüsched däm und am letschte blog bitrag
hani ich dur nacht und tag dä musical report fabriziert
ich wünsche allne viel spass mitäm neuä stream bi eus uf cooltv

das sind die schwarzen brüder i dä stahlgüsserei in schaffausen
natürlich isch das nur än chlinä teil vo dä ganze gschicht
äs sind genau 9.21 minutä und quasi als star-part
gits jenschtes vom enzo als givo die zitrone
und au als schuhe verchäufer us china
plus in orginal grad nach äm endi
vo dä glungenä weltpremiere
vom vergangenä samstig
und jetzt isches scho
bereits gschicht
tja das gaht
so schnäll

exclusiv ! dä givo die zitrone
usem musical die schwarzen brüder
isch hütt bi eus im cooltv studio z'gascht
und ich nutzä das natürlich grad für äs interview
im moment isch er grad drah sich selber am tv z'luegä
was heisst ich hans g'filmt und scho gli chönd au ihr das gseh
aber z'erscht gits äs interview mitem givo dä zitrone ; wiä isches gsi ?
genial... mir händ e standing ovation vo 1250 persone gha... das seit ja alles.
du häsch ja grad s'video glueged , bisch z'friedä mit dä umsetzig und hätt alles klappet wo ihr eu vorgno händ ? es hät scho es paar chlini panne gha... z.b. kein ton innere szene und mir isch au d'bühne ufem video so riesig erschine was sie ja au isch und einzelni szene verlüred sich druf doch d'masse szene sind glungä. ja mir hätts gfalle, grad diä riisig bühne und als frag , wiä viel personä spieläd dänn mit i däm musical ? es sind 50 darsteller und 20 musiker im orchester doch d'hauptrolle händ d'chind das sind ja au die schwarzen brüder und natürlich die ganz crew im hindergrund isch also enorm was da so alles brucht wird und a dere stell möcht ich au es dankeschön ad chuchi gäh wo ois vom feinsten verwöhnt. äs dankeschön au vo cooltv, d'häppli, dä schampus und was au immer ... äs isch genau so gsi wiä mir's gärn händ und mir sind bis wiit in morgä a dä premieräfiir blibä was mich zu dä zwei nächschtä frag bringt ... wiä lang bisch du blibä und wiä isch's klima under eu ? huch... es isch 7ni worde und es hät mit vodka ufghört, s'klima isch fenomenal, ich find's jedesmal toll das egal wieviel mitmached es isch immer e grossi familie mit viel herz und liebi ich will scho gar nöd drah dänke was und wie mir ois am 13. mai ade derniere werdet verabschiede. aber das gaht ja no 39 mal , mir isch ufgfalle du häsch viel z'suuberi schuhä ! ah ja... isch mir nöd ufgfalle, wir das de kostümbildnerin witer leite... und du bisch nöd au äs bitzli zu grüen ? schienbar söll die grüen schminki im gäle liecht besser würke aber du häsch absolut rächt ich bin z'grüen ich chumm mir au ehner vor wie de HULK...ich ghörä grad du muesch scho wieder gah ? ja leider min terminkaländer isch voll aber viele dank für das amüsante gspröch und die lässige filmufnahme... no ei frag zum schluss , i dä ziitig isch gstande du spielsch drüü rollä, aber ich han nur zwei gseh ? ich bin ebä en eifache chämifägermeister und dänn no de givo die zitrone, plus en schuehverchoiver.... und weg war er ... ich danke am enzo für das
churzä interview da bi eus im cooltv-blog studio, quasi live am keyboard
äs isch zwar scho sehr viel langsamer als äs ganz normals gspräch
däfür isch äs für mich als bloger grad diräkt und so au eifach
äs schriebends ping-pong ohni ä zämefassig am schluss
und natürlich ganz exclusiv, das gits nur da i däm blog
s' interview mit dä zitronä us dä schwarze brüeder

standbild vom musical-report us dä näche zuekunft
um genau z'sii sind's natürlich zwei bilder dävo
da verhandlets dä priis vo dä spazzacamini
wer meh wetti wüssä ... scrollt ä chli abä
deht gits dä diräkti link zum musical
da git's was anderes mitem enzo
s' theater studio synthese

und dä knut isch än iisbär
ich müessti fascht schriebä dä iisbär !
ich han tv-total mitem stefan raab gluäget und
so än chlinä, schnüsigä iisbär bringt schients ä höchi quotä

das isch natürli kein iisbär, das isch dä orang-knutan us wald
und äs hätt no äs paar anderi knutierischi bilder uf tv-total
aber dä reali iisbär us berlin hätt sogar än eignä blog
mit fötelis und videos ... knut das eisbärbaby

hallo ich bin dä knut ... oohhh und ahhh
da schmelzed jetzt doch fascht all frauäherzä
und au manne finded dä chli bär irgendeswiä no cool
dä knut wird sicher scho gli äs paar werbevertäg abschlüssä
wänn (wer immer d'rächt däzue hätt ) das nöd scho passiert isch
dä knut wäri doch dä ideali sympathieträger für klimaschutz
für weniger co2 und gäges abschmelzä vom polariis
oder aber für iistee, glaces und was au immer
und vo wäge tv-total ... da gits ja no was

ähmm...cooltv...äähm cut uf ..ähm myvideo
das isch no ä sändig usem gewerbeteil studio
achja ... und heiterä sind das no ziitä gsi
wär di ganze 15 minute wetti gseh
chan das bi cooltv go suechä
äs isch "sendung Nr.10 "
vom februar  2002
viel spass und
guet knut

bai ling us china
äs isch ja d'oscar nacht gsi
und drum gits hütt än link zu dä "best celebrities"
nackti stars us hollywood und euäs limbische system därf clicke

däne wo sich nöd vor pop-ups & co fürchted wünsch ich viel spass mit dä celebs
mit zwei drüü clicks sind ihr bi all däne skandal gschichte und bilder
und di vorsichtige, händ immerhin eis schöns nacktbild gseh
wer no wetti wüsse was bi dä oscar nacht gloffä isch
clickt ufs bild zu pro 7 uf d'gwünner lischte

ich han di ganzi show eher chli langwielig gfunde
aber sicher nur will ich nöd däbi gsi bin
und ich wäri natürli cooler gsi
bim thank you säge
als diä gester
aber ebä
...