das
isch dä
orginal titel
vonerä reportage
veröffentlicht im greenpeace
magazin im oktober 2007 und hätt jetzt am
7. märz 2008 dä hansel-mieth-preis (6000.- euro) gunnä
da diä engagierti reportage vom wolfgang bauer und daniel rosenthal

dä globalisierigs link isch zum wolfgang bauer und sinerä eigne homepage
ich han diä reportage erscht hütt im magazin vom sonntagsblick gläse
mal wieder wunderet's mich doch ä chli ufem titelbild gahts los mit
dem erfolg geopfert china : das tragische schicksal der arbeiter
dä titel im erschte inhaltsverzeichniss; arbeiten bis zum tod
und grad 1 sitä wiiters wird's dänn das dorf der krüppel
die opfer des drachen isches als titel bi dä reportage
und usem wolfgang bauer wird dä wolfgang rauer
und drum isch dä reportage link au zum orginal

derweil
z'mitzt i dä nacht
ä ente quakend über d'kulti flüügt
jährt sich dä usa gäge irak chrieg zum foifte mal
äs thema wo jetzt ja all bringed und sogar da im cooltv polit blog
uf dä suechi nachem tages link han ich irak 500 milliarden dollar inä gschriebä
bi google news und äs chömed 78 artikel bi 600 milliarde no 8 gschichtä
und bi 700 eigentlich kei me oder 1 aber bi 800 sind's wieder 7
uf jedefall hetti d'welt super cooli sache chönä mache
mit all däm geld wo's im irak verpulveret händ
än chrieg voll lügägschichte und eländ
ich fräge mich wer wagt's und
macht ä azeig gäg d'usa

dä link isch zu radio drs
fünf jahre zweiter irak krieg
mit jenschte links quasi ohne ende
und bi dä recherche bin ich no uf diä site cho

dä link isch zu radio utopie wer immer das isch
und d'usa mit dä afghanistan strategie ?
däbi chönti's so schön si als mänsch
uf dem wunderbare blaue planet
und mini pc nr. 84 - 33227- 0
und mis neuä motto isch
d'welt wird eus rettä

tja
was söll
ich au schriebä ?
mir sind ja au wiit äwäg
und d'mediä meuti isch no in peking

das isch dä index link zu tibetswiss.com
mit informationä zum täglichä gsche in tibet
und äs git no än zweitä link mitem reuters video

dä isch zu dä welt online mit bilder, text und links
und ich dänke über d'chinesä im olympia jahr
öppä so ähnlich wiä dä obelix über d'römer
und da no als info extra service text link
äs interview im tagi über das ganzi
mitem gesandte kelsang gyaltsen

äs
chönti
au bi fun sii
und isch inspiriert
mal wieder vo ehrensenf
äs animations video mit dä frag

isch dä obama dä neui messias ?
än link zu current und uf amerikanisch
wiä mis fernseh programm dur d'nacht vo cnn
s'blogä i dä nacht chan eim vor cho wiä ä ziitschlaufä
und au dä zweiti link vom tag isch eher fun als würklich politik

dä link isch zu failblog und dä titel isch d'message wiä ihr gsehnd
das bild mitem bush und däm buech isch sicher vom 11. september 2001

und zum schluss dänn doch no än polit link zu spiegel online mit dä news
für all diä wo das überhaupt interessiert was i dä usa dänn so lauft
und di anderä surfed eifach morn numal im cooltv blog verbii

mal
wieder
was politisches
cuba hätt än neuä chef
und wer weiss aber vielicht sind
d'revolutionär jetzt doch äs bitzli betrüebt
oder isch das d'idee vo brüederlichkeit under glichä ?
uf mich würkt das mal wieder nach d'gen sind mir am nächschtä

dä link mitemä artikel zum wechsel in kuba isch zu dä faz mit video
und ich bin ja au mal in cuba gsi (mit c) und s'land isch schön
d'mänsche sind sehr nett aber doch oft uf än dollar us
und am zoll sind's voll doofi beamti mit zu viel ziit
uf cooltv git's acht clip's bim stichwort cuba
einä dävo isch d'mission cuba teil zwei 

