8-tung sex chan tödlich si
sexuellä kannibalismus bi spinne
ich finds nöd nur cool jetzt z'läbe & z'liebä
ich bin au froh das ich än mänsch bin und nöd ä spinne
im spezielle für d'männli isch äs nöd dä super spass bim sex
wänns z'lang händ oder ungschickt sind werdets gfrässe
di einte arte müend äs gschänkli bringe zur paarig
und wänn das z'chli isch chönds tschüss säge
dänn frisst s'wiibli s'gschänk und's männli
tja... richtigs balzverhalte isch alles
bi quarks & co gits me infos

da wunderets mich also scho
das meh fraue angst händ vor spinne
äs müessted sich doch eher d'manne fürchte

bi däm link gahts um d'radnetzspinne araneus
äs isch nöd eifach gsi zu däm thema gueti links z'finde
eine wo sogar ä brugg zwüsched spinne und mänsche schlaat
isch dä vom "krieg der spermien" us dä süddeutsche.de
über's paarigsverhalte vo tier und promiskuität
und da ghöred mir mänsche ja au däzue
und sind per biologie quasi untreu
vo dä relative penisgrössi här

das sind doch gueti argument
wänn mal wieder än sitäsprung uf g'floge isch
äh sorry ... äs isch mini spezies, mir chönd nöd anderscht
s'isch aber evolutionär än vorteil, quasi fürs wohl vom planet erde
und mir sind scho immer so gsi und all ander sind au äso
da chunt mir no äs spontans ps in sinn zum thema
secondlife isch ä sexuelli vorsichts massnahm
zum nöd g'frässe werde bim fremdgah
und sich däfür virtuell vermehrä
au bloge isch sehr sicher
ich und min monitor
dä väntilator
summät
lislig

ufem weg zum ufo atrieb
äs isch scho lang her aber äs chunt immer wieder im tv
und wills ja eigentlich mittlerwilä was neus vo däre technik müesti gäh
bring ich's nur mal so schnell am fritig abig (ich sött scho im üebigsruum bi dä sntt si)
aber als usegforderetä blog schrieberling , quätsch ich's no husch inä
s'git dänn später sicher no äs bitzli me text und was däzue

ich finds mal wieder mega spannend
also wer au immer das scho liest
ich gange jetzt go üebä
...
stunden später
äs git also nüme viel me
und erscht no z'spaht
äs isch scho morn

no isch antigravitation
äs science fiction ding mit potenzial
wer jetzt sin bonus uszahlt übercho hätt
chönti ja au inä projekt studiä vo sowas investierä
das wäri inovativ und wänns klappt au lukrativ
und 8-tung  s'wäri au gschichtshistorisch
aber wer wird das entscheidä ?
drum allne ihri eigni gschicht
grad da im internet
ich bloge also
bin ich

oder hät jesus würklich gläbt ?
flüssend und passend zu hollywood und dä oscars
dä ehemalig "king of the world" james cameron regisseur vo titanic
hätt in new york sin neuä film mitem titel "die grabhöle von jesus" vorgstellt
äs sind aber nöd all glücklich mit däre theorie vom familie grab vo jesus
di ganzi story mit bilderserie gits zur abwechslig mal vo n-tv
will immer di gliche links wäri ja au langwilig oder ?

das isch s'grab mit dä gfundenä chnoche-chäschte
ich diskutierä ja oft über jesus und hätt er gläbt oder doch nöd
und ich bin immer wieder überrascht wieviel lüüt das ganzi würklich glaubed
nöd all mit uferstehig, unbefläckter empfängniss und suschtige wunder
däfür als reale mänsch wo guet gsi isch und au gstorbe isch
aber ich sage euch ... ; sorry s'isch alles nur erfunde
oder wiä wäris mitem neuschte schwiizer film
" die orginal knochen des wilhelm tell "
zrugg zu jesus und sinä chnoche

das isch ä sitä mit kritik zur biblä
dänn muess ich mir nöd extra d'finger wundschriebä
ich bin ja nöd än grosse fan vom johann wolfgang von goethe
aber das er das so gseh hätt macht ihn grad sympatisch
für di liechtgläubige isches natürlich schwierig
was isch jetzt wahr und wer hät recht ?
und wills so ä cooli story gsi isch

da für eu dä link zu caelis veritas
ä gschicht usem himmel vo gott und jesus
us dä unglaubliche studios vo cooltv mit dä one and only
star actors vincenzo lanciano und rolf steiger
a dä osterä chunt dä clip dänn numal
und christä und innä sötted
bis dänn chli faschte
oder konvertierä
zu mim ordä

