blue moon
oder au blauä mond über dä kulti
am beschte singend läse miterä süessä melodie
so a la "mars attacks" heulheul nöd umbedingt für werwölf geignet

dä link isch hütt ganz wieblich, psychologisch und astrologisch
die möndin ebä ... wäri nöd das mond logischer ?
und für all eso-fans s'hätt au sternzeiche
s'isch ja bi wissen & glauben
ich überlans ganz eu
was ihr glaubed
ich finds no
herzig

ich bin ein mänsch
du wo das am läse bisch au
das sind dänn scho bereits zwei mänsche
20 mänsche sind äs netts grüppli,wänns nöd umästressed
200 oder 2000 gaht au no , aber 20 000 sind scho viel a eim ort
200 000 oder 2 000 000 oder sogar 20 000 000 sind meh als cooltv känned
aber uf eusem blaue planet hätts no viel meh mänsche und äs werded immer no meh
jetz bim schriebä vo däm text sinds
6'595'700'642
und bi euem jetzt müend ihr ufs bild clickä
wobii d'zahle nöd glich sind uf dä verschiedenä uhrä

au wänns so nett lächled , d'mänsche sind scho sehr heftig
eigentlich hetti ä weltcharte gha mit dä laufendä bevölkerigsuhr
aber leider , leider isch nöd alles nach plan gloffä und ich finds nümä
drum da äs ähnlichs bild aber ohni bevölkerigsuhr , meh zahle gits via link

wieso simmer dänn soviel und werded immer no meh mänsche ?
isch das wiä bi dä tannebäum und ihrne zäpfe ?
oder isches susch äs schwarm-verhalte ?
ich findä äs git scho viel z'viel vo eus
und als tip für diä wo läbed
sind friedlich und nett
stress hämmer
eh gnueg
und no als ps
dä link zum census bureau
di händ natürli numal ä anderi zahl

s'isch nöd würkli eifach mit däre populatin clock

superblau
hütt ä gschicht us dä tüüfenä vo dä weltmeer
mit äme chlinä turn in bikini bottom bim spongebob
synchronizität (was für äs wort) isch immer schön und chunt oft vor
warum isch das schwammquadrathose ding so populär bi dä chind ? aber nöd nur
will ...di spühred so trends ebä intuitiv z'erscht wiä so vieles
ihr wüssed ja scho wer ich meinä ... oder?
kei grossi auge mache bitte

ich bin bereit ich bin bereit
für me detail infos ab zu wikipedia
wiä chum ich uf das thema ? tja ich hans im fernseh gseh
ganz ä interressanti gschicht vo dä tüüfsee und s'läbe drin wiä ebä schwämm
d'schwämm händ meh gen als mir mänsche und si chönd jenschtes
da ufem link isch alles genau beschriebä mit nome links

dä schwämm link isch ganz unä bi marine medizin
mir mänsche händ nochli angst vor dä tüüfi uahhh
s'isch ebä au immer so dunkel deht unä und sehr druckvoll
und eimal meh zeigt sich s'läbe als würkli sehr genial uf däm planet
und mir ( ich) sind än teil dävo ... isch das nöd schön ?
und so als promo und quasi cooltv klassiker
ohni zämehang "mir händs gspührt"
schwämmli ... schwämmli
uf di warti nämli

sändig 10
dä ziit vorus
und 116 sändige me
als dä c.e.o. prophezeit hätt
aber jetzt sinds ja a cho da bi eus
das warten hat ein ende
hey schwamm än
gruess vom
wasser
...

hütt s'thema klimawandel
äs isch natürli eifach , jetzt wo's so warm isch z'säge ...
tjahh das klima isch nümä wiä frühener jömmerjömmer
grad gester hani drüber diskutiert und äs erinneret mich
äs bitz a d'waldsterbe debatte vor 20 jahr ...aber ich säge ... kei panik !
luschtig isch,viel wo angst händ sind ja au fernöstlich inspiriert
vom "motto" alles isch im wandel ... nur s'klima muess bliebe wies isch ?
das arme , aber äs wett nöd rächt wiä d'mänsche wänd ...
aber was wills dänn sälber und warum ? tja... fräged mirs doch ...

äs git lüüt die beobachted das ganzi und waged au ä prognose
wiä die vo meteoschweiz
und au spannend find ich s'sunä-wätter
das beiflusst s'wätter und s'klima ja sehr und mir wüssed no wenig

äs projekt vo dä esa & nasa
bim surfe via esa-site bini no uf dunkli materiä gstosse
das isch s'bild dävo

mit link uf d netzzeitung
und
leider obwohl er für di richtig sach kämpft
isch dä al gore für mich nöd würkli glaubwürdig
mit sim uf-ruef zu meh mässigung uf eusem planet
     
ich dänke er red da meh zu sich sälber ...
aber dä planet z'verdräcke,vergiftä ,versiffä etc...
isch gar nöd clever oder hoch zivilisiert
im gägeteil s'isch äs armuets-zügnis für wer au immer das macht
dänn vieles wäri gar nöd nötig, chönti mer sich schänke
und gift frei'i "umwelt"fründlichi technik isch sicher äs mega gschäft
will ... wer hätt scho luscht sich vollstinkä z'lah ?
oder z'vergifte und verstrahle
...
und als ps: wer dänkt atom strom isch billig rächnet eifach z'kurz

und s'tuät mer jetzt no weh ...
"im namen gottes" uf 3sat isch hütt themä-tag
ein gott 3 religionä und äs weltwiits eländ

ich finds eigentlich scho fascht unmöglich im 2007 so gschichtä z'glaubä
aber ebä ...
und obwohl all vo liebi prediged
tödeds,quäleds,erniedriged sie sich gägesitig ufs heftigschtä
und sie händ kei ahnig für was
s'gaht ihnä nur ums rächt ha ... leider
än absolute kult um dä tod
aber s'läbe als solches respektieräds überhaubt nöd
armi mänsche
...
ich weiss das isch än blog & trotzdem bin ich nöd so dä schrieberling
ich schwätze lieber und drum ...
gits da no än link mit jenschtem text zum thema
mitem titel
wer ist eigentlich gott ?

ich als ethikdesigner findä das fascht scho spock-mässig
das isch dä mit dä spitzigä ohre

zum erschtä mal das jahr
und doch
scho wieder vollmond

quasi ohni worte
ich hanen gseh die nacht
ganz steil am himmel,fascht sänkrächt
tja so isch das ...

wär kännts nöd

stonehenge
ich bin 1976 zum erschtä mal gsi und ...
s'isch also nöd soooo riisig wiä ich's mir vorgstellt han , vo dä fötelis här
und mit kassä-hüsli grad anerä überlandstrass ...
aber natürli isches äs genials teil
und gester isch uf arte ä sändig cho , über än nachbau vo stonehenge

und ich bringes drum no will ...
nach dä theorie vom film , isch stonehenge än wintersunnä-wändi tämpel
was ich ä würkli im wahrschte sinn vom wort ä cooli idee findä
im gägesatz zum wiehnachts fäscht am 24-26.dezämber
wo ja genauso z'spaht isch,wies osterfäscht im früehlig ... aber das isch äs anders thema
tja ... d'freaks us dä steiziit und ihri angst voräm dunklä wänn d'sunä immer tüüfer staht
aber clever wies gsi sind händs gwüsst,wänns wieder besser wird
d'stei sind dä kaländer gsi und wänn d'sunnä durs tor schient isch wintersunäwändi
dänn händ's mit jenschtem füür & food gfäschted
und vieles isch no immer glich
eigentlich
...