da
grad mit
wikipedia text link
vo wäge schnöder mammon
chunt via dä vulgata zu eus is dütsche
aber d'babes git's trotzdem erscht morn im blog
und das thema bring ich wäge somä doofe caritas inserat

das isch's bild vom mars vo däre unsäglichä spände-sammlig
mit link zu dä tagesschau über dä vatikan und sini finanze
bi minä recherche hani zahl vo 500 milliarde euro gläse
was schients s'vermöge vo dä chilä in dütschland isch
aber genau zahle git's da natürlich mal wieder nöd
und dä vatikan baut nöd uf sand sondern uf gold

und dä krisesicheri finanz link isch zu derwesten
da no dä wiki text link über d'vatikanbank ior
än artikel ohni beleg oder aber nöd gnueg
ä undurchschaubari sach mit däne jungs
aber immer am bättle für no me geld
das würkt uf mich scho recht gierig
und bim mars inserat au nidisch

und
bewusstsii
derweil d'party no
immer im vollen gange isch
blog ich für eu husch dä suntig's post

eigentlich müesstis blau si für dä fluss link
er isch zu die presse und handlet vo galaxie
wer kei angscht hätt vor dä unendliche wiitene
i eusem dunkel flüssendä universum clickt uf's bild

wer's me mittem bewusstsii und integrale theorie hätt
dä isch mit däm innovative link beschtens bedient
isch scho fascht ä pan proto suntigs predigt
und drum git's quasi no ä anderi meinig
hani bim sueche vo bilder gfundä

dä humbug link usem 2001
isch zu heise's telepolis
und ich gang nochli
i d'beiz go tanze

ich
han dänkt
hey ... also bin ich !
ich schrieb jetzt au no was über
diä alles erschütterndi finanzkriisä i dä usa
wo mich als habenichts natürlich scho eher äs bitz freut
und bim suechä vomä guetä artikel bini uf dä schwarz schwan cho

das isch dä risiko link zum handelsblatt mitemä report vom m. maisch
über dä nassim n. taleb autor vom buech "der schwarze schwan"
und äs git no än "waterloo" text link zu dä berliner umschau
mit äm dossier plötzlich isch geld zur genüge vorhande
tja wänn d'manager zu mir cho wäred ... ja dänn ...
aber ebä ... das isch ja quasi in wind gschriebä
und scho mal bracht im blog aber passend

dä teil 3 vo zeitgeist mit link zu google
und dä federal reserve system story
äs isch viellicht nöd alles topseriös
aber bi all däne meldige doch än
gedanke wert im hinderchopf
oder wo immer ihr siniered

nach
dä neuschte
meldigä vo ulysses
isch dä sunäwind chli schwach
aber für d'erde beschtaht also kei g'fahr
höchschtens ä chlini isziit oder suschtigi abchühelig
je nach dem welli mediä diä gschicht wiä genau transportiered

und dä sunigi blogspot link isch zu grenz/wissenschaft-aktuell
mit para über eso zu ufo und jenschtä anderä grenzthemä
und ebä zu dä sunäfläcke wo's im august nöd gha hätt
aber zum glück isch jetzt im september einä uftaucht

mal
wieder was
infotainment mässigs
und zwar us dä fernsehchuchi vom zdf
mitem titel "expedition erde" git's ä 5 teiligi serie
zum d'faszination vo eusem geniale planet chli z'sensibilisierä

dä schneeball link isch zum zdf und terra X mitem 1. teil "vulkane"
und dä dütschi ex-astronaut thomas reiter fühert dur d'sendig
diä schneeball erde theorie isch für mich tatsächlich neu
und als extra link git's da dä enzyklopädisch bitrag
da isches nur ä hypothese aber scho vo 1964
und sit 1992 heisst's jetzt snowball earth
aber s'isch ebä au scho sehr lang här
schient's so cirka 700 millionä jahr

