nöd
zum erschte
mal äs thema im blog
euses aug und wiä's funktioniert

dä link isch zu focus online anatomie
chli allgemeinwüsse i dä nettä druckversion
aber ich chumä uf das thema will's ä neui studie git
was mir mänsche im aug chönd b'halte und das
sind neuderdings acht bewegti objekt zur
glichä ziit allerdings im langsame tempo

dä link zu wissenschaft.de mit däne news
und vo wäge objekt oder pünkt da no
was nett's zu optische tüschige

dä enzyklopädisch link vom tag
und bim bild uf d'mitti luegä
bis dä grüen punkt lauft
und ich gsehn also
zerscht ä frau
bim 2. bild

nöd
verwechslä
mit dä "freiä-energie"

da grad mal dä wiki-link
und sie sueched no hilf bim
überarbeite vo däm freiä artikel
frei - leer - nichts - oder ebä au nöd

das isch än link zur nzz und das vakuum
unberechebar aber i dä fründliche druckversion
äs bitzli älter isch dä folgendi weltruum link zu heise

än artikel vom harald zaun über's zyklische universum
äs chönti scho fascht ä suntigs gschicht si mit all
däne theorie vo "bran" und quantä vakuum
und äs git au no was zum luegä hütt im
blog und zwar us dä neuä scifi serie
vom lesch ganz in weiss mit sound
verzellt er über d'vakuumenergie

was ist die null punkt energie
dä sound erinneret mich
a eusi expo 02 biträg

wobi
  äs chönnti
au i dä kategorie
schräges aus dem internet
verbueched werdä aber s'isch ja suntig
und zum wüsse um was äs dänn überhaupt gaht

da dä link zu wikipedia mit eher wenig text zum ganze
isch ja quasi äs kosmisches konkurränz produkt
was aber sofort uf fallt isch dä rudolf steiner
er hätt au chönä läse i dä akasha chronik
ich han chli umä gstöberet i sinä text
und sorry folks aber das isch ja
genau so übel wiä d'storys
vo dä scientology church

das isch dä link zu dä
anthroposophie site mit äm
inhalt vo "aus der akasha chronik"
ihr därfed eu selber eis vo dä kapitel uswähle
s'isch würklich schier unglaublich was er
so alles schriebt aber er hätt fans
und au äs paar kritiker wiä
zum biispiel bible only

tja s'isch ebä ä sach
vo dä höchschte
autorität da
uf eusem
planet

mit
neuem
blog rekord
vo 9 bilder mit links
vom tv uf das thema bracht
und genau so inspiriert wiä dä matze
äs gaht wiä im titel scho gschriebä um schleimpilze

und dä 1. link isch uf dä blog vom matthias hielscher
er beschriebt da di glichi sendig wo ich ebä au gseh han
dä slimi isch weder tier no pflanze und s'git über 1000 arte

und als 2. link git's was vo planet wissen zu dä schleimpilze
mal ä alternative zu wikipedia wo also au guet gsi wäri
aber äs git als nächschtes än nur-text link zu dä zeit
mitemä report vom "altä schleimer"und sinä fans

da isch au's experiment vom nakagaki us japan
mitem labyrinth beschriebä und d'münchner
pilzfründe uf dä myxomyzeten suechi
bi minä recherchä zum schleimpilz
und was isches dänn genau

bin ich au no uf diä sitä vo
biotechnologie gstosse
mit dä stammbaum
gschicht usem 02
und jetzt än clip

isch vo youtube
isch also schwierig gsi
äs video z'finde usserd ebä das
wer no viel meh schleimpilze wetti gseh

clickt uf das bild zur gallery vo plant uga edu
äs isch ä sehr grossi vielfalt z'bewunderä
vo dä slime molds in englisch gschriebä
das uf dem bild isch ä arcyria cinerea
wer jetzt nonig gnueg hätt vo pilz
und sich wiä a dä uni wett fühle
für diä git's da jetzt ä vorläsig
botanik II über pilz und co
und ab 21.22 min. gaht's
dänn um d'schleimpilz

ich wünsche viel spass
bim studierä via s'internet
und zum schluss no was anderes
aber doch passend und au sehr speziell
ä animation mitem titel s'inneri läbe vonerä zellä

dä link isch zu harvard und s'würkt ja richtig spassig
was da so alles passiert inerä zälle und mir händ
no öppe eini dävo als läbigi ganzi mänsche
ich han zwar kei ahnig was das isch
wo da umä meched aber s'wird
so oder ähnlich abgah mit
dä bildig vo dns und
dä mitochondrie
und was au
susch no
immer

d'veronika
erklährt's eu
mitemä link zu dä
"kommentierte fassung"

und
leider isch
das jetzt dä zweiti
versuech will dä *** compi
abgstürzt isch grad 1 sekunde bevor
ich han wellä dä guet glungeni bitrag speicherä
tja und drum git's nur no d'bilder mit dä links

das isch än link zu astronews usem 2002
und was sind aminosäuren und wiä
und überhaupt isch leider weg
aber äs git was zu protein

und dä link isch zu wikipedia
und wiä au immer ich druff cho bin
di chemisch oder präbiotisch
evolution und au bi wiki

