idT-festival
2 tage mit sozial
verträglichem ökopower
ab hütt i dä kulturfabrik wetzikon
ab 18.00 uhr ...ein treffen von kultur und politik

das isch dä flyer und dä link isch zu dä kultipage
mit allne infos zum programm vom festival
wer wänn spielt oder was grad lauft
und als zuegab no 2 mal port 7

das wäri youtube unquätscht
und für verglich oder was au immer
än mem-link zu myvideo mit drüü neuä bilder

und di lippä-synchron version git's dänn uf cooltv

oder aber
kunst im dorf
mir händ im 2005
mit cooltv au mitgmacht
aber leider, leider nöd gunnä
das wäri dä link zum "doppel" report

us dä cooltv sendig nr. 111 für teletop
d'prisverleihig shortcut plus di lang version
und obwohl mir kei chance gha händ vor 2 jahr
mach ich doch wieder mit bi däm kunst wettbewerb
und für das brucht's dänn ebä ä dvd mit mim kulturellä werk
und eis vo däne acht videos uf derä dvd wett ich eu nöd vorenthaltä

und au hütt isches us streng memetischä gründ zu youtube und myvideo
nur welles isch wohi und was isch besser zum luegä und wärum ?
frage über frage ... aber das isch ja oft dä sinn bi dä kunst
ich tritt dasmal a mit äm hang zum gsamtkunstwerk
vo bilder über theater und musik zu architektur
und natürlich au fernseh und ethikdesign
ich würdi d'siegesprämie gern günnä
aber ich nimmä au susch spände
entgäge ;-) merci merci merci
au chlini beträg sind cool
rolf steiger wetzikon
pc 84 - 33 22 7 - 0

au pair 2
zum zweitä mal
hütt isch's ekg wieder offä
und wiä versproche git's äs video
äs git dä glich film uf zwei portal zur uswahl
dä clip isch uf myvideo und au bi youtube platziert
und wiä so oft chönd ihr selber entscheidä wo ihr clicked
  
das isch dä link zu myvideo und das isch au pair 2 bi youtube
derweil ;-) ich das video ufä lade und vor mich hiibloggä
isch in osaka japan d'weltmeischterschaft losgange
und berislet mich viä television biläufig aber doch
und darum git's hütt au no än sportlichä link

via d'ard git's nachrichtä vo dä wm us osaka
schnäller,höcher,wiiters ganz ohni doping
und im marathon hätt dä viktor röthlin
ä bronze medaille g'holt für d'schwiiz
das fangt ja guet a nur wiiters so
und so als äs redaktionells ps ;
das isch dä cooltv blog bitrag
8-tung fanfare nummer 300
ich danke allne für's läse
und wünsch euch was

bitzers
kunst im ekg
ach ... wanderjahre
vo dä clea und am cäsar bitzer
ab hütt z'gseh i dä kulturfabrik wetzikon
ä grossi installation und chlini arbetä vom cäsar
und "ach" bilder vo dä clea i dä zweite gemeinsame inszenierig

dä link isch zu obscura aktuell mit no chli meh infos zu dä ustellig
und scho gli git's au no äs paar bewegti bilder da im blog
d'öffnigsziitä vom ekg sind uf dä homepage z'gseh
vo camera lit obscura und no jenschtes meh

oder neues
us dä welt vo dä kunst
eis isch falsch und s'ander dopplet
äs gaht da um bilder vom vincent van gogh
s'gliche bild wo einscht 15 millione dollar
koscht hätt isch jetzt quasi wertlos

dä link hütt isch zu sf tagesschau
deht git's di ganzi "doppel" van gogh story
und wer nochli was wetti wüsse über
dä vincent van gogh und sis läbe

das wäri dä link zu wikipedia

das musical
oder aber der report
nachem interview vo geschter
git's im hüttige clip vom heidi 2 meh cooltv
wiä simmer underwägs und wo git's häppli und cüpli
siebä minutä mit cooltv im kampf um gueti bilder ganz ohni stativ