urknall
auf der suche
nach dem ursprung
das isch dä titel vonerä sändig
geschter z'gseh gsi uf 3 sat mit name hitec

das isch dä link zu ruum und ziit mit dä übersicht
und als extra service im blog da dä text link zum video
wobi mir dä urknall gar nüme so sympathisch isch wiä au scho
ich bin jetzt eher uf diä big bounce theorie umgschwänkt ... aber ebä

und als spontane link vom tag zum kultiblog no ä rückblende oder rückblick
aber au ständiges wiedererinnern und no wiedererleben nach dict.cc
aber lueged doch eifach selber und morn git's dä erscht clip
und eigentlich chönnti diä band au "vollgas" heissä

und
zwar zu
dä kategorie
wiä ihr bim link gsehnd
aber macht's dänn än underschied?
uf dä suechi nach bibel fähler bini uf diä site cho
kei ahnig wer da dähinder staht aber ich find än click wert

dä g'spalteni link zur site mitem name glauben und wissen
für argument i so unsägliche g'spräch mit dä chrischte
und natürlich eifach so zum ziit hinder eu z'bringe
oder was immer äs für suschtigi gründ brüchti
zum sich mit däm thema usenand z'setzä

äs
chönnti
ja ä rechnig si
oder isch eini worde
  3 bild links plus no 2 text links
da als erschtes dä ratte-hirn roboter

dä neuronal link isch zu 20minuten wissen
und das isch s'glich als text link zu euronews
än churze artikel aber s'video isch däfür uf dütsch
und als pausefüller im hüttige roboter blog ä chlötzli uhr

s'isch dä stonehenge robotic digital clock link zu youtube
und anerä version mit sekundä chlötzli schaffed's no
ich han d'hanson robotics zwar scho mal bracht

aber dä clip ebä no nöd und s'isch zu youtube
än werbe blick hinder d'kulissä mitem jules
und als zweite text link grad no än clip
vomä hanson chopf a dä messefront
oder ca. 7 minutä blabla us dä usa
aber so figurä werded eus scho
gli als service chräft begägne
am schalter oder dä kasse
und scho bim zweite mal
känned's au dä name
und sind immer nett

in
gras
grüen
drüü links
zu eusnä chühe
wobi was heisst eus
als erschtes di magnetische
ä zoologin hätt usägfundä das chühe
aber au rothirsch dä chopf gern im nordä händ

das isch magnetisch link zu wissenschaft mit dä story
und ich outä mich jetzt im blog als chopf-im-nordä-schläfer
spühr ich ächt au diä magnetfeldliniä oder isches wäge dä sunä

das isch dä methan link zu die presse vo wäge dä klimaerwärmig
diä böse, böse chühe mit ihrerä verdauig sind also au schuld
und irgendeswo hani gläse diä kampagne isch vo vegis
mitem slogan "ich iss kei fleisch zum's klimä rettä"
aber äs isch ebä scho übel was für d'mänsche
alles gmacht wird und vor allem wäg eus
wäred mir nöd soviel uf däm planet
hettid mir au weniger problem
und d'chühe no ihri hörner
isch zwar scho mal cho
im blog aber au hütt
durchus passend

dä cow blues
bi cooltv
muh

das
isch dä
bitrag nr. 666
und drum git's das thema
für all zahle und suschtigä okkult-freaks

das wäri oder isch dä frei link zu wikipedia
und bim umä surfä was äs susch no so git zu 666
bin ich au no uf däre sitä vo dä schwarze seelä verbicho
da mit link zu 666 und dä offenbarig vom johannes und anderes

die zahl des teufels aber mit hübsche tüfeli und engeli bi erotic art
nöd geeignet für gar sensibli seelä oder ängschtlichi wesä
und quersummä vo allne buechstabe i däm text
isch nach genauschte berächnige 666
das isch ja scho richtig magisch
und trotzdem grafisch
so phantastisch
& tschüss
... ...