|
Di 23.01.2007 |
statistik und schnee |
|
Kategorie: Allgemein Autor: rst (erstellt am 23.01.2007 - 23:10) |
|
lang isches gangä aber jetz schneiäts endlich ...s'hätt & wird wieder s'tüüf malte bringt eus dä lang erwarteti schnee ... juhee und morn sicher s'totale chaos uf dä strasse däfür händ d'chind freud , dänn chönds morn nomitag go schlittlä oder mit was au immer s'högerli abäfräse viel spass ... und dä roger federer hätt sin match in melbourne gunnä da dä link zu sinerä homepage und äs isch ja januar und drum quasi nach-g'reicht eusi statistik vom 2006 vo cooltv natürli gits nur äs paar zahle druus äs sind chli weniger gsi als 2005 aber meh als 2004 mir händ gha 38'032 verschiedeni bsuecher us 117 länder ! hey... das freut mich scho sit jahre ...mit so "exotä" wiä kasachstan,china,togo,quatar,vietnam,iran,vatikan,panama,peru ... etc. mir sind 50'669 mal bsuecht wordä uf 508'917 sitenä mit 4'156'827 zuegriff s'nummer 1 isch amerika mit 2'506'043 zuegriff ( meh als d'helfti ) silber und numero 2 isch mit 411'480 die schweiz und deutschland mit 297'169 s'nummer 3 tja ...ich fräge mich, isch das guet ? sind das gnueg ? uf jedefall chan ich schriebä wer dä cooltv-blog kännt , chunnt sicher au i däre statistik vor also merci für dä bsuech bi eus und am meischtä surfed ihr am abig & am suntig zu & bi eus verbi 69,7% browsed mitem ms internet explorer zu eus 20,7% mit firefox und nurno 2,7% mit netscape und all die komma 7 sind än zuefall ? tja diä statistikä ... diräkt zu eus chömed 87,1% das isch ja super ... via än link 6,2% und vo suechmaschinä 5,7% hey da isch das 0,7 wieder und 0,9% sind unbekannt ... das sind sicher gheimdienscht und no ä erfreulichi zahl zum schluss ... 25,6% fanfare jedi/ä 4erti ... füegd eus zu sinä favoritä däzue merci,merci und natürli würdis mich freuä wänn ihr eus nomeh verlinked und wiiters-empfeläd für millionä vo hits & clicks |
|
|
|
|
So 21.01.2007 |
räge-blog |
|
Kategorie: Allgemein Autor: rst (erstellt am 22.01.2007 - 11:53) |
|
suntigmorgä rägebluesblog schubiduhundtrallallahhh mir händ ä säschen gha oder mit musik durch die nacht im studio 5 mitemä ex-lovemachine was für äs privileg ... was ihr känned lovemachine nöd ? mir händ sogar über streams bi cooltv gschwätzt über dä oder dä live usem scala damals no in buebikä mit chli gefläsche drüber und als suntigs-gratis-tip grad numal einä ä zuckersüessi balade ...g'filmt am pfäffikersee än scho fascht antikä stream (nr.34) us dä urziit vo cooltv das isch quasi s'break isch ja ä trüebi nummäre gsi gester vo wäge "kampf der giganten" giganten wanken auf tönernen knien ? äs wäri sicher än spannendä kampf wordä ...tja aber ebä ... zrugg zum räge im januar und mim neuä lieblings wort "sisch gschichtshistorisch" nur was für profis ..nah wer chans luut usspräche und nöd lischplä däbi isch äs gratis castig sprächtaining au ideal als üebigs vorlag sind ... zungäbrächer wänn ich das bi google inätöggelä gits 744000 ergäbniss bi cooltv 1 ... fanfare neulich im aquarium eusi fisch sind spitzä comedians eigentlich ich wünschä allne än blauä tag |
|
|
|
|
Mi 17.01.2007 |
spiel spass |
|
Kategorie: Allgemein Autor: rst (erstellt am 17.01.2007 - 05:30) |
|
die säule heisst uf latinisch columna und genau so chunts mir vor da im cooltv blog ich schriebä jedä tag än text i einerä spalte und nutzä s'medium . uhh das tönt dänn guet , ich fühl mich au so schurni mässig und händ ihr eu au schomal gwunderet wiä eusi nördliche nachbarinä dä " t'schüri und t'schurnalischten " säged ? isch no luschtiger als wänn ich's uf züridütsch schriebä tja das isch ebä dialekt-art , das da i däm blog ich weiss dä märt isch chli aber edel ...