d'gschicht vom musical isch dä zweiti roman vo dä johanna spyri
mitem titel " heidi kann brauchen, was es gelernt hat "
mir hätt dä usflug an walensee sehr guet gfalle
d'bühne isch würklich cool mit super sicht
vor allem bi so wetter wiä's gsi isch
am abig vo däre weltpremiere
und au s'orcheschter und
d'schauschpieler und
überhaupt alles
isch toll gsi

  das musical
weltpremiere vo teil 2
und cooltv isch ihglade worde
uf d'seebühne in walenstadt am walensee
mir werded sicher au äs bitzli filme wiä's dänn isch
aber nöd s'musical sondern d'weltpremiere und s'drum herum
 
dä link isch natürlich zu dä homepage vom heidi das musical teil 2
zum glück isch hütt so än spitze summertag und schön warm
mir verlönd jetzt dänn s'studio und reised an walensee
d'musical kritik oder s'lob git's dänn später im blog

wer kännts nöd
di siebä weltwunder
scho vo über 2000 jahr hätts
di erscht lischtä gäh vo dä weltwunder
und das wäri dä link zu wikipedia

dänn muess ich's nöd abschriebä
und ab morn git's di neuä 7 weltwunder
verkündet werdet's in lissabon am 7. 7. 2007
das oberdatum vom jahr und nöd nur für hüratswilligi
dä initiator vom ganze isch än schwiizer namens bernard weber

das isch dä link zu dä sueddeutsche mitemä interview zum ganze
und für di ganz "schnälle" git's hütt immer no d'möglichkeit
zum mitmache bim voting für die neuä 7 weltwunder

dä link isch zu dä homepage vo dä new 7 wonders
gli scho wüssed mir welles vo däne 21 objekt
äs weltwunder isch und welles ebä nöd
us dä schwiiz git's leider keis werk
wo uf däre wunderlischte isch
und so wiä ich eus känne
au uf dä nächschte nöd

design und möbel
oder wiä tüür chan äs sofa si
nach dä neuschtä trend's a dä design mäss
basel / miami fascht unbeschränkt wiä ich gläse han
äs git hütt scho möbel diä choschted meh als ä million dollar
unglaublich aber wahr und das isch schients erscht dä afang vom ganze

dä link isch zu dä druckversion vom facts artikel will's netter isch zum läse
wenn ich söttig gschichte ghörä über kunst und das ganzi drum umä
dänn wunderet's mich amigs scho äs bitzli wiä eusi welt isch
und natürlich fräg ich mich au ??? wieso mach ich
oder aber kulti nöd mit bi däne kunst spieli

so wiäs usgseht fehlt eus/mir so ä person
wiä di inovativ mässechefin ambra medda uf däm bild
dä link isch zum stern und sisch s'glichi thema wiä im facts
also liebi kunstsammlerinnä chömed zu eus is ekg
mir händ potenzial und jenschtes a objekt
zum massiv mehrwert druus z'mache
quasi ä verscholleni kunst oase
und zum schluss noch dies
nach möbel design git's
au no ethik-design
that's the future

oder di farbig
welt vo dä alte griechä
vor 2 jahr in basel und jetzt in hamburg
ä usstellig zeiget wiä di antiki kunst würkli gsi isch
nöd rein und wiis sondern ebä richtig schön bunt wiä dä paris

dä paris usem westgibel vom aphaia tempel und nöd öppä hilton
äs isch zwar kei richtig neui erkänntnis bi dä archäologe
dänn scho i dä renaissance händs d'farbe wegputzt
mit essigwasser für äs subers und reins wiis
und au später i dä gschicht isch farbig
bemalte marmor barbarischi gsi

s'glichi thema aber än andere link
will ich mich nöd han chöne entscheide
dä zweiti zu spektrum isch länger mit meh text
und jetzt no chli propaganda zum schluss

SuperNaturalThinkTank hütt abig live
im üebigsruum i dä kulti wetzikä
äs gaht los ca. am 21.00 uhr
dä link isch zu dä fötelis
uf euserä homepage