und passend ganz in blau
eigentlich känned all ihres sternzeiche
und di meischte läsed ihres horoskop i dä zitige
ich han au eis brucht hütt für dä geburtstag vo mim brüeder
und drum ... gits än link zumäne gratis online horoskop
einä zu wikipedia und einä zu dä süddeutsche
und diä textzeile isch der grafik wegen
und diä auno für ä schöni form
s'isch quasi fisch-kunscht

mir sind im moment im sternzeiche vo dä fische
ich glaube ja nöd würkli a so gschichte
ich denke mir werded chli so
will ja all immer säged
ebä typisch fisch
und nadisna
glaubeds
denn
all
oder
aber au nöd
zum glück gits au ander

aber wärum dänn ?
und erscht no ganz ohni farb
ich baue än zengarte bi mir im atelier
und dänn hani no champions league g'lueged
däfür isches scho fascht äs bitz wiä frühener bi cooltv
möged ihr eu no erinnerä a di legendäre news usem orbit ?
di sehr seriöse churznachrichte us space city mit däm genialä trailer

mit so wichtige mäldige wiä die vo dä sensationelli entdeckig im pfäffikersee
wo's nach jahrelange, intensivä suechi dä abfluss stöpsel gefundä händ
videos, power-points und no viel me luschtigs gits uf lustich.de
und ich schaffs grad no vor mitternacht z'speicherä
ach isch das än termin druck so als bloger
aber ich gibä ja alles für dich
geneigti blog läserin
manne sind au
mitgmeint
im fall

oder mouches volantes
und äs gaht trotz 1.märz nöd um dä frühelig und au nöd würkli um muggä
ich han än newsletter vom floco tausin übercho ... isch's pseudonym vomä student
und er hätt sogar äs ganzes buech über das phänomen "vouches volantes" gschriebä
wer kännts nöd di flügende mugge im aug und ich han mir scho als chind diä frag gstellt
was sind das für pünkt und ring wo da vor oder i minä auge umä flüssed und tanzed ?
ufem mittlerä bild isch dä link zum floco tausin und di anderä beide sind info links


isch also au grafisch ä luschtigi sitä
und äs freut mich, dasäs nöd öppä ä chranket isch
im gägeteil s'isch äs zeiche vo wiiter entwickletem bewusstsii
ich als schaman han da natürli kei berüherigs ängst
ehrlicherwiis han ich dänkt s'isch was anderes
sind chlini luftblätterli ufem füechtä aug
und diä schwümmed chli umenand
und wänn ich entspannt bin
dänn gsehn ichs tanzä
oder aber äs sind
kanal reschtä
durs aug
?????
tja

zweitä versuech
leider isch mir dä erschti text mitem compi abgstürzt
das passt guet zum thema wahrnehmig und wiä chunts mer inä
s'isch än geniale text gsi über d'klimakatasrophe und dä mediä hipe drumumä
wänn ich ä news sändig luegä im fernseh dänk ich amigs; diä händ ja all än schade
zerscht bringeds was zum klima mitemä isbär ufem isberg und er muess is wasser gumpe
dä armi bär - cut- industrie wo raucht mit schnitt i d'wüeschti und än total vertröchnete bode
s'ganzi undermalt mit dramatischer musig und zum schluss äs paar bilder vo wetter kapriole
dänn chunt was vomä chrieg mit allem elend und soldate in rauchende trümmer am ballerä
- cut- politiker fahred i luxus limousine vor mit jenschte bodyguards und dä medieämeuti
sie lächled i ihrne ahzüg i d'kameras und i grosse paläscht schüttleds änand d'händ
und zum schluss vo dä news sendig chunt no was vo dä prominänz us aller welt
dänn jubleds und schwärmeds wänn di grosse stars i ihrne limos vorfahred
vo dä filmpremiere a di nächschti vip party und zrugg im eigne flugzüg
aber ich han gläse , dass d'stars in hollywood für d'oscar nacht
uf ihri mega super strech limos wänd verzichte das jahr

