hütt mitemä gascht
im studio dä profässer perpeto
und sis thema isch "freie energie" i form
vo magnet motorä ... herr profässer was isch dänn das ?
sali rst.. de magnetmotor isch en motor wo
e drähbewegig durch abstosse vo
magnete erzielt. du häsch sicher äs biespiel für eus
ja, z.B. de peredev.. er behauptet sones grät z ha wo lauft.

tja ... und du glaubsch würkli das ding funktioniert ?
es gseht zumindest sehr realistisch us, oder? ähm ...
räuschper eigentlich überhaupt nöd ... äs git ä ähnlichi maschinä
si heisst testatika und isch vom "vati"vo dä methernita sektä

merci rst.. du bringsch mit de testatika ja scho de grund wiso niemert
rächt dra glaubt.. die gseht ja würklich sehr dubios us!
nur scho will sie vom "vati" isch glaubis nöd...
für alli wo sich über di ander maschine "wo lauft" nochli gnauer
wänd informiere.... daa no e chlini lektüre zum thema peredev-magnetmotor

tja liebä profässer perpeto drum isch das i dä kategorie wissen und glauben
und mini frag wäri was isch dä underschied vo freiä energie und äme perpetuum-mobile ?
es perpeto mobile isch nöd machbar.. das isch
ja theoretisch bewise.. die freii inergie z nutze, wie i dem
magnet isch öpis anders.. de magnetismuss i ja
schliesslich au endlich.. ach so ja dänn ... und ich bringe jetzt
dä link zu wikipedia und perpetuum mobile
glich für all unwüssendä

und dä herr profässer isch
grad völlig abgschlafft da im rauchigä
studio und drum isch jetzt fascht schluss
aber einä hani no zu dä freiä energie

ich danke am perpeto wiä & was au immer
für das interessantä gspräch und di wunderbari grafik
wetisch au no was schriebä zum schluss ?
merci rst für die möglichkeit sich a d öffendlickeit z wände..
jetzt muesi aber langsam hei go schlafe und selber chli energie z tanke...

oder wiä oder was
wer schomal mit mir persönlich
philosophiert hätt kännt dä begriff scho
und all di anderä blog gäscht nach däm bitrag au

da dä link zu wikipedia und dä morphische felder
gilt als pseudowüssäschaft und nöd ämal als theorie
ich findä äs isch sehr ähnlich wiä diä gschicht vo dä mem
und imenä interview git's sogar än satz vom rupert sheldrake
über und zu dä mem's und wärum das ä falschi annahm isch
das isch dä link zu däm gspräch usem 2001 vo zeitgeist

das föteli isch vomä anderä interview mitem sheldrake
er isch rechts ufem bild und s'mem chunt bi dä frag
ist auch ein gedanke ein morphisches feld ?
und wer hettis dänkt ... är isch natürli eis
är dä dä gedanke und nett wiä ich bin
git's au no än link zu sinerä page
vom rupert nöd vom gedanke

"morphische felder" uf dütsch
mit ganz viel text und gar kei bilder
aber äs git au skeptiker bi so "theoriä"
und natürlich schriebed diä au was
is internet und mängmal sind's
frauä wiä d'andrea vo gwup

gwup isch än verein zur
wissenschaftlichen untersuchung
von parawissenschaften e.v.
und chli skeptizismus isch
ja immer guet ... oder ?

oder inselbegabti
han ich gester am tv gseh
ä wiederholig uf arte mitem titel
"expedition ins gehirn" vo letschtem jahr
aber au bim zweitä mal luegä no immer spannend
äs git also nöd nur schrott am tv und drum da dä link zu arte

das uf däm bild isch einä vo dä cirka 100 super-savants wo's git
dä stephen wiltshire isch fähig zum ganzi städt nahzeichnä
äs git würklich seltsami gschichtä vo & über euses hirn
mir "normale" mänsche sind offäsichtlich allzu fescht
am filterä und dänn wird's für's arme ich usbländet

das isch dä link zumäne spiegel artikel vo dä karin
steinberger mitem titel "die geistes-giganten"
zum thema inselbegabig und dä gschicht
vom kim peek dä eigentlichi "rainman"
us salt lake city uferä vortrags tour
und zum schluss d' frag zum tag
isch er jetzt optimal für mem's
so als human super kopischt
und wo isch's fragezeichä
tja ... und da isches ja ?

