vo quasi
nüüt zu vier links
und äs gaht um s'magnetfeld
derweil ich dä text uf dä bildschirm bringä
lauft im studio cd vo dä lovemachine scho fascht äs
artefakt aber überraschend fräch und rockig mitemä groovy funk
was mich ja ehrlich gschriebä äs bitzli ablänkt bim schaffe
zrugg zum erdmagnetfeld und am 1. link zum thema

das isch wiki27 und äs bild vo dä strahligsmässig
bi dä rote pünkt isch s'magnetfeld vo dä erde
schwächer wordä und bi blau-wiis stärker
bi minä web-surf-recherche bin ich au
bim prof. lesch verbicho und bitte
da s'glich thema bim br-online

da passiert ja au öppis aber
aber äs isch nöd so dramatisch
wiä das uf anderä site bracht wird
äs isch unglaublich aber wahr und drum
für eu als warnig vo dä zetas di neuschte infos

mir i dä schwiiz händ ja mal wieder än coolä platz
und endlich freiä blick uf's mittelmeer und au
dä atlantik mit sicht uf d'nord und ostsee
oder wiä diä dänn no werdet heissä
und zum schluss no was reals

wetter24 än link zum südpol
und überraschenderwiis frührt's
deht im gägesatz zum nordpol heftig
d'isflächene händ fascht maximum grössi
soviel vo magnetfelder und polarem
und au d'lovemachine cd isch
verklungä und in ruum
und ziit verribä
zu äs bitzli
wärmi

sicher
git's hütt
weltwiit 1 thema
9/11 und was isch passiert
ich hans im 2001 live uf cnn g'lueget
grad nachem 1. träffer is world trade center
dä cnn-journi isch am schwaflä gsi da flügt dä 2. in turm
was scho no überraschend gsi isch und am tv ebä au spektakulär

das isch dä link zu dä taz mitemä artikel zunerä zdf sendig vo hütt
äs gaht wiä dä titel ja vermuetä laat um verschwörigstheoriä
und äs git im internet natürlich sitä wo sogar so heissed

und wiä immer im cooltv blog isch dä link im bild platziert
ich han s'pentagon usgwählt will da find ich's also
au ziemlich seltsam wiä sich's flugzüg uflöst
und uf dä wiesä hätt's kei spuhrä gäh
ä neui meldig kursiert im internet
mit äme bbc video bi youtube

dä link isch zur netzeitung
und quasi was neutrals
vo wikipedia zur 9/11
verschwörigstheorie

isch schients umstrittä
wiä natürlich s'ganzi thema
aber wäm hätt's gnützt ?
so mänsche wiä mir
ganz sicher nüüt
aber andernä
ebä scho !

isches glaubä
oder wüssäschaft ?
oder wäris eher für d'kategorie
schräges aus dem internet oder wiä oder was
für all wo eigentlich gar kei ahnig händ um was äs genau gaht

da di enzyklopädisch manipulierti ussag vo wikipedia zu scientology
ich chumä uf das thema will bi eus im studio s'internationale
news magazin vo dä scientology umäliit mitem artikel
vom ultra ot träffe, was scho fascht comedy isch
derweil ich mich da stufä 8 mässig dur dä
blog schriebä spielt dä roger federer
in new york am us open im final
im moment grad im tie break

das isch dä link zu snafu.de
mitemä kritischä artikel zum thema
snafu isch äs akronym und heisst
situation normal all fucked up
und dä roger fühert 1 : 0
tja lieblich sterblichi
so isch das also
und äs staht
2:0 im final
jetzt 3:0
und sieg

oder aber
zum glück isch dä
summer ja scho fascht verbii
dänn isch dä report vo galileo uf pro siebä
nümä so schlimm ... wänn's dänn so schlimm wäri
aber um was gaht's dänn da hütt überhaupt ?
wiä's dä titel scho vermuetä laht um urin !
und wieviel is wasser pissed i dä badi
was in dütschland nöd wenig sind
wiä dä report vo galileo uf pro7
mit däm link via youtube zeigt

