mal
wieder
ä suntigspredigt

das isch web 246m
kei ahnig wer diä macht
aber äs isch scho fascht luschtig
wänn's äs nöd würded ernscht meinä
was aber offäsichtlich mached und s'glaubed

das isch dä wikipedia link zum stichwort hölle
und bim suechä nach was blogbarem bini sogar uf
ton dokument us dä höll gstossä us ca. 9000 meter tüüfi
aber s'isch so billig und mies wiä dä ganzi höllä schrott
wänn ich all diä schauermärli wiä's isch und wird sii
i dä höll oder au diä gschicht vo gott und luzifer
wärum und wiä das passiert isch durä läse
dänki, mer muess doch geischtig blöd sii
um a das höllischä konzept z'glaubä
und als häglige dritte link vo hütt
was vo physiologus zum thema

enzyklopädie der erfahrungen
ä sitä mit allem über alles
und ich planä än film
himmel und hölle
gedanke über
d'mänsche

isch
ja au scho
vor cho da im blog
aber grad so zum jahres afang
ideal zum chli oraklä über wiä's isch und wird
i däm neuä jahr und was chani mache
aber da z'erscht mal äs paar infos
vo dä gschicht und überhaupt

wer's wetti wüssä clickt uf's bild
wikipedia hätt au hütt s'ränne gmacht
gäge jenschti anderi werbe durchtänkti sitä
aber wiä obä scho gschriebä gaht's hütt um's oraklä
ich han zwei orakel vo dä glichä sitä usgwählt
im nächschtä link gaht's um d'wahrnemig
vo sich selber und au vo dä anderä
mit dä tarot charte vom röhrig
ihr chönd vier charte clickä

das spiel nännt sich dä blindi fläck
und als zweit's spiel git's pro und contra
für frage wiä, söll ich oder doch nöd
ihr clicked uf 2 charte und s'git
ä dritti mit dä quintessenz

dä link isch zu tarot orakel
ich wünsche viel spass bim spielä
und äs promo-ps zum schluss
ich bin au tarotcharteleger

das
isch nöd
click rate da im blog
äs isch äs verhältnis vo 2 zahle
und äs isch än wunsch vomä blog läser gsi
und nett wiä ich ebä bin bring ich das thema doch gern

dä link isch zu wikipedia mit chli enzyklopädischem wüssä
und s'isch voll mit links zum euklid und allne anderä
s'chunt mir vor wiä ä geometrie schuel stund

dä link isch zu 3 sat mit fraktale und fibonacci
uf dä wikipedia sitä hätts no äs video
vom profässer a. beutelspacher

dä real link isch vo br-online
für all wo nöd gern so
viel text wänd läse

oder
dies & das
inspiriert via feinheit
än clip blogt sich um di ganzi welt
mit dä annie und äm titel "the story of stuff"
weisheitä wo ich scho über 20 jahr i mim fründeschreis
diskutierä und mich au andersch verhalte als diä konsum süchtige

das "video" gaht 20 minute und bufferet immer mal wieder vor sich hi
uf jedefall da uf eusem bald 10 jährige compi im cooltv studio
und wenn ich mir dä film oder vortrag zu gemüte führe
dänn fallt doch ja mal wieder eis ganz dütlich uf
d'mänsche und ihri clevernes zur usbütig
sind i dä masse höchscht gfährlich
s'bescht isch kei nachwuchs

freued eu a dem video clip
s'isch än zaubertrick
verlinkt vomä link
vo feinheit zu
youtube

äs
isch nöd
immer eifach än
titel z'kreierä für än bitrag
vor allem wänn's zwei verschiedeni
text sind wo eigentlich kein zämehang händ
au bim blogä git's "die flimmernde leere der datenbank"
aber wiä ihr händ chönä läse im titel han ich das trauma überwunde
memory heisst ja gedächnis uf dütsch und genau um das gahts im erschte link

mal wieder zu spiegel online mitem artikel plus video vo dä cleverä schimpanse
än arge dämpfer für all diä wo denkt händ mir mänsche sind die beschtä
i däm japanische zahlereihe tescht sind studis nur halb so guet
aber läsed dä text doch eifach selber oder luegeds video
öpps dänn au würklich stimmt isch trotz wüsse ebä
au ä glaubenssach wiä so vieles vo däne infos
öb dä ike turner im himmel mit dä engel
rockt wiä dä paul mc'cartney glaubt
isch dänn doch nur äs märli gsi

dä link isch zu readers-edition
mit jenschte links zu videos
und anderne print artikel
zum wilde läbe vom ike
dä father of rock'n'roll
und das isch än link
zrugg is jahr 1972
nach los angeles

mal
wieder
und äs gaht
um d'kombination vo
thermik und wasserentsalzig
ä aufwindmeerwasserentsalzungsanlage
und wiä'n ich bim recherchierä gmerkt han git's
das i däre kombination nöd ä mal als suechbegriff bi google

