und
scho wieder
ä wiederholig im blog
oder aber eifach alle jahre wieder

da mal än keltische link zum bruchtum
vo bäre und meitlimärt bis zum gans-abhauet
und am 11.11. genau am 11.11 uhr gugget's voll los

da "die quadratur des kreises" mit link zum züri-carneval
ich bin au mal däbi gsi am 11.11. 11.11 uhr und s'isch spassig

und eifach so no dä elfä link "die sache mit der elf" vo rbb online
nach wikipedia isch 11 au ein vorige bi 10 abzoge (rest 1)
und über d'elfä oder alben und suschtigi fabelwesä
chunt dänn sicher au mal no was im cooltv blog
aber zum schluss da no was ganz anderes

dä filmreihe kultur link zu dä welt online
mit dä falsche bilder vom 1.weltkrieg
wo hütt vor 90 jahr g'endet hätt
uf das und d'zahl än schnaps
für än guete winter-schlaf

in
grüen
wiä d'dollar's
s'gaht um dä fall klatten
mit bezug is oberland nach auslikon

das isch dä ex-sekte link zu 20 minuten
und äs isch mal wieder schwierig gsi was z'wähle
drum da für eu (gwundrige) dä text link zu dä google news
mit jenschte artikel zu däre milliardärine sex affäre
wänn aber ä frau än milliardär wetti abzocke
isches dank schwangerschaft eifacher
und no was fallt mir uf bim läse
für 7 milliarde müessti dä
ospel cirka 350 jahr
voll dure schaffe
und äs git ja
no richeri
als sie

dä
papst
gregor isch
quasi dä erfinder vo
allerheiligen am 1. november
vorher isch das fäscht nach pfingste gsi
aber d'frag isch natürli wer isch wänn und wieso heilig
ich chumä grad zrugg vom bühnebaue und zwar us dä heilige halle

dä heilig link vom tag isch zu wikipedia mit äs bitz infos zum thema
und ich bin immer wieder amüsiert wänn ich so text durä läse
aber hütt isch ja gar kein suntig und äs git au kei predigt
däfür git's no dä text link so nachem motto holy shit
und für boulevard freaks no än blick i d'zuekunft
wer weiss vielicht wird ja eine vo däne heilig

das isch dä people link zum blick online
eusi stars sind ja scho fascht heiligi
i dä auge vo dä fans uf jedefall
ich wünsch än bsunderä tag
so ganz wortgschichtlich

hütt
ganz in
chürbis-orange
und halloween chunt vo
"all hallows' even" frei nach wikipedia
und wer's genauer wetti wüsse mit däre gschicht
clickt wiä immer i so fäll uf's bild und landet i dä enzyklopädie

äs mag vo irland über amerika und via mediä zu eus zrugg cho si
aber mir händ däfür d'räbeliechtli und umzüüg derselben
da no än text link zu halloween bi focus online
und hütt isch ja au no reformationstag
wäg däne 95 thesä vom luther

dä link isch au zu wikipedia
und das sind diä thesä
wer's dänn mag läse
isch schweri chost

drum no dä link
schnee juhee
wäg gester

äs
quicky
derweil d'party
im vollen gange isch
mir händ wieder normal ziit
was heisst "snief"dä summer isch verbi

dä vermischti link isch zu dä tagesschau
und eigemtlich isch winterziit ja falsch
aber i sonerä nacht isch das egal
mir uf jedefall und grad jetzt
will ich merk's ja eh nöd
oder aber dänn morn

öppis
nümä ganz
neus usem fernä japan
und uf dütsch die schnälli antwort

dä enzyklopädisch link isch zu wikipedia
ich han das ebä im fernseh gseh und drum

dä magazin link zu 3 sat online mit neues
tja ... und wer äs qr-code handy hätt
chan diräkt uf zwei stream's oder
aber au uf diä site zrugg surfe
äs sind d'cooltv/blog codes
und zwei flashback clips
ich wünsch guet surf

das
isch quasi
no än nachtrag zum
neuro blog artikel vom suntig
und nachemä philosophische g'spräch im
cooltv studio vo wäge freiem wille und dä hirnforschig

da isch dä mindmap link zu public.tu-bs vom jürgen tausch
da hätt's jenschtes a theorieä für all diä wo sowas interessiert
das thema vom freiä wille chunt au nöd zum erschte mal im cooltv blog
und hütt isch ja au no vollmond und drum git's no das schöne bild vo dä kulti

mitem aktuelle mond link zu astro-sesam so als altenative zum häxe kalender
und wänn ihr jetzt so äs hirnstrom-mässgrät vor euem bildschirm hetted
dänn wüssted ihr vor euem ich bewusstsii scho was ihr a clicked
oder ebä au nöd und zu dä monday boy's wiiters scrolled
und's ich dänkt ... das han ich jetzt guet g'macht

äs
quicky
ganz in gelb
zu ehrä vom träve
und däm nette abig geschter
mit dä frag nachem woher vom raclette

drum da dä schabendi link zu wikipedia
und am musiker tisch hämer au no
erkannt wiä viel strom so n äs
raclette-öfeli bim schmelzä
vom chäs so verbrucht
ganz eifach ... z'viel
aber am schluss
hätt's klappt
zum glück
merci LA

oder
aber vanity
vom latinische vanitas
da grad mitem wikipedia text link
isch eis vo dä g'sprächs-thema's a dä bar gsi
i dä kulti das wuchä endi und zwar me als nur a eim abig
da chönd ebä diä eitle mänsche wo in usgang gönd scho mitredä
doch nöd immer isch d'definition vo däne begriff au allne klar
und isch und wett mer dänn au no eitel si oder doch nöd

das isch dä übertriebeni link zu dä eitelkeit bi wikipedia
und än click bi narzissmus isch au empfehlenswert
ich schrieb's jetzt au mal obwohl's ja blöd isch
ä gsundi eitelkeit isch kei sünd und sicher
besser als so ä chranki bescheideheit
bi wikiquote git's no äs paar zitat
und zum schluss no än tescht

isch zum manager magazin
und ich bin präsent ohni
z'übertriebä und äs
vorbild für ander
tja so bin ich

O '
zapft is
und ganz in blau
s'oktoberfäscht in münche
und äs sind kei fläsche sondern chrüeg

das isch dossier 2008 link zu dä welt online
mit allerlei rund um das mega massä besäufnis
aber als eidütigs schwerpunkt thema mit dä dirndel
und bim suechä nacherä informative sitä zu däm fäscht

isch mir au no diä site ufgfalle mit name oktoberfest tv
äs git live streams mit ton us dä verschiedenä zelt
und als spezial service dä wiesn polizeibericht
äs isch dänn ebä doch än underschied wiä
viel geld verdient wird mitemä besäufnis
und natürlich öb d'promis mit suufed
tja ... ein prosit der doppelmoral