in violett
hütt mit foif links
und jenschtem text däzue
äs gaht um euses hirn und gedanke
nöd zum erschte mal da im blog aber ebä sehr
spannend und drum da mal än überblick

dä artikel isch vo telepolis via heise.de
mitem sinnigä titel "lauschangriff auf das gehirn"
ich schriebä jetzt kei zäme fassig, ihr därfed selber läse
wiä das funktioniert mitem "usäläse" vo mänschliche absichtä
mittels magnet-resonanz tomographie git's da i däm link

äs isch ä prässe info vo dä max planck gesellschaft
eigentlich wäri das ja gnueg fuetter für ein tag aber nei ...
ich han dänkt äs wäri doch no luschtig mit däm chinderlied z'endä
die gedanken sind frei ... und bi dä suechi nachem genauä text
und wiä frei sind's dänn würklich ... bin ich uf diä sitä g'surft
 
das isch äs interview mit dä susan blackmore us dä brigitte
und überraschenderwiis verzellt sie was neus für mich
und ich han also gar kei ahnig gha vo dä memetik
das mem vo mimema (griechisch) sich imitierä

da als info zum thema dä link zu wikipedia
wiä immer bi gwagtä theoriä eher zrugghaltend
aber äs git natürlich au no ganz anderi sitä zu memetik
dä mänsch als än replikations-sklave vo dä mem
das mem vo memoria (latinisch) erinnerung

än artikel vom franz wegener mit video link
und getreu nachem motto : ich kopiere also bin ich
schrieb ich das in cooltv blog uf das sich diä mem's repliziered

  gaht's am ringschtä
pfingstä chunt vo pentekoste
und isch mal wieder äs griechisch's wort
und heisst dä füfzgischti und nöd wieviel chost's
uf italienisch obwoh's quasi dä gründigstag vo dä chilä isch
da sind zwei links zum thema pfingsten und heiligä geist oder paraklet
    
was verwirrends zu dä sparache und was enzyklopädisches zum heiligä geist
wänn ich das so studierä verwunderets mich nöd was passiert isch
i dä letschtä 2000 jahr sit d'chilenä exischtieräd uf däm planet
oder uf jedefall di chrischtlichä und ihri absoluti wahrheit
was anderes git's i mim drittä link am pfingstsuntig

ihr chönd selber wähle wellä artikel eu interessiert
 

oder ä theorie
us dä quantenphysik
quasi än zweite nachtrag
zu dä erdexpansions gschicht
vo wäge gravitation druckt eus abä
drum da dä link zum graviton vo wikipedia

no isch alles nur theorie und's graviton no frei
aber s'wird scho experimentiert mit gravitationsfelder
siehe 2. märz 07 im bitrag anti gravitation chunts schomal
und äs git was neus us österreich mit "das niob" und schwerefelder

dä link isch zum artikel us "die zeit" i dä rubrik wissen vom ralf krauter
und für all wo's genau wänd wüsse git's no än link zu's einsteins
mitem vertüüfigsthema webmuster des raums spin-netzwerke
mit dä schleifä quanten gravitations theorie und anderem

diä sitä hani letscht jahr bi string & quanten schomal bracht
isch vom "max-planck-instituts für gravitationsphysik"
und im gägesatz zu dä nächschte sitä wo chunnt
eher seriös und sicher streng wüssäschaftlich
aber äs gaht ja hütt um das multiversum
was das isch und wieso das so isch
versuecht diä page z'erklährä