ähm wellä märt ? nei ich weiss äs git lüüt die läsed dä blog ... merci,merci aber wiä so oft im läbe , gahts um eim sälber also mach ichs eigentlich für mich , ich hetti jetzt au chönä lügä ich fräge mich ; bin ich fähig jedä tag was herä z'töggelä und äs thema z'findä? ei erkänntnis hani uf jedäfall gmacht hütt würklichi freiheit überfordäret die meischtä mänsche leider , leider... lieber übernämeds was vo anderä sälber dänke und kreativ si isch ebä au glücksach ich chlauä ja au bilder, witz, links und was au immer ... aber ich kombiniers neu und bringe mich sälber i will ... bewusstsii chan nur us eim sälber wachsä ... hört,hört das isch aber keineswegs ä deprokolumnä im gägeteil , s'isch än fründlichä ufruef zum sälber dänke und ich weiss die meischte wo am compi hänged wänd game oder babes luegä wänns nöd grad am schaffe sind ... oder sie sind frauä ;-) drum da nach all dem text no äs cools spieli oder zwei s'isch was fürs hirni und äs sind nöd zylonä s'hätt aber leider wiä fascht überall hütt, doofi werbig und ps: dä roger federer hätt sich quasi "suverän" i di nächschti rundi gspielt downunder in melbourne |
|
|
|
|
Di 16.01.2007 |
nacht-gedanken |
|
Kategorie: Allgemein Autor: rst (erstellt am 16.01.2007 - 05:14) |
|
dienstag oder aber tsischtig das sind eidütig zwei verschiedeni sprache was gits hütt ? ich han no än nachtrag zum klimablog und zwar 2 diagramm mit links zu dä sitä wiä immer äs git also no jenschti anderi sitä zu däm thema und wämer eusi gschicht ufem planet verfolgt gseht mer dä ewigi wandel da wo ich sitze hätts vor 100000 jahr 100-200 meter iis gha so ähnlich wiäs jetz isch bi däm näbel das bild isch vom i-progress photoblog ... aber hütt isch ja au no the golden globe award und leider isch cooltv au dasmal nöd nominiert , oder zum glück ? das lauft grad jetzt im tiwi, mit jenschtä werbig nach eim oder zwei prisä überhaubt äs isch mega die reklameshow... ein trailer am anderä und all sind's total dramatisch mit heftigschtä soundeffekt diä ganz presentation würkt wiä d'ocar show ... eigentlich und d'manne gsehnd ja furchbar us i ihrnä schwarze sackos ... wiä pinguinä und "pfrauä" sind tendenziell schulterfrei und schmuck behängt s'gseht eher langwilig us und sehr "angepasst " aber sie wänd das ja so und mached , au das im gägesatz zu cooltv jenschtes kohle wer jetzt no wetti wüsse wer gunnä hätt ... click ufs bild diräkt zu dä hollywood foreign press association ... und downunder in melbourne isch's australian open losgange di 1. rundi und d'frauä sind gewaltig am stöhne uhh ahh uhh ahrrg und schients segis sehr heiss, so ca. 40 grad am schattä und natürli sind mir als tennisnation voll däbi eigentlich hani wellä dä roger federer bringe mit bild und link aber ...da er scho gunnä hätt geschter und ja gar nöd spielt die nacht bliib ich international hütt und linkä grad zum open äs quält sich grad dä rafael nadal in muskulösem schweiss ... soviel für hütt no isch am tsischtig kein klare trend für äs thema vorhande aber wer weiss ... ich wünsche därä exklusivä und exquisitä minderheit wo dä blog "chan" läse und au list än schöne tag |
|
|
|
|
Mi 10.01.2007 |
Politik |
|
Kategorie: Allgemein Autor: rst (erstellt am 10.01.2007 - 00:23) |
|
hütt mitemä gascht im studio und er hätt was mitbracht,scho fascht wiä bim sandmännli äs gaht um politik aber er erklärts eu grad sälber und als novum"ich liebä novä" zitat dr.berger vom notspital auf hochdeutsch und bitte ... Wie wäre es, wenn alle Menschen ihr persönliches Überleben von der Erwerbsarbeit abkoppeln könnten? Wenn ihnen quasi als Geburtsrecht ein Leben in "Anstand und Würde" zugesichert wäre? Diese Überlegungen führten zur Idee einer Lebensrente bzw. eines Grundeinkommens. Diese monatliche oder jährliche Grundmenge an Geld würde allen von Geburt an zustehen, ohne dass sie dafür eine Gegenleistung zu erbringen hätten. Sie wäre so hoch anzusetzen, dass damit das materielle Überleben abgesichert wäre und hätte darüber hinaus die Teilnahme am sozialen und kulturellen Leben zu ermöglichen. Eine absolut unrealistische Vision? Wer soll das finanzieren? Da ja die Idee an sich nicht neu ist, haben sich im Lauf der letzten, sagen wir, hundert Jahre etliche kluge Köpfe den ihren darüber zerbrochen. Will heissen: Es gibt