aber nöd nur
hütt isch au no dä
internationale denkmaltag
wird hütt a denkmäler umägspielt ?
ich find das natürlich ä gueti sach vo dä uno
spielä isch sehr wichtig und ebä nöd nur für d'chindä
ulkiger wiis isch das im hüttigä züri oberländer au äs thema
und erwachseni spieled dänn ebä bim sex mit vibratorä und dildos
leider chan ich dä härzig artikel nöd verlinkä, will das choscht bi därä zitig

ä ganzi sitä über dildos und vibratorä mitemä text vo zwei redaktorinnä
plus sachlich informativs zu sextoys und oh wunder dä orgasmus
und für di ganz schüchä wo sich nöd inän sexlade getraued
händs au no äs paar links zu sexspielzüüg ufglischtet
und einä vo däne han ich da für eu im bild verlinkt
mich hätt diä sitä i dä zitig positiv überrascht
mit bilder vo buntä dildos und vibratorä
bim läse vo däm artikel han ich dänkt
d'redaktorin kännt sich da also us
sie weiss vo was sie schriebt
ich wünsche eu cooli spieli
wiä und was au immer
mit wäm und au wo
und überhaupt
viel spass ...

suji wa dokushin ni kagiru
und das isch japanisch und heisst
soviel wiä "zahlen als einzeln beschränken"
und genau um das gahts ja au bi däm zahlä spiel
ich bin scho fascht ä chli än sudoku fan wordä
bsunders di ganz schwierigä rätsel z'lösä
erfreut mis hirni, wänn's dänn stimmt
was mir hütt nomittag bim sünäle
im zengarte easy glungä isch
und drum gits hütt dä link

s'git ja jenschti sudoku sitä
ich han diä usgwählt will's gross isch
und äs hätt au nöd soviel werbig
also viel spass und guet rätsel
und als ps : hütt abig am tv
s'chunt mal wieder boxä

dä nikolai walujew boxäd
scho zum 3.mal sit ich bloggä
und wieder gäge än viel chlinärä
aber das isch ja hütt kein sport bitrag

oder "ein und ausblicke"
in unmittelbarä nächi vo dä kulti
sind's am baue und sie händ au än chrane
einä vo eus kulti-mieter um genau z'si dä marcel stählin
isch mit bewilligung zum chrane-freak ufä go äs bsüechli mache
und er hätt zum glück für eus in luftiger höchi au föteli gmacht vo dä kulti
jetzt für eu ! mal wieder top aktuell und bis jetzt exclusiv nur da im cooltv blog

kulti wetzikä vo obä ... quasi zwei i eim mitem link zum meze und sinerä homepage
bim "mouse-over" würkt 2. bild vielicht äs bitzli verwirrend ... isch aber extra so
und als insider tip für all fans vo live-musig ... am fritig dä 13. ab is studio 5
s'isch open door & git ä jamsession und was z'trinkä gits natürlich au
eigentlich hett ich scho längschtens än flyer söllä übercho ... aber
jaja die hüttig jugend wieder ... und will ebä so isch wiäs isch
git's nur dä promo text für hütt & jetzt zur studio 5 party
chömed au verbii cho spielä das wird sicher luschtig
oder aber ihr chömed eifach cho losä und tanze
und ja s'studio 5 isch i dä kulturfabrik dähei
oder besser gschriebä dä ruum heisst so
und isch einä vo dä kulti üebigsrüüm

oder aber piton de la fournaise
dä titel isch es zitat usämä geniale theater
wer's erkännt chunt 100 pünkt über für's karma
"derweil" i dä halle d "RETROnetics" am abfeschtä sind
schrieb ich dä bitrag im studio bi erfrischendem vogelgezwitscher
hütt isch vo regional, kantonal bis zu dä internationale chriegs-veterane
fascht alles zu gascht i dä kulti mit live bands i dä koko und s'brännt sogar äs füür
und wänn ich zrugg scrollä im blog dänn bin ich froh isch än vulkan usbrochä
und nöd dä chrieg usa gäge iran ... wiä eini vo däne mäldige gsi isch
nach novosti hetts ja söllä am 6. april losgah mit däm wahnsinn
obwohl vulkan usbrüch ä katastrophä sind, bin ich fasziniert
und uf la réunion isch dä piton de la fournaise usbrochä
wer kei ahnig hätt wo das la réunion überhaupt isch
äs isch ä inslä vor afrika östlich vo madagaskar
im indischä ozean und si wird jetzt grösser

nach dä presse text i 4 tag cirka 7 hektare
und d'lava flüsst mit bis zu 60 km/h talwärts is meer
dänn entstaht allerdings salzsüri und das brennt uf dä huut
dä link im oberä bild isch zu vulkän ganz allgemein vo dä uni münster
mit gschichtä vom vulcanus dä gott vom füür und dä waffeschmid
mit wüssens-wertem zu allne vulkantype mit bilder und text
und dä underi link isch uf di französischi sitä ipreunion