um genau z'si dä senso-motorisch homunkulus
ich bin geschter bim umäsurfe uf dä homunkulus gstossä
vo wäge dä wahrnemig und s'hirn und wiäs ächt würdi usgseh
äs isch hütt chli wiä geschter ... s'gaht eigentlich ums gliche
nur gits nackti "manne" oder ebä homunkului
aber was isch än homunkulus ?
drum da än blick is lexikon

s'isch au dasmal zu wikipedia
und au hütt gits drü variante zum clicke
bi allem suechä und surfä hani kei homunkula gfunde
wärum , das erklährt eu brenda milner im interview uf infonautik

spannend isch au d'grössi vom penis ! und nach dä brenda milner wärs ja no extremer
tja aber ebä ... wiit & breit kei frauä, das getraut sich im moment no niemerd
was mich im 2007 scho äs bitzli wunderet, aber si sind ja drah
im artikel vom swr gahts ja um dä turm der sinne
dä chunt jetzt quasi zweimal

s'isch än museums link
und dänn ufs männli clickä
ich han d'animation so cool gfunde
soviel zu dä sensorisch-motorische rindefälder
mir chömed jetzt zu was ganz anderem
8-tung ... än ton bitte und 1 2 3 4
happy birthday to you 2

hey ihr zwei luschtige fisch-geboreni
alles gueti zum geburi wünscht eu d'blog redaktion
und als link hanis duett vom dj vinil feat. claudia b. usgwählt
da chani mal wieder schriebä ; heiterä sind das no ziitä gsi
än clip usem nöd tüschbare archiv vo www.cooltv.ch
mit äme gnadelose stream tempo vo 34 Kbit/s
quasi ä psychedelic dia show mit sound
so als virtuells geburi gschänkli
tante aguri und alles gueti

"die grosse illusion"
mir mached nöd was mir wänd ...
sondern mir wänd das wo mir mached !!!
äs isch nöd neu, aber spannend isches uf jedäfall

nachem läse fräg ich mich ... wer schriebt jetzt dä text ?
euses hirn isch äs würkli sehr speziells ding
und für all wo meh wänd wüsse

dä link zu wikipedia und das gehirn
da chunt mir ganz spontan d'nina hagen in sinn
aber zrugg zum hirn und wer isch eigentlich dä gerhard roth
wer gern sältsami homepages hätt isch da genau richtig
quasi scho fascht äs bibliophiles netzwerk
mit dä frag wer hätt wo clickt ?
ich oder ich oder wer ?

so gsehnd also hirnforscher us ...
ich und mis autonomä hirn läbed gern zäme
und für so frage wie : wiä isches würkli gsi , dänn im februar 2007
gits ja so blogtext wiä dä eine isch,wobi ich chanen änderä
aber s'datum mit uhrziit wird feschtghalte
oder aber s'git fotos & videos
und au d'roboter und KI's
werded da sehr viel
genauer si
als mir
tja
.

superluminares tunneln
das gfallt mir, ich als drumer vo dä supernaturalthinktank
ich hans zwar scho mal bracht im zämehang mit rastertunnelmikroskop
aber hütt gahts um ziit und d'überträgig vo information und zwar schneller als liecht
quasi äs quantephänomen oder aber "raum ohne zeit"

das wäri dä herr nimtz wo das zum erschtemal gmacht hätt (1995)
mozart im tunnel ... s'signal chunnt ah no bevors gsändet wird
aber wiä so oft bi so gschichte isches nöd würkli eifach
wäm glaubt mer was und wer hätt rächt ?
drum da dä klassiker i so fäll

tja ... ebä superluminar
aber äs git au zu däm kritischi sitä
die glaubed das isch unmöglich vo wäge
überliechtschnälli informations überträgig im tunnel

im blog vom 9.januar "atome" gits no än video-stream
vom lesch zu dä tunnelgschichtä (ganz abe scrollä)
und so als alternativä zu all däne sitä

mitem titel " irrwege der wissenschaft "
oder warum einsteins relativitätstheorie falsch isch
und als persönliche kommentar zum schluss
i dä schwarze löcher sugt's s'liecht wäg
also isch gschwindigkeit
deht logischerwiis
au grösser