da dä link zu wikipedia mit solare meerwasserentsalzungsanlagen
mini gratis idee wäri uf däm prinzip vo dä destillation ufbaut
i dä nächi vo dä küste ufemä hügel wird's meerwasser
under glas uferä schwarzä flächi total verdunstet
salz wird am abig abzoge und dänn verchauft
di enormi hitz wo underem glas entstaht
wird zumä ufwind-chraftwerk gleitet
und s'destillierte wasser i gärte
wo rund um's ganzi wachsed

dä link zu aufwindkraftwerk
grad numal zu wikipedia
will s'isch sachlich und
s'hätt no weblinks
und ich wünsche
ä gueti planig
geld hätts
ja scho
umä

dä
onan
isch quasi
dä namens geber
für d'onanie was ja eher
än coitus interruptus sötti gsi si
di würklich trübi gschicht vo dä tamar
uf dem bild als dirne bim verfüherä vom judas

git's im neutral enzyklopädisch link zu wikipedia
dä knüller vo däre gschicht isch sicher das
vom bändeli um dä arm vor dä geburt
das isch doch unglabublich hoch 3
und da dä grund für das thema

dä link isch zu masturb-arte
us philosophischer sicht
und da no ä umfrag

s'isch vo 20 minute
und zum schluss no was

bibelkritisches zum thema
ehe, sex und scheidig
und wänn ich's nöd
scho gwüsst hett
wür's mi doch
äs birä bitz
wunderä

mit
äme der
vorä dra isches
äs buech vom richard dawkins
und wer kännt das bild ?

dä link isch hütt zu orf
aber au im stern git's än artikel
ich bringe beidi will's amigs nöd eifach isch
sich i dä redaktionellä phase für nur öppis z'entscheide
und eigentlich bin ich uf das thema cho wägem kerner sinerä sändig
schön beschriebä i dä welt-online und ich han mich au gwunderet
vor allem wänn än bischof meint das isch aggressive atheismus
das isch eh so ä seltsami gschicht mit däm begriff atheismus
wänn ich so als biespiel da in blog schriebä ich glaube nöd
drah das äs diä superheldä us dä comics au würklich git
und ich all diä mänsche wo das als real und ebä echt
betrachtet als äs bitzli behinderet muess ihschätzä
und bin ich jetzt wäge däm än a-exochoshelidos
ich bin aber nöd öppä gäge all diä comic fan's
aber äs isch phantasie und das isch schön
bi dä weltliche "gottes" männer isch das
aber mit mord und totschlag verbundä
und äs wird langsam ziit für's bereuä
vo all däne vergangenä schandtate

das wäri dä link zum gerd lüdemann
dä herr isch nach dä welt-online
vermisst worde bim kerner

und
das isch
äs akronym
usem englische vo
cybernetic und organim
und nöd z'verwächslä mit roboter

dä wiki link zum tag wiä scho so oft
mitemä chlinä überblick zum stand der dinge
natürlich isch i dä hollywood film alles chli andersch
und wiä das in realität usgseht git's i däm link

das isch zu orthopoint miterä neuentwicklig
vonerä gedankegstühretä armprothese
das han ich ja scho immer prophzeit
diä mänsche mit hanicap werdet
diä erschte si für so versüech
und no was chli anderes
zum cyber ohni borg

mit link zum gadmag
und äm cyber darling "kaily"
än roboter mit künstliche intelligenz
ich hetti scho lang gern sowas
ähnlichs für eusi cooltv sitä
und gar kei ahnig wieso
zum schluss noch das
   
dä glitterlink vom tag

das
rätsel des
bewusstseins
isch äs symposium gsi
im januar vo däm jahr in luzern
ich bin bi mim inspirative surfä für äs thema

via youtube und das video uf d'idee vom hüttige
bitrag cho und zum glück nöd im quantekollaps terminiert
nöd zum erschte mal da im blog aber no niä mit link zu wikipedia
äs fangt ganz schüch a und wird mit emä click z.b. uf quantenmechanik
äs bitzli abstrakter und verwirrender als äs vielnä mänsche lieb isch
und drum git's grad s'zweite video so als wüssens hindergrund
äs isch uf englisch und "trallaallaa" au bi youtube platziert
dä quantum faktor erklährt vom dr. quantum persönlich
äs gaht um das berühemtä doppelspalt experiment

tja liebi beobachter/innä mir sind also alli schuldig
äs isch schomal was vo däre blinkendä sitä cho
am 25. mai 07 mitem titel das multiversum
aber hütt gits das 'kapitel mit ebä däm
doppelspalt experiment und meh us

"die verrückte welt der quanten"
und mit all däm wüsse im bewusstsii
git's jetzt dä artikel vom symposium in luzern

äs isch än link zu heise und s'bild äs quantenbit
wänn wird sich was wo und wiä bewusst
und uf dä suechi nach so coolä bilder
zum ganze bin ich no uf diä site
vo's psychophysik's gstosse
gschriebä vom w. held

quantenphysikalische
ansätze des bewusstseins
isch dä titel vo däm lange artikel
und 2 vo 3 bilder zeiged diä mikrotubulus
so wiä au s'erschti bild vom hüttige
quantitativ üppige blog bitrag
tantum quantum possum
oder hett ich no meh
chönä aber nöd
würkli wellä
oder wiä
jetzt ?