ich verstahn leider nur än bruchteil vom text uf däre sitä
aber äs isch s'aktuellschtä wo ich gfundä han im netz
mit videos und allem " was das herz begehrt "
bim umä surfä oder recherchierä diä nacht
isch mir nöd eimal dä co2 ustsoss vo
däm qualmendä vulkan begägnet
aber i allne zitigä dä glichi text
än gruess und guet rauch

unglaublich aber wahr
ich bin grad fertig gsi mitem blog
s'hätt gschneeiät da hani ä autohupi ghört
und si hätt nümä wellä ufhörä vor sich hii z'dröhnä
da hani dänkt ich muess mal go luegä was dänn da los isch
und äs hätt äs auto grad vor dä villa würklich liechterloh brännt
ich bin dänn zrugg is studio und han mir kamera gschnappt
so news-schurni mässig und dä rescht isch uf äm video

d'füürwehr vo wetzikä bim lösche vom auto vor dä villa
soviel für dä moment da usem studio vo cooltv
äs isch än wunderschöne morge worde
i dä kulti nach därä füürigä nacht
än kommentar überlan ich
aber no so gern eu

marihunana, weed oder eifach gras
canna chunt usem indische und heisst hanf
und cannabis isch dä latinischi name für d'hanfpflanze
ich han äs e-mail übercho vo dä internationale hanf-mäss in bern
und än hiiwiis i eusem "medium" würdi sie sehr freuä und bitte da isch er
das wuche endi vom 30 .april bis 1.april 07 isch di 7. cannatrade i dä bea halle in bern
wäge dä behörde isches aber nümä so cool wiä frühener, s'git keis hanffäld meh
und au uf d'hanfpyramide müend d'organisatorä das jahr leider verzichtä
sie mached zwar än joint roll wettbewerb ... aber kiffä isch verbotä
das isch doch überhaupt nümä luschtig und scho chli armseelig
und äs wunderet mich eigentlich, das mir so gsetz händ
und ä so än stress mached mit därä coolä pflanzä
uf dä cannatrade.ch sitä hätts jenschti infos
vo & zu hanf mit videos, fötelis und news

ufem "plakat" isch dä link zu dä hanf-mäss und links und rächts isch än tescht
ich han das hütt i dä zitig gläse; der angriff auf die "wikialität" ist lanciert
äs git jetzt was neus im stil vo wikipedia mitem name citizendium.org
drum gits hütt än tescht mit so was eifachem wiä z.b. cannabis
s'bild links isch zu citizendium und das rächts zu wikipedia
grad jetzt im moment vom schriebä vo däm blog text
isch also no so nöd viel los da bi dä konkurränz
und... wänn ich grad so am schriebä bin
än bitrag über cooltv.ch bi wikipedia
das wäri ä super cooli gschicht
das muess aber vonerä
nöd cooltv person
gschriebä  sii
oder   no
wärde
...
vo dir ???
hey merci- merci
das find ich dänn cool
und au über kulti gits no nüüt
leider leider simmer ebä chli dornröslis

Immer wieder taucht das thema Homosexualität im Fuessball, Militär oder suschtigi Männergruppene uf.
Es isch unvorstellbar, dass en spitzesportler oder en Korporal Schwul chönti si und
doch gseht meh immer wieder Bilder vo sich Manne sehr nöch chö.

Doch die nöchi wird immer als
"nicht bewusste aktion" betittled oder
"rein zufällig passiert" ihgortned.

Isch das zufällig???
Liebi Manne, stönnt doch eifach dezue, das macht s'ganzi viel eifacher,
ich möcht jetzt nöd demit säge, dass sich all sölled oute,
aber läbets us und gnüssets.

Es isch ja nu zum eigene wohl gmeint,
demit diejenige nöd ihres läbelang mit eme schlächte gwüsse
oder gar sündegfühl
dur s'läbe müend.