2

animalischi suntigspredigt
wer mag sich no an sündefall erinnerä ?
die bösi, bösi schlange hätt d'eva verfühert zum ä frucht ässe
rauche,sufä,kiffä,fixä,schnupfä alles hetteds därfe ... aber nei si ässed än öpfel
und uf was wett ich usä ? bi däm titel natürli uf di armi schlange und gott persönlich
er verfluecht si ja "auf deinem bauche sollst du kriechen und erde fressen"
nur was hätt dänn di gueti schlange vorher gmacht ? rugge robbä ?
und vo wäge erdä frässe und dä mänsch i d'ferse stechä
und au findschaft uf ewig stimmt ja nöd würkli

so händs also usgseh im garten eden vorem sündefall
und dä begriff "schlange stehen" isch no vo do
tja aber si hätts verscherzt d'schlange
und nichts ist mit schlangetänzli
und schlangebei ällei dihei
wer glaubt so was ?
armi schääfli
sicher
...
6

ä chlini suntigspredigt
bim recherchierä zum chaos-text bini au uf d'biblä gstosse,
äs würkli sehr seltsams buech und das isch dä erschti satz drus
"am anfang schuf gott himmel und erde und die erde war wüst und leer"

so wies usgseht isch dä mänschemaa am erschtä suntig ällei gsi oder wiä?
will da fangts eländ ja scho a ... sisch so wischiwaschi
und gott sprach " lasset uns menschen machen "
und gott schuf den menschen zu seinem bilde und schuf sie als mann und weib
ich fräg mich zu wäm red da gott ? so im stil "chömed jungs let's do it "
oder sind das am endi selbstgspräch ?
uf jedefall isch dänn erscht später dä mänsch ällei dihei im gartä eden und brucht ä gehilfin
und chum isch s'weib im gartä isch scho verbi mitem ganze spass und s'git ärger im paradies
das weib wird zur eva und sie werded zu flüchtling, schämed sich ihrer nacktheit, händ schmerzä und müend schaffe
und gott der herr sprach: "siehe der mensch ist geworden wie unsereiner "
hätts da also meh als numä eine ?
oder red gott vo sich i dä dritte person oder wie oder was ???
aber jetzt wirds erscht richtig schlimm im kapitel 4
adam und eva händ chind und nöd nur buebä wiä dä kain und abel
nei s'git au maitli nur händ diä no kei näme
"und adam erkannte sein weib"
und erscht viel später dä lamech nahm zwei frauen ana und zilla
er erkannte sein weib heisst eigentlich sie händ sex gha mitenand so ca.900 jahr lang
hütt würdi mer inzucht säge zu so äme verhalte
i dä bible sinds eifach gottessöhne und menschentöchter
bi so äme afang wundärets mich ja nöd isch dä schluss vo däm buech no viel eländer
s'prophetische buech die offenbarung des johannes
"seinen knechten zu zeigen" was wäm passiert wänn ...

selig ist, der da liest und die da hören die worte ... denn die zeit ist nahe
ich würdi allne wo sich chrischtä nänned empfelä d'offäbarig guet z'läse und sich z'fräge
was söll das ganzi gemorde und gequäle ? das lamm und die seinen
dä zorn gottes ? wieso isch das alles nötig ?
isch dä herr aller herren , könig aller könige doch nöd allmächtig ?
er hettis ja vo afang a scho sölle wüsse wiä das ganzi usächunt oder nöd ?
am schluss uf jedäfall sitz er ufem thron und macht alles neu
und äs isch scho richtig protzig mit all däm gold und däne edelstei und hu & ha
und ganz am schluss wird uf ewig ohni tag und nacht über d'knächte regiert
nur für was und wieso ? und was isch mit eus da in europa ?
mir us dä kuschligä schwiiz sind i däre ganze gschicht nöd vorhande
frage über frage ... amäne sunige suntig
meh schwachsinn usem buch der bücher gits i dä nächschte predigt
und ich der rolf sage euch: " fürchte dich nicht, liebe und lebe!"
und er sah , dass es gut war und schrieb ...
und für din seeläfriedä ä chlini spänd uf mis konto
84-33227-0
merci

chaos isch griechisch
drum da grad dä link zum begriff

aber wer kännts nöd
di welt-berüemntä fraktale öpfelmännli

s'ganze gseht immer us wiä än teil devo
fraktale sind "gebrochene" mathematischi gebilde
d'idee für dä text isch mir sinnigerwiis während dä gripp dur dä chopf
äs git ja mal wieder jenschtes im web zum thema

da wäri no eini vo däne sitä wo ich für eu usgwählt han
äs isch ja au immer chli glücks-sach
was mer so find im internet
drum für all wo no meh wänd läse

da noch ein link
scho fascht schuelmässig
und als ps:
was mir bi all däne öpfelmännli fählt
isch s'zwätschgäfraueli
und ähm was hani wellä säge mit dem ?
tja ... eifach chli allgemein-wüsse fürs coolä publikum