ist
ein loch
aber schient's
isches nöd würkli eifach

das isch än info-link zu dä
geothermal-energy sitä für än
allgemeinä überblick zum hüttige thema
diä meldig i dä basler zitig hätt mich druff bracht

tja das isch än tüürä spass gsi aber däfür eis vo
dä bescht dokumentiertä erdbebä uf däre welt
und als 3. link s'tüüfschtä grade loch wo's git

und das isch's ktb i dä oberpfalz in dütschland
und als ps: mich wunderet's ja no immer
under eusnä füess hätts quasi gratis
energie im überfluss aber ufä holä
das isch no nöd glöst so wiä's
im bohrendä basel würkt
ich find geothermie viel
besser als gaskombi
und akw's sowieso

magazin für
soziales und kultur
jetzt und scho sit am nomittag
lauft i dä kulti wetzikä s' in der tat festival
und amä stand ufem vorplatz hätts au s'neui taxi gäh
mitemä wunderbare artikel über d'supernatural

und wägem taxiwebmaster copyright respect
gits s'aktuellä taxi titelbild leider nöd
aber ihr chönd ja uf's bild clickä
und schwupps sind ihr
bim taxi magazin

der film
oder aber au
s'fazit bim wettbewerb
ausser spesen nichts gewesen
mir sind mit eusem kurz-film nöd is final cho
weder uf d'shortlist no uf d'longlist und leider chamer
euses hart erarbeitetä werk nur uf dä 15 compis im kino bewunderä

da mir mal wieder lade problem bi skypro händ isch dä link zu youtube
dä film isch im format 16 : 9 was nöd würklich eifach gsi isch bi
dä ganze produktion vo däm spannendä si-fi trash krimi
und zum erschtä mal ufäm premiere pro gschnittä
was nöd ideal gsi isch grad mit däm ziitdruck
aber so simmer halt ebä mir vo cooltv
und wer weiss vielicht gfallts ja
usgrechnet dir super guet
und für mich isches ä
erfahrig meh für
än spielfilm
und ps :
isch leider
äs bitzli quäscht
äs isch äs elend mit 16 : 9
oder aber mit däm flash vo youtube
äs chunt dänn schon no besser und uf cooltv.ch

das isch
dä titel oder
aber s'thema vom
talent screen wettbewerb
und mir sind so grausam im stress
so das dä blog leider nur sehr churz isch hütt
und au no sehr spaht aber däfür mit ganz aktuellä fötelis

diä drüü bilder sind vom joschi herczeg wo eus bi dä filmerei
zäme mit dä sabine lüthi für's migros magazin begleitet
wänn alles klappt git's ä riisä foto reportage vo eus
wiä macht mer in 48 stund än foif minütige film
und das ganzi sötti cho am 17. september
tja soviel für hütt quasi live usem studio

oder
aber s'endi
vom summer drama
s'cooltv züglet uf dä 1.sept
vo dä koko als ag zum verein kuhalle
äs cool's juhu mit fanfare und was au immer
und leider isch mir grad vorher dä compi
abgstürzt mitem witzigä erscht text
und drum isches bim zweitä mal
numä würklich luschtig aber
s'isch ja eh äs drama gsi
und als link vom tag
ä sändig us äm
cooltv studio

sendung 88
und natürlich äs
dankä ! das händ ihr
c.e.o's aber guet gmacht

oder aber
wünsch dir was
wänn's dänn schnupped
däbi sind's aber gar kei sterne
s'gseht viellicht ä chli so us vo distanz
und di lieblich sterblichä därfed was wünschä

dä link isch zu focus mit infos zum hüttige thema
wer was vo dä parade oder aber dä stones
wett gseh chan das uf euserä page
eifach bi search inätöggelä
und scho chömed's
eusi streams
uf cooltv

  oder
unwätter
wiä all schriebed
däbi isches ja viel wätter
und vor allem mit ganz viel wasser
was ja eigentlich super wäri so als "rohstoff"
aber ebä ... äs bitzli me und scho isches ä katastrophe
da sind 4 bilder mit links zum hüttige rägetag i dä grüenä schwiiz

                 

                 

mir händ geschter drüber diskutiert wiä's dänn so isch mitem wätter
und s'schöne bi däm thema isch ... äs händ all ä eigni meinig
für all hoby psychologinä und natürlich au für profis
zeigt das oft wiä mer selber isch und denkt
äs chunnt mir jetzt so ganz spontan
än alte werbe slogan in sinn
" das isch ebä natur "

  än glückstag
für chinesä und innä
und in heidelberg isch hütt
s'888. baby vom jahr uf d'welt cho
und natürlich händ ganz viel hochigstag
alles am 8. 8. und äs regnet im züri oberland
d'schlagzeile imenä jahr wird ganz sicher peking si
hütt händs dä countdown für di olympische spiel gstarted
no isches nöd fertig und di 40 milliarde dollar sind nonig verbauä

aber sicher scho gli und dä link zum thema isch zu spiegel online
"ä grossartigi glägeheit zum china und sis volk z'entdeckä"
das staht i däm artikel und isch vom ioc boss j. rogge
dä start isch am abig am acht ab achti am 8.8.08
s'achti staht schients für glück und richtum
mir werded's gseh & ghörä wiä's wird

wänn
das wörtli
wänn nöd wär
wär ich scho lang än
milliardär ... aber äs git's ebä
ich han grad letschthin über's liebä geld
philosophiert und das äs schients nöd alles isch
und doch sind fascht all jedä tag für das geld am schaffe

dä link isch hütt zu dä faz.net mitemä artikel über milliardär
kei ahnig wieso aber mängmal isches halt eifach so
und ich hans am 3. mai schomal gschriebä
1 million sekundä sind 11 tag aber
1 milliarde sek. sind 31 jahr
und das wäri euses
cooltv pc-konto
87 - 24 75 00 - 2