zum glück bin ich kein ifrigä
schwümmer und au kein
fan vo homöopathie

hütt isch
wieder vollmond
und äs git jenschti gschichte
wiä diä vo wäge meh unfäll bi vollmond
zwei physiker händ das jetzt genauer analysiert

dä link isch zum "der standart" mit äs bitzli meh text
und s'glichä thema behandlet au dä zweiti link hütt
diä storys und das alles isch ä mega geldquälle
und äs produkt vo dä unterhaltigs industrie

mythen über den mond vom edgar wunder
er weiss äs genau und s'isch via 3sat
und hütt am 12.35 isch vollmond
aber mir gsehnd dä mond
erscht nachem achti

magic
am 23 igschtä
also um was gaht's ?
ich han mal wieder än gascht
er wartet uf sini dvd und hätt äs thema
"dä cern um genauer z'si dä teilchen beschleuniger"
wärum und wieso aber au wiä wird das ganzi erforscht in genf

das isch dä link zum cern ; the coolest place in the universe
und was will er uns sagen mit diesem link zum cern ?
tja bringt uns das was ein so grosses und auch
teures monument zu bauen wie das cern ist
klar ! und er schreit nachem komma ;-)
& leider hätt's bis jetzt 0 erwin gha
aber juhuu jetzt hätts äs erwin
sogar zwei oder 3 erwin's
susch no was erwin ?
danke für dä blog

di legendäre
cm & gc händ ä mal
än coole song gha mit däm titel
und di hüttig story im blog passt da grad
isch au nüme ganz so aktuell aber immer no guet
äs gaht um wikipedia und diä propaganda manipulationä
vo verschiedenschte gruppä wiä zum biespiel cia & co
was mich jetzt nöd würklich überrascht hätt oder?

dä erschti link zum thema isch zu dä kleine zeitung
und äs git no än zweite link mit däre gschicht
eigentlich s'glichi und doch chli anderscht
äs isch ebä nöd so eifach di absoluti
wahrheit z'finde bi allem wo's git
will all versueched ihres ding
und ihri sicht durä z'setzä

dä link isch zu inside-it.ch
und ich findä wikipedia
doch no immer cool
trotz propaganda
und obwohl mir
nödemal drin
vor chömed

  oder
ab in himmel
siit 1950 isch das äs
dogma i dä katholische chilä
wer meh wetti wüssä clickt uf's bild

dä link isch mal wieder zu wikipedia
bi radio vatikan git's imenä text
d'ussag d'maria isch ebä nöd
vo satan verdorbe worde
sie isch total ohni sünd
nöd wiä du und ich
und in italie isch
no ferragosto
 das passt ja
grad zum
wätter

das nichts
war aller anfang
oder isch z'erscht s'ft1 gsi
und hätt dänkt wer und wo bin ich
und es war nichts ... weder äs obä no unä
keis rechts und links und niäned hätts öppis gha
kei ziit und kei ruum bis i d'unendlichkeit
und dänn hätts gnueg energie gha
zum dur dä quante-null-punkt
als eusä urknall z'erschinä

das isch dä "seriösi" link
aber hütt git's au no än zweite

und dä isch zu kamelopedia
di spassig alternativä

oder
neulich
im universum
um genau z'si i däm
galaxie-huufä CL0958+4702
öppä 5 milliarde lichtjahr vo dä erde
entfernt z'gseh im sternbild vom grosse bär
kollidiered grad 4 elliptischi galaxie mit und inenand

dä link isch zu astro news mit dä details zu däre story
bilder sind vom infrarot weltruum teleskop spitzer
bi däre kollision git's schients stern mit planetä
wo us dä galaxie usägschlüderet worde sind
mir gsehnd's jetzt aber das ganzi isch ja
scho vor über 5 milliarde jahr passiert
und mir liebe mänsche sind mal nöd
schuld bi däm crash im universum
aber nach dä verschmelzig wird
das dänn eini vo dä gröschte
galaxie im bekannte weltall
sehr wahrschiendlich isch
si das jetzt bereits scho
mir gsehnd's nu nonig