.....be yourself and be free.....

und zwar i dä globalisiertä welt
das isch äs neus buech vom eduard gugenberger
s'gaht um ort, inslä und regionä wo än anderä wääg gönd
quasi wiä einscht bi "asterix und die gallier" git's oase wo sich mänsche
nöd wänd underwärfe oder kontrollierä laa, im gägeteil sie wänd ihres läbe
sälber gestalltä und ihri eigänartä erhalte oder z'erscht mal entwicklä
und ... fanfare !!! tröööt ... äs git mit dä überschrift erbauliches
" eine reise über die schweiz ins andere deutschland "
3 sitä text i däm buech über kulturfabrik wetzikon
ein refugium eigener art unweit von zürich
geschickt und clever selbstverwaltet
mit dem gesamtkunstwerk koko

mir sind "eine bunte gruppe" und
"das wichtigste medium der kulturfabrik ist "
nah ? was chöntis si ? jawohl ! genau s'isch cooltv !!!
und ich gseh miterä träne im aug ... snief ... ach isch das schön
" Floxanas late nite sub tv talk show " und das gschriebä imänä buech
au än satz vo dä homepage in dialäkt, hätts i das buech gschafft
und natürli isch au dä könig dä georges dä erschti erwähnt
und als schlusswort vom text heisst ganz optimistisch
behalten wir sie im auge ... mit 3 pünktli wiä nett
das isch dä autor vo däm ganze, dä eduard
er muess also mal da gsi si frühener
oder nach text sogar mehrmals

hmmm ... kännen oder nöd ?
ich möcht ja nöd dä bösi kritiker si
aber fascht immer wänn ich so was läse
wo ich's sälber känne und weiss um was äs gaht
gsehn ich falschi informationä und au i däm buech isches äso
s'git äs bild vom foyer und äs staht inside koko und das isch leider falsch
und dä lars isch nüme kassier und und ... isch sicher no vo dä alte koko homepage
aber alles i allem ä wahri freud und äs guets g'fühl so imänä richtigä buech verewigt z'sii

astronomische früheligsahfang
passend zum wätter isch hütt am 01.07 uhr
schients eusi sunne über dä äquator nordwärts cho
mit anderä wort ... s'isch genau glich lang tag wiä au nacht
mir säged däm im volksmund tag und nacht glichi, hani gläse im netz
wobi dä tag scho ca. 10 minute länger isch als d'nacht wäge dä refraktion
das isch än atmosphärischä effekt wo objekt in horizont nächi lupft
und s'aktuellä wätter da bi eus i dä kulti gsehnd ihr ufem bild
das isch quasi live usem studio fänschter vo cooltv

dä link isch us scho bekannte gründ zu myvideo.de
und wer sich wunderät wiä sowas möglich isch
i dä nacht äs video vom morge z'schniedä
ich han das ebä scho geschter g'filmt
aber s'gseht immer no glich us
alles voll schnee juhee...
und ich wünschee
än schönee
tag hee

oder äs zynisches happy birthday
vor vier jahr sind's im irak zum zweite mal ihmarschiert
und dä presidänt vo dä usa glaubt no immer dra, das äs richtig isch
er säit i sinerä red, er wett no äs wiili bliibä und ganz viel dollars verpulverä
ich bin ja nöd däbii gsi und hans au nöd am tv gseh, also ich han das gläse im internet
und mir isch ufgfalle, das jenschti ziitigä genau s'glichi bringed au grafisch im netz
vo grenchen über bern und solothurn bis is limmattal händ all di glich sitä
und au international isch bi so gschichte alles sehr ähnlich
dä artikel i dä netzeitung.de isch äs bitzli länger

d'umfrag bi dä irakische bevölkerig erstuhnt mich nöd
wänn irgend welchi militärs vo dä anderä sitä vom planet
i dä schwiiz würded nachem rächte luegä und eus wetted hälfe
ich glaub mir hetted gar kei freud a eusne gäscht und befreier
äs wunderet mich sowieso das d'us-amis überal uf dä welt
ihri macht und interässe wänd durä setzä und selber
im eigne land unfähig sind, ihri problem z'löse
mit däm vielä geld hettids was gschieders
chönä mache als dä chrieg im irak
und ich hans scho mal bracht
d'usa wetti au no dä iran
inän chrieg inä zieh

das isch 0815 info
d 'news hinder dä news
hütt passt eis vo minä liebligns
wörter us dä cooltv moderations ziit
"derweil" ich umästöberä im netz zum thema
händs im irak dä stellvertreter vom sadam hiigrichtet
das isch quasi äs gschänk zum jahrestag vom irak chrieg
und vo wäge iran chrieg und spekulatione übers wänn
nach dä mäldig vo novosti us moskau isch das gli
und zwar no vor dä osterä am fritig 6.april
das wäri dänn leider grad am karfritig

oder dänkt und glaubt dä george w. bush
das wäri äs ideals gschänk für jesus
und sis eigne sterbä anno domini
wänn so isch da fräg ich mich
wer isch da total gfährlich
und hätt d'atombombe
tja äs isch äs eländ
& drum gits jetzt
zur entspannig
no sändig 43

das isch quasi än
web 80.0 Kbit/s live-report
vo dä nordgränze vom sändegebiet
" heiterä sind das no ziitä gsi" do im 2003
und dä L. A. Disarea no dä Dj Dizz mit neuer cd
aber lueged doch sälber ;-) ... wänn ihr öppis erkänned