mir werdets gseh am suntig uf dä mäntig a dä oscar nacht
aber ebä ... überall gseht mer superstars i grosse limos
schlürfed champagner und genemiged sich äs häppli
und d'fans träumed dävo au so z'si wiä ihri idol
und dä coolscht hätt dä pimpigschti charre
und s'iis isch nur wichtig für dä drink
aber im focus staht s'wird besser

si wärded jetzt grüen in hollywood
gnueg vom klima und däm pseudo getue i dä mediä
äs isch so wischiwaschi , denn sie wissen nicht was sie tun
bim sueche vo "wahrnehmung" gits ganz viel sitä mit optische illusione
ich han für eu zwei usgwählt mit jenschte bilder zum sich selber usäforderä
au die beide bilder sind optischi illusionä us schwarz-wiis wird farbig
mit dä muus übers bild scrollä und 30 sekundä dä punkt fixierä

und nach ca. 30 sekunde mit dä muus wieder usem bild fahre
und dänn söttis s'schwarz-wiis bild farbig werdä susch ...

das isch quasi numal s'glichi in rot und mit blauem himmel ?
äs sind mini erschte versüech und d'farbe stimmed nöd würkli
und di beide links sind sehr ähnlich aber doch nöd würkli glich
und als absolutä hammer in sache flimmer noch diesen hier

viel spass mit däne heftige illusione us japan s'isch op-art
und äs pulsiert und flimmäret das äs dä eintä schlecht wird dävo
also vorsicht wer's nöd vertreit sötti nöd uf dä link clicke
äs isch alles nur ä sach vo dä wahrnehmig
und oft tüsched mir eus bim luegä
aber zum glück nöd immer

sölli oder sölli nöd
ich han äs orakel gmacht mit dä frag
söll ich diä orakel-sitä bringe oder nöd ?

und d'antwort isch gsi
umbedingt
hey !
wer hett's dänkt
viel spass bim orakle
8

überwachig in england
di armä britä wärded schients cirka 300 mal am tag g'filmt
vo meh als 4 millionä überwachigs kameras ... schriebt the sun geschter
und hütt isches scho im blick und im blog

das isch min erschtä link zum blick
s'thema isch aber scho sit juli 2006 im gspräch
oder no länger , eigentlich isch das ja än alte traum vo eus manne
und stelled eu vor ... mit di erschte wos chaufed sind ... nah ? wer chönntis si ?
ich han kei ahnig , aber s'reizt zu scherz a discretion für fascht all verchlämte regime
ich bin ja au so nett ... und wills im blick natürli nöd erkläred wies funktioniert
gits da uf eusem intelligänte cooltv blog än link zum fraunhofer symposium
aber 8-tung ! äs isch äs pdf und würkt wiä ä pp-präsentation

und so ganz under eus ... wär da jetzt sexuell scharf wird
isch än röntgen-fetisch-freak oder wiä oder was ?
ach so .. sisch än röntgenrückstreutechniker
ja viel spass bim reisä nach england
und ps : ich forderä ja scho lang
wer is parlament wetti
muess sich nackt
zeige

zoom - zoom - zoom
zum jahresahfang quasi än cooltv-klassiker
nöd nur uf dä homepage , nei au da im blog chunnt was vo frühener
aber da mir dä ziit ja eh vorus sind ,macht das gar nüüt


das isch zwar nöd s'zoom-bild ,aber äs isch s'logo vo dä homepage wo ichs här han ...
und für di ganz aktuellä vo eu
gönd eis zrugg uf dä homepage vo freegreymatter
und deht gits s'saddam hussein hanging video
sowas zeigeds dänn wieder uf youtube ,aber nackti mänsche zensuriereds
"die spinnen die amis"... zitat vom obelix
...

das wäri dä zoomquilt diräkt-link
und ps;
was würkli topaktuells
das video vom saddam isch ja no vo letscht jahr
s'wätter im tsüriOberland
äs schneeit
...

tja das wärs scho fascht gsi , mit däm coolä jahr ...
und da dä blog ja äs bitz d'kompensation vo dä sändige isch...
zum schluss was luschtigs wiä immer "just click it"
quasi cooltv-news ohni moderation ,
d'bilder sind ja au ohni text
aber ihr chönd ja was erfindä ...

schlürf ...
will's so schön prickled
und als vorfreud uf morn ... dä silvester