ufem bild isch s'ursuppä
experiment vom miller
und zum schluss no

das ganzi als video
mitem prof. lesch
dä bitrag isch
leider nümä
so dä hit
wordä

oder
au nöd
wiä söll mär
öppis bewiisä wo's
halt ebä gar nöd würkli git ?
viel versueched's und behaupted's
bi mim letschte bitrag zum thema isch mir
dä begriff "gottesbeweise" ufgfalle und drum chunt's

dä link isch zu philolex.de mitemä text vom peter möller
bi däne ussage vo dä "gläubige" isch gott eigentlich
nur dä "erschtbeweger" so ganz diffus und wiit
wäg vo däne sprüch wiä ; mein herr ist der
vater im himmel mit bart oder als sohn
und au als heilige geist isch äs doch
sehr männlich und drum da dä link

als info än artikel zum matriarchat
us dä unendliche wiitene vo wikipedia
und vor luter text läse isch mer mal wieder
fascht s'glichi (bild) wiä bim atheismus passiert
mini eigni ussage zum gottesglaube und religion fählt
aber nur fascht ... äs isch d'rache vo eus manne a dä fraue
mit dä schrift und dä erkänntnis vo informations wiitergab
händ priester d'götter erfunde und sich selber erhobä
zu däne wo wüssed was d'wahrheit isch uf erde
äs sind ja eigentlich nur manne wo ihri mem's
nieder schriebed i all däne religiöse text
und drum da no was zum matriarchat

s'isch än text vo dä hannelore vonier
und ihri position zur feministische
matriarchatsforschig i ihrem
eigne matriarchat blog
und zum schluss

isch gott ä frau ?
oder wänn's
ä so wäri
dänn..

im
kivu-see
oder drunder
in ruanda in afrika
hätt's jenschtes a metan gas
und us ziitknappheit git's grad dä artikel

dä link zu däre gschicht isch hütt zum stern
begleitet wird das projekt vo dä eawag
da chan ich nur hoffä äs wird nöd so
wiä in java mitem vulkanschlamm
will dä kivu-see isch ja au einä

das isch dä link zum spiegel
mitemä video vom mai 07
das isch dä jahrestag
vo däm schlamm
vulkan in java

suntig
dä tag vom
heilige gschwätz
oder schrift wiä da im blog
und wänn ich däne prediger zuä losä
wunderet's mich ja immer wieder wiä's söll sii
und drum git's da als ufklährig än enzyklopädische link

atheismus bi wikipedia und äs isch sehr viel text zum läse
äs freut mich das dänkt wird uf dem rollende planet
allerdings wird's dä einte chli schwindlig däbii

bim surfe bin ich uf dä "evil under the sun"
blog gstosse und witzig wiä's isch
mitemä artikel über än artikel
mit sehr guetä argument
und für di heilige drüü

dä herr da hätt d'antwort
und mänsche lerned
wiä dä dichter
gottfried
keller

eigentlich
han ich wellä än
blog bitrag zum hüttige
tag der deutschen einheit mache
aber wiä ihr gsehnd git's jetzt was anderes
äs gaht wiä's dä titel scho zeigt um dä müll im meer

diä gschicht isch scho äs jahr alt aber sicher no aktuell
und dä link zu däre müll story isch zu greenpeace
äs git au artikel über dä bricht vo greenpeace
so wiä dä us dä weltonline ohni werbig
das isch's schöni a dä druckversion
und us speichertechnische was
au immer isch dä link mit dä
gliche bilder aber retour

äs isch ja scho au cool mit
somä boot dur dä pazifik z'cruse
sie müessted dä müll nur grad ihsammle
oder us alte walfang fabrike recycling schiff baue
gnueg geld hetteds ja scho aber leider känneds mich nöd

wer
kännt's nöd
di berühemte liniä
sind das ufo landebahne ?
inerä diskussion über das ganzi
dä erich von däniken und eini vo sinä
theoriä bin ich uf das mysteriöse thema cho

das bild isch vo eim vo dä erschte blog-tescht's
und dä link isch zu youtube grad mitem meister himself
da verzellt er ja ganz was anderes als i sinä frühenerä bücher
so wiä's im nächschte link zu mysteria3000 gschriebä isch und würkt

das isch d'ebeni mit dä liniä vo nazca in peru vom satellit us fotografiert
und dä titel vom artikel isch "nazca - ein flughafen für die götter ?"
" auf den spuhren der rätselhaften geoglyphen" isch bi dä welt
dä titel vomä text mit bilder und sie chömed dä lösig vom
rätsel langsam nächer was ihr jetzt da chönd läse

us dä sparte archäologie i dä nette druckversion
so ganz ohni werbig was ja richtig cool isch
und zum schluss no was eiges vo eus
mir sind mal im mystey-park gsi
und natürlich au im huus
mit däne nazca liniä
us dä sendig 48
für tele top

dä report isch
bi 04.14 - 07.34 min.
mitemä coolä sprecher ...Hey!
äs isch ja immer wieder überraschend
sich selber alti sendigä "zu gemüte zu führen"
schaad isches nur än 80 kbit/s stream aber
mit dä lizenz für's mystischi rätsel und
wer dä report off sprecher erkennt
därf's im kommentar verewigä
ich find er macht das guet
und er wäri engagiert
aber ebä ohni gage
wiä mir andere au
pc-87-247500-2
für all spende
schönä dank
merci merci