oder
voll und pong
und alles in stop motion
wer regelmässig ehrensenf lueget
hätt dä clip zwar scho gseh aber so isch das halt
gwüssi sache und clips gseht mer mehrfach
und für diä wo's produziered isch das
natürlich super und drum für eu
ä stop motion animation mit
jenschte ping pong bäll

im bild isch dä link zum
oblako studio aber äs git's
au uf youtube neu mit "wort-link"
s'hetti jetzt no ä anderi farb sölle gäh
aber s'isch wiä's isch und ihr chömed ja scho
druus wo ihr für dä clip müend oder aber därfed clickä

das isch äs gif. vo dä vollmond nacht einscht im lauä mai
und dä link isch zu dä hexä mit ihrem mond kalender
jetzt sind's no genau 5 stund bis zum vollmond
und eusä silbrig lüchtendi satellit hätt jetzt
ja selber zwei chlini satellitä übercho
das isch no nöd ganz ufem level
vo zb. dä schpeeissschpreiss
aber äs chreist und piept
und wer weiss vielicht
git's ja fotos vo dä
apollo missione
mir werdet's
dänn gseh
oder ebä
au nöd

ich
chönti
jetzt uf bern
luegä und mich wunderä
aber nei ich luegä arte und tracks

tja so isch das ebä mit arte und bilder än risigä rahme um's ganzi umä
äs versaut mer fscht scho mini grafik oder aber s'machts japanisch
so wiä diä truppe us tokyo mit ihrem motto "kawaii et kowai"
was das heisst und dä ganzi rescht a infos chönd ihr ja
selber läse uf dä site vo arte tracks was eh eini vo
minä lieblings sendige uf arte isch  grad mit
so report's wiä dä vo tokyo decadance

und das isch dä link zu ihrem blogspot
 

jux
scherz
schwindel
oder aber hokus
vo hokuspokus fidibus
und wer's wetti nahläse bitte

da dä obligati link zu wikipedia
frühener i eusnä sendige uf teletop
hämmer no öppe diä so än haox verbrate
und für all fans oder kennerinnä vo so gschichte
da än quiz-link mit bilder und dä frag isches real or fake

dä link isch zu urbanlegends und s'isch uf englisch aber easy
real meint echt und fake isch falsch also clicke und jublä
bis uf äs paar wenigi bilder hani all correct ! gha
und zum schluss no än wiederholigs bitrag
geschter isch uf phoenix di doku vo
dä gedächnis giganten gloffe

titel; expedition ins gehirn
mit link zum bitrag vom 5. 6. 07
da usem cooltv blog über d'savants
und min lieblings satz us dem film isch gsi
das bewusstsein ist nur eine pr-aktion des gehirns
dänn fühled mir eus wohl und dänked äs isch
eusä freii willä wo entscheidet über's wiä
und was vo eusnä tägliche handlige
aber leider, leider simmer ja ebä
wiä scho am 18. 2. 2007 im
blog gschriebe, sklave vo
eusem limbische system

alles nur ä grossi illusion ?

  oder
husch än
pfusch däfür luschtig
so ganz churz vor mitternacht
aber ich schaffs doch au hütt mal wieder
dä jede tag blog bitrag und hütt mit luschtige bilder

dä link isch zum bkanal blog und dä titel vom bild isch
baggerfahrer verarscht mer nöd und s'clickbild
isch dereinst bi dä news usem orbit cho
mitemä unglaubliche text vom enzo
was genau hani leider vergässe
ihr chönds aber go suechä
i eusem cooltv archiv
viel spass däbii

oder
neulich in
nebraska usa
lanciert dä senator
ernie chambers ä strafazeig
gäge gott wäge krieg und anderem
das ganzi in wunderbarem hochdeutsch
git's da via das bild vom beinahe biblischä ernie

dä link mit mit wiiterfüherendä link's isch zu welt online
tja ich chönti schriebä mal wieder typisch amerika
und das argument mitem freiä willä isch keis
will äs git jentschi dä herr will das so ha
und nur wer folget chunt in himmel
zerscht alles genau bestimme
aber im alltägliche läbe kei
verantwortig übernäh

dä link isch zu youtube
mit southpark und scientology
will schuld a allem isch nöd öppä gott
sondern xenu dä galaktischi herrscher vo sektor 9
und will das alles ebä genau so isch wiäs isch
isch das i dä kategorie schräges aus dem
internet glandet und nöd suscheswo

hart
aber wahr
talent screen zum x.
und ich han äs e-mail übercho
so toll wiäs gsi isch im migros-magazin
ufem titel mit bild z'sii mit 4 sitä fotoreportage
löst das doch viel niid und missgunscht us
aber mir vo cooltv känned das ja scho
und äs hätt au lüüt wo eus liebed
aber nichts destotrotz simmer
online ufem letschtä platz !

das isch dä link zu "port 7"
eusäm film bim online award
und dä text isch extra grüen für
d'hoffnig will diä stirbt ja am schluss
also liebi cooltv blog läserinnä "rated" eus
gänd eus bitte 5 stern mit kommentar
das würdi eus ebä doch sehr freuä
im herz simmer sensibli künstler
so unerschrockä mir au sind
positivi resonanz isch cool
i däm sinn mit chli hoffnig
danke für eui föif stern?

ganz
in orange
äs git im internet
ja di verschiedenschtä
news angebot und ich nutzä diä
so sitä wiä google news oder au news.ch
und hütt git's dä än verglich mit äm name angelina jolie

sie hätt i däne mäldigä vo hütt nur mit vier manne sex gha
scho fascht all droge usprobiert und wett no äs chind
das sind zur stund di aktuellä jolie news bi google
und bi news.ch isches eigentlich fascht s'glichi
da git's no d'mäldig vo ihrem partner tattoo
aber natürlich au dä disneyland LSD trip
oder vo frühenerä lesbä sexgschichtä
und no meh a tratsch und klatsch
vo dä angelina und ihrem umfeld

wiä sich dä link im lauf vo dä
ziit no wird veränderä
han ich kein ahnig
das isch ebä
grad jetzt

us
dä rubrik
unglaublich oder
dänn doch wahr oder wiä
d'mäldig zum suntig us venezuela

dä erschti link hütt isch zu dcrs online
mit aktuellä und kuriosä news us aller welt
aber diä meldig git's uf dä verschiedenschtä sitä
nöd all glaubed diä story drum git's da no dä zweiti link

das isch zu welt online und d'kommentär sind eher kritisch
entweder isches ä online entä oder aber s'isch bitter
in caracas än unfall z'ha was au da scheisse isch
aber nöd mit däne extra umständ ... aber ebä
das isch quasi s'real schreckmümpfeli vo
cooltv für än grusligä schauder amä
suntigabig um genau 23.45 uhr

oder
worth 1000
planmässig wäri hütt
eigentlich dä lippäsynchron film
a dä reihe gsi "port 7" aber dä chunt morn
und drum wird dä funny friday quasi zum photo dunstig

dä link isch zu worth 1000 mit jenschtä galleriä vo a bis z
frühener bi dä coolä news usem orbit isch au das
eini vo eusnä quälle für spezielli fötelis gsi
dä text zum bild müend oder därfed
ihr eu hütt mal selber usdänke
äs hätt also würklich sehr
spezielli und schrägi
photoshop bilder
ich wünsche
guet click