fundierte Untersuchungen zum Thema - und Leute die dieses nun wieder aufgegriffen haben, auch im Hinblick auf die immer deutlichere Prognose, dass in naher Zukunft nur noch für den kleineren Teil der Menschen sinnvolle Arbeit vorhanden sein wird. Die derzeitige Diskussion ist noch weit von Lösungen entfernt. Noch werden grundsätzliche Fragen der gesellschaftlichen Strukturierung erörtert. Diese Diskussionen sind aber sehr interessant, da sie neue Sichtweisen ermöglichen und und dazu anregen, sich andere Gesellschaftsmodelle und Utopien auszudenken. Wird auf jeden Fall spannend sein, das weiter zu verfolgen... hey merci schüfi ...mal richtig viel text ich dänke ja au äso , ich als smarte philosoph und für meh infos eifach ufs bild clickä |
|
|
|
|
So 07.01.2007 |
sport |
|
Kategorie: Allgemein Autor: rst (erstellt am 08.01.2007 - 01:26) |
|
sport ufäm schnee gratulation an marc berthod für dä sieg im riesäslalom lang isches här , dass än schwiizer gunnä hätt im weltcup und mit startnummerä 60 uf 1 ...hey super ! aber eigentlich gits was z'kritisierä d'vierschanzä tournee isch ja fertig hütt .. äs bravo an simon und au an andi ... ich bin ja mal wieder voll dä patriot ich luegä sehr gern skispringä und no lieber skiflügä aber... äs nervt mich was ...und zwar d'punkterichter was söll das ? wer am wiitischtä gumpäd dä günnt ! aus fertig die telemark landig und die haltigsnotä sind völlig subjektiv im wiitsprung oder hochsprung hätts das ja au nöd und äs bruchts au nöd und endi januar isch skiflüge in oberstdorf "für infos click ufs bild" deht "gumpäds" über 200 meter |
|
|
|
|
Mo 01.01.2007 |
2007 |
|
Kategorie: Allgemein Autor: rst (erstellt am 01.01.2007 - 01:21) |
|
|
|
|
|
|
So 31.12.2006 |
silvester |
|
Kategorie: Allgemein Autor: rst (erstellt am 31.12.2006 - 18:50) |
|
das wars... und scho isch s'jahr verbii... mitemä wahre prachts-tag, scho fascht früehligs-mässig aber äs isch silveschtär cooltv-blog redaktion wünscht eu allne än guetä rutsch und äs prosit ufs 2007 ich hoffä mir gsehnd eus salute |
|
|
|
|
Mi 27.12.2006 |
blauä himmel |
|
Kategorie: Allgemein Autor: rst (erstellt am 27.12.2006 - 16:02) |
|
isch das nöd wunderbar hütt isch so richtig schöns wätter mit sunnä und blauem himmel und will's scho dä 27. dezämber isch, han ich wieder meh sunnä-schii uf mim balkon aber dänn "sink" ca. am drüü taucht sie ab hinderem dach ... tja ... bitter aber so isch äs im winter und hey so cool !! dä adi "scho fascht eusä hof & band fotograf" hätt sini neuschtä bilder is netz gstellt "sntt und dä üebigsruum gig" und äs hätt äs blinkends gif-titelbild ... hey ! party on !!! und wänn ich die fötelis so ahluegä , dänn dänk ich ...hmm... äs muess relativ cool gsi si am gig ... so am dress vo eus ...uf jedefall vo dä eintä aber äs isch ja au keis wunder, äs isch chüel , bi offnä türä im winter z'spielä ... |
|
|
|
|
So 24.12.2006 |
verbii mit doppel i |
|
Kategorie: Allgemein Autor: rst (erstellt am 25.12.2006 - 03:03) |
|
Hallihallo s'isch quasi alles verbi... euses konzert im üebigsruum,isch cool gsi obwohl chli wenig gäscht, d'ustellig im ekg , isch zwar immer no offä ... dä chürzischti tag im jahr & di längschti nacht und scho gli au d'wiehnacht heissts wein-nacht vo wein trinken und dänn chli weinen ? will z.b. gschänkli mal wieder voll scheisse gsi sind ? ich chans eh fascht nöd glaube , dass es no öpper git wo die gschicht chan glaubä vo wäge jesus im stall geborä am 24.dezember aber ebä ...milliarde mänsche sind im shopping-rusch gsi ich uf jedefall bin zfriedä mit mir , ich han keis einzigs gschänk kauft dä ganzi rummel und das christlichä getue gaht mir ja scho siit langem am ........ verbi und am tv chömed nur so amerikanischi total verblödigs film mitäre moral zum sich übergäh .... vo wäge s'fäscht vo dä liebi und so ... und wer no was vo cooltv wetti gseh ....quasi än cooltv-klassiker clickt ufs bild und schwupps chunt s'häglige krippenspiel oder d'geburt vom neuä messias |
|
|
|
|
|