wer wetti teil 1 gseh chan das bi eus
uf cooltv s'erschti schwiizer web tv
und au s'erschti im züriOberland
nur so als näbe satz erwähnt
und dä agentä film us cuba
würkt us distanz au ächli
seltsam aber no lustig

oder
wiä einscht
fakten fakten fakten
nöd zum erschtä mal da im blog
aber sind ebä doch immer chli anderi zahlä
äs gaht um d'weltbevölkerig und suschtigi welt statisikä
und das mega liechtermeer bild isch sogar scho zum drittä mal z'gseh

dä info link mit dä durä ruschendä zahlä in echtzeit isch zu worldometers
vor eim jahr simmer no 6'595'700'642 mänsche uf eusem planet gsi
jetzt bim schriebä vo däm text simmer scho 6'651'354'412
därfed selber rächne oder aber gönd doch go luägä
wiä schnäll das durälauft mit dä eintä zahle
aber natürlich git's au di langsamerä

und das isch än link zu history
wiä wär's mit 0 mänsche
isch ä spekulation
also kei panik
mir sind
zäch

was
für än titel
aber äs isch mir
nüüt anders in sinn cho
wo mini vier links vo hütt verbindet
und streng gschichtlich gaht's los mitem hitler

dä dütschland history link isch zu dä netzeitung
und speziell erwähne möcht ich dä pfarrer hossenfelder
er predigt in berlin "über das wundersame eingreifen gottes"
und ganz spontan än witz usem dritte rich gläse bi dä rheinische post
Hitler besucht ein Irrenhaus, er schreitet die Reihen der Insassen ab. Jeder
Patient schreit. "Heil Hitler!" Nur am Ende der Reihe steht einger ganz stil. Hitler:
"Warum grüssen Sie nicht?" Der Mann:"Ich bin der Wärter, ich bin nicht verrückt!"

dä link isch zu dä interaktiv box vo 20 minuten mitem us-wahlkampf dossier 2008
mit aktuellä storys und au hindergrund gschichtä für all diä wo's interessiert
und ich kämpfe so ganz ehrlich gschriebä me mit dä grafik vom text
als dänn mitem politischä inhalt vo däm hüttige blog bitrag
aber du wo das am läse bisch ( hallo ) därfsch gern
än zämehang herstellä mit däne vier links
mir als mänsche gsehnd immer einä

no nöd ganz homo aber ufem weg
spontan inä grutsch dä orf link
mit dä gschicht vom "hiasl"

und als letschtes no was
zu china im jahr 2008
aber läsed's doch
eifach selber

das
magazin
für soziales und kultur
und dänn doch i dä kategorie politik
ich hoffä äs isch äs kompliment für's redaktions team

dä link isch zum taxi magazin mit dä neuschte usgab
diä wuchä bi cooltv im briefchaschtä glandet
merci und uf dä taxi homepage hätt's
jenschtes zum läse und spielä
aber clicked doch selber

äs
1 dävor
und s'wäri fasnacht

das isch dä link zum film
mitem titel " die gebrüder blocher"
ich han scho viel ghört dävo aber niä gseh
und youtube sei dank git's dä in voller längi z'gseh

das isch dä link zu retorik mit äs paar reaktionä zum film
tja ... und dä christoph blocher isch nümä bundesrat
händ ächt d'parlamentarierinä dä au film gseh ?

dä
obelix
würdi säge
"die spinnen die amis"
und zwar wäge dä us-wahlä

dä erschti link isch zu die presse
mit emä artikel vom letschtä jahr über
dä bass spielendi mike huckabee mit dä biblä
er glaubt a d'schöpfigstheorie und nöd a d'evolution
er isch für waffe aber natürlich gäge d'homo-ehe
aber das chönd ihr ja am beschte selber läse
und einä vo sinä promi helfer uf däm weg
bis zum präsident isch dä chuck norris
er isch ebä doch au so wiä i dä film
und sis argument isch sini fuscht
und alles im namen des herrn

dä link isch zu dä netzeitung
mitem video vom chuck und am mike
und hütt isch ja au no dä heiligi 3 königstag

mitemä regional nachrichtä link us österreich
isch text mässig was vom beschtä gsi
woni grad so gfundä han im netz
alles nur imperials getuhe