äs isch was für d'phantasie
die verrückte welt der quanten
nöd ganz aktuell aber däfür jenschtes
äs blinkt wiä wild und s'git viel zum druff clickä
äs virtuells universum für sich mit hang zum multiversum

quasi än nachtrag
zu dä erdexpansions gschicht
wiä fascht immer diskutier ich über mini
blog biträg und das thema isch ja sehr spannend
und all diä story's vom matterhorn isch afrika sind dänn aber
ja au ganz anderscht oder wie oder was ? afrika wäri dänn ebä s'wallis
aber zerscht mal drüü links zu dä entstehig vo dä alpä mit pangäa und tektonik

vom uvek gits ä mediä information, dänn was us austria plus än link zur uni münchä
und überall isches am ziehä und usenand gleitä aber nöd mit erd-expansion
im clip 7 und 8 vom neal adams isch das mit indiä und au italiä erklährt
also wäri s'wallis mitem matterhorn quasi eini vo dä bruchstellä
aber zrugg zu pangäa und warum das alles falsch söll si
än clip vom neal adams mit dä theorie vom wasser
wo würdi abflüssä mit pangäa als megamasse
aber lueged doch eifach selber und bitte

ihr chönd uf "back" clickä uf därä sitä
und ihr sind wieder uf dä sitä mit allne clips
vom scho erwähnte blog bitrag und als zuegab
da no das "guest video" zum alter vom meeresbodä

genau so isch das ; eifach druff clickä zum abspielä
und ich wünsche eu viel spass bim diskutierä

ganz in schwarz
und so moralisch wiä
s'ebä isch i dä heiligä schrift
bim duräläse vomä alte facts (nr.17)
han ich freud gha bim artikel vom sündigä
vermächtnis vom kai michel aber leider isch das
nur für zahlendi als link benutzbar und drum git's da was
anderes, aber natürlich au zum thema biblä und seltsami textstellä

eini vo dä gschichtä usem facts wäri diä gsi vom lot und sinä töchterä
nach dä zerstörrig vo sodom und gomorra und am tod vo sinerä
frau ohni name schwängeret er sini töchterä im vollruusch
und äs git ja no jenschti vo däne gschichte i dä biblä
und frei nach H. wiesner "je mehr licht man in die
kirchengeschichte bringt,desto dunkler wird's"

eusi erdä wachst
oder neulich im zen-gartä
han ich vo däm film uf phoenix ghört
vom franz fitzke "und sie bewegt sich doch"
für all diä wo das leider nöd gseh händ
isch da mal als erschtes dä link
zu dä sändig so als info

ä spannendi gschicht
und eifach so als zusatz infos
da no dä link zu wikipedia
und d'expansionstheorie

das isch mal eher kritisch
aber äs git natürli no jenschti anderi
sitä mit theoriä über dä wachsendi erdball

das wäri eini usem jahr 2003 vom hans zillmer
wer immer das au isch er schrieb über dinosaurier
und ä ganzi sitä mit video clips zu därä theorie

diä isch vom neal adams und leider uf englisch
aber ich glaub mer verstaht d' idee au susch
und zum schluss no wass vom prof. meyl
äs isch än ufsatz vo ihm als erklährig
zum film und äs gaht um neutrinos

das links isch dä prof.dr.-ing. meyl
und nöd verschreckä bim clickä
äs isch "leider" ä pdf datei
aber sehr usfüherlich

oder au christi himmelfahrt
bi so äme fäschttag muess ich ja was
bibel kritisches schriebä zum thema ufgfahre
aber zerscht dä link zu wikipedia mit dä allgemeinä infos

so hätt das dä tintoretto im 16. jahrhundert in öl verewigt
aber git's im 2007 no mänsche wo das so gsehnd ?
ich bin immer wieder überrascht was ander
im bezug uf jesus und biblä so dänked
als biespiel vom vollschadä dä link

mir wär's ja eigentlich total egal
was religiösi gruppe glaubed und läbed
wänn sie nöd soviel underdrückig und eländ
uf eusä lebändig und geniali planet bracht hettid
und no immer mit einerä inbrunscht ihri märli
verzelläd vo dä schöpfig i numä siebä tag
oder d'jungfrau maria mit gottes sohn
und dä himmelfahrt nachem "tod"
grad direkt uf dä himmels thron
zur rächte vo gott persönlich

das wäri mal wieder än link
uf diä sitä mit name wiä's bild
wer dänn eis zrugg clickt uf sitä 24
hätt quasi no di 40 tag zwüsched gschicht
und di armä chrischtä warted au nach
über 2000 jahr uf diä verspräche
und sie büessed und zahled
ohni endi ihrnä priester
fascht unglaublich
i dä hüttige ziit