hütt git's
im cooltv blog
2 links zu anderä blogs
als erschtes zum blog.schweizinfo.ch

wer im cooltv blog än kommentar schrieb
wiä das dä erich boul ebä gmacht hätt am fritig
chunnt än gägelink über für chli meh gäscht uf dä sitä
als zweits git's än link zum photoblog vo i-progress
will di letschte 3 events wo cooltv gfilmt hätt
gits au als fotos vom adi uf eben diesem

d'ustellig im ekg vo's bitzers au pair 2
dänn s'konzert vom yoro massa
und's schlauerbauer openair
zwei blogs us dä schwiiz
und als internationals ps
no äs bild vom hurrican dean

dä link isch zu dä sf tagesschau

ganz
easy und so
und hütt mitemä
video clip us amerika
mit und vom george w. bush
s'thema vom schurni sind zombies
ä prässe konferänz usem white house
isch uf amerikanisch aber lueged doch selber

bush vs zombies und dä link isch zu bendecho

quasi
än nachtrag
und au als ersatz
für dä nöd erotischi blog
  vo morn leider ganz ohni babes
und au ohni nackti boys däfür jetzt für eu
än clip us dä rubrik "schräges aus dem internet"

das isch ja scho fascht so wiä frühener uf teletop
dä link isch zu lustich.de eini vo eusnä quälle
für bilder und ebä au videos us aller welt
und morn git's dänn s'heidi da im blog
teil 1 vom teil 2 vo heidi das musical
oder aber zwei reports vom glichä
ihr werdeds ja dänn gseh morn
wiä das usächunnt mit euserä
idee vo 2 verschiedenä clips
us 40 minutä roh material
oder äs git sogar 3 film

und dänn
erscht no fantastic
ich han neulich äs video gseh
wiä's so isch mit dä roboter im jahr 2007
doch leider find ich'n nüme i dä wiitene vom web
aber bi dä suechi han ich än anderä clip gfunde
scho fascht äs bitzli gruslig so än roboter
ich dänke da hetted no viel chli angst
ä so gross und dänn au no fräch
oder aber s'isch än mänsch

dä hüttig link isch zu metacafe
eini vo unzählige video clip sitäne
äs git sicher mal no meh zu
roboter da im inovative
cooltv future blog
mit "echte"
roboter

it's in swiss dialect
wer hätt sich nöd scho gfräget
wiä funktioniert das mitem müüsli-pfiil ?
ich han äs e-mail us japan mit dä lösig übercho
äs isch quasi ä nano lupä und so gseht's us
mitem müsli drüber scrolle und clickä

so isch das also aber wer hettis dänkt
d'japaner sind immer für ä überraschig guet
wiä diä muusträger usgwählt werdet
zeiget dä nachfolgendi video link
userä japanische tv show

run baby - run baby - run ...
bitte am beschte singend läse merci
und zum schluss so wiä frühener
was luschtigs usem fundus

ihr därfed mal wieder wähle
oder aber au beidi luegä
sind cooltv klassiker

mit strip's und trick's
äs isch scho fascht wiä einscht
dännzumal i eusnä vielä sendigä uf teletop
und dä allsiits sehr beliebtä rubrik mit dä schräge clips
us dä unendliche wiitenä vom internet und dä wäri sicher cho

das isch d'ursula martinez us england mit äm "hanky panky"
sie zeiged stripend än zaubertrick mitemä rote tüechli
wer mitem müsli über's bild fahrt gseht wiäs gaht
aber di meischtä sind zu abglenkt bim luegä
will sie würklich nackt isch bim zauberä
min 2. favoritä clip isch au än strip

who's inside my baby isch dä titel
und wiä hettid mir dä clip a moderiert
ganz sicher mit "aber lueged doch selber"
und genau so isches au hütt im blog

um genau z'si
chili out und chili in
än wahrä cooltv klassiker
eigentlich einä vo minä erschtling
scho damals bi dä premiere vor über 10 jahr
isches dä eintä im publikum schlächt wordä bi däm clip
und ich fräge mich so am suntig ...hmm; isch das jetzt absicht ?

dä link isch zu myvideo quasi als memä-schlüderä für dütschland
und äs nimmt mich ja wunder öbs das video zensiered oder nöd
und als absolutä hammer für all chotz fans git's das ganzi retour

diä zwei cut's sind us dä sändig 50 und 64 vo cooltv uf tele top
d'moral vo dä gschicht därfed ihr für eu selber ergründä
uf jedefall isch das scho immer än beliebtä clip gsi
emotional und was au immer obwohl das
natürlich alles nur än fake gsi isch
niemerd hätt würklich kotzt
und zum schluss no dä
link zu dä version
us dä floxana's
lateniteshow

no als chilli out
mit magerä 45 kbit/s
und über 1000 flimmer schnitt
aber scho damals mit techno underleit

quasi us dä rubrik
heiterä sind das no ziitä gsi
und äs isch mal wieder
chli später wordä
mitem bitrag

und das isch
dä grund für das ganzi
wobi natürlich nöd genau das
aber das prozedere vom brot im chäs
und au dä titel link isch hütt ganz im eigä-mem
us dä klassiker schatzchischtä äs paar cooli jojo tricks
mir jojöled alles vo cherzä bis zu teddys und au ganz ohni schnuer

das isch us sendig 64 mit emä rückblick zu vergangenä jojo tricks
eusi huusinternä mem's wänd usä i di grossi wiiti netz welt
also würdi's eus freuä ihr kopiered das fliisig wiiters

und das am mäntig
däfür isches mal jugendfrei
und bi schrägs usem internet anstell
vo dä coolä erotik wiä üblich am wuchä afang
aber... äs isch doch was mit sex und äs isch än tescht
gsehnd ihr dä underschied zwüsched rockstars und pornstars ?

nümä würkli neu, aber ich find dä vergich vo men.style no luschtig
und hart aber wahr, ich han nöd all chönä richtig zuäordnä
äs solo und än orgasmus sind ebä doch sehr ähnlich
und ich säg das ja scho lang ; musik machä
isch fascht wiä gruppäsex mit chleider
wänn's dänn würkli voll abgaht
ich wünsche eu viel spass
bi was jetzt au immer

  oder än gruess usem first life
ich han ja schomal ganz churz second life erwähnt
aber dänn bini go säsche is studio 5 i dä reale erschtä welt
ich han mich i dä zwüscheziit ahgmeldet aber leider funktionierts nöd
will mir händ än ganz än alte compi zum surfe, maile und bloge
und dä neuer isch zum video schniedä für euses web-tv
aber äs fehlt eus än gamer compi mit grafik charte
und dänn chönti mer cooltv au im second life
begrüessä und was au immer mache

cybersex a discretion im second life
wänn möglich mitemä interaktive ahzug
aber ebä mir bruched für das zerscht so än compi
und dänn ... dänn tauch ich i is zweite läbe
wär also öpper kännt oder selber
einä hetti ... so än compi
mir chönd än bruche
info@cooltv.ch