|
Mi 21.02.2007 |
Höch und tüüf |
|
Kategorie: Allgemein Autor: rst (erstellt am 21.02.2007 - 06:26) |
|
oder aber i dä geographie än fensterplatz s'chönnti imenä quiz als frag cho ; dä höchsti punkt vo dä schwiiz isch ? bi dä supernatural isch aber d'frag gsi ; wo isch dä tüüfsti punkt vo dä schwiiz ? drum da glücklich vereint i eim bild ... dä höchsti und dä tüüfschti punkt dä tüüfsti punkt vo dä schwiiz isch weder basel no genf .. sisch dä lago maggiore und dä höchsti punkt isch düfourspitze im monte rosa massiv im vallis ambri ambrüf wer meh zahle wetti clickt sich zu swiss index und oh bitte bitte gib mir mein täglich wikipedia link das wäri d'schwiiz vo obä ... vom satellit us gseh wobi... wer dä blog chan läse, hätt das alles schomal i dä schuel gha ich find aber, s'tuet dä allgemein-bildig guet, so äs paar date und s'hätt au neuers zeugs druff mit jenschte links click, click... wer hätt clickt und isches s'ich gsi ? bi eus fangts erscht ah in rio ischer verbii dä carneval oder aber d'fasnacht s'händ ja fascht all di gliche bilder us rio aber nöd all chamer easy kopierä als link hani dä stern gwählt viel spass bim samba bumzbubumz bubumz |
|
|
|
|
Sa 17.02.2007 |
ä neui rundi |
|
Kategorie: Allgemein Autor: rst (erstellt am 17.02.2007 - 02:36) |
|
Happy birthday äs isch dä 17. februar 2007 das isch für all wo hütt geburtstag händ hey ... mir all händs gschafft !!! scho wieder ä rundi um d'sunnä umä ... yeah das sind alles geburtstagschind vo hütt und diä linksunä sogar min jahrgang und wer mich möchti beschänke därf das no so gern äs därf au geld si (nötli im couvert ;-) ich han aber au ä pc nummere rolf steiger wetzikon 84-33227-0 merci |
|
|
|
|
Fr 16.02.2007 |
news us dä tüüfsee |
|
Kategorie: Allgemein Autor: rst (erstellt am 16.02.2007 - 03:19) |
|
mit liechtblitz uf dä jagt zum erschte mal händ japanischi forscher chönä riese tintefisch bim jage filmä da isch dä text zu däre gschicht taningia danae heisst dä riesä calmar und das wäri s'video uf google leider nur 11 sekunde s'gseht also sehr speziell us er lüchted scho fascht wiä i dä disco und da no s'glichi vo 20 minute mit äs paar föteli bildstrecki isch i dä interaktiv box "riesen kalmar" da lauft ja was i däre tüüfsee nöd nur cooli schwämm hey ... guet i tauch und surf ... 1 |
|
|
|
|
Mi 14.02.2007 |
Valentinstag |
|
Kategorie: Allgemein Autor: rst (erstellt am 14.02.2007 - 19:52) |
|
hey das isch ja hütt s'isch mir erscht so richtig ufgfalle bim poschte vorem blume-egge hätts richtig viel wartendi lüüt gha und ich han dänkt ...hey was lauft dänn da ? ach so ... äs isch ja valentinstag hütt dä link isch uf d'sändig 116 vo cooltv eis jahr isches här wo mir uf valentinsfahrt sind aber leider isch dä stream vom fährtli deaktiviert oder was au immer und drum gits d'sändig 116 mitem churzreport vo säbem tag 3 |
|
|
|
|
Do 08.02.2007 |
big brother |
|
Kategorie: Allgemein Autor: rst (erstellt am 08.02.2007 - 16:09) |
|
dä grossi brüeder gseht dich äs isch wieder ä neui stafflä losgange uf rtl2 und wer kei ahnig hätt um was äs gaht bi big brother da dä link zu wikipedia soviel text wäri schön über kulti aber zrugg zu big brother und staffel 7 mir chunts amigs äs bitzli vor wiä äs trainings lager für mänsche uf engem ruum und mit seltsame regle vo ussä ich gseh das als tescht für mars expeditione oder für dä ufenthalt ufem mond " sie sind drin " ... das wäri dä link uf d'homepage vo big brother dütschland ich finds uf jedäfall spannend wies so sind und was sie dänked äs chlises sittäbild vo eusnä nachbarä und innä im 2007 und sind ähnlichi typä wie i allne castingshows öbs "deutschland sucht den superstar" oder was au immer isch und au mir vo cooltv händ eus mal inspirierä la heiterä sind das no .... d'spielidee isch us dä 4. stafflä "the battle" aber äs git natürli au mänsche wo sich sorge mached mir werded ja superguet überwacht (z'gseh im bitrag quasi nackt ) und di eintä verleiäd än priis für d'schnüffelratte vom jahr wobi ich bin im chinesischä sternzeiche ä ratte aber janu klischees über klischees da isch dä link zum bba.ch awards vom 2006 s'2007 isch nonig überwacht also viel spass bim spuhrä hinderleggä im web-space oder wo und bi wäm au immer 9 |
|
|
|
|
Mi 07.02.2007 |
fuessball |
|
Kategorie: Allgemein Autor: rolf (erstellt am 07.02.2007 - 23:58) |
|
countdown ich weiss ich bin später als ich wetti si mitem blog eigentlich wäris schön am morge dä neui bitrag z'ha ... aber leider hätts mich nach hinderä verschobä und ich bin froh wänn ich no vor mitternacht än text mit bild und link härebringe däfür hani nüüt hoffnigsvolls über eusi fuessballnati gschriebä tja das mitem 3:1 gäge dütschland isch no nöd würkli em-champe-mässig gsi sie spieled wiä ihrä trainer ... leider, äs fählt s'cleverä und geniale aber wänns hilf bruched ... ich hetti no termine frei und als propaganda link quasi passend zum thema fuessball und em sändig 75 da isch in portugal d'em gsi und mir händ jenschti bösi mails übercho will als "frei-hommage" und überhaubt hämmer di ganz sändig wiä d'fuessballstars uf dä bodä g'schpeuzt so richtig grusig ...aber lueged doch sälber 10 |
|
|
|
|
Di 06.02.2007 |
schnee-räge in grau |
|
Kategorie: Allgemein Autor: rst (erstellt am 06.02.2007 - 18:23) |
|
dä titel isch quasi än wätter-report so isches im moment da i dä kulti bi ca.1'm grad celsius ich han scho ghört, dass wätter s'wichtigscht isch und das all gern läsed und für all sport-freaks ... in are isch di alpine ski-wm au losgfahre mit äre medaille für dä bruno kernen isch sicher wieder so ä sitä wo jede tag änderet wo isch dänn are werded sich di eintä fräge s'isch in schwedä im höche nordä dä link isch nöd dä einzig wo ich vo are gfunde han natürli hätts au uf wikipedia no infos, aber immer s'glichä isch au öde ich han jetzt diä zwei gwählt derweil s'da dä hoger abe rased in are hätt dä georges w. bush sis budget für's 2008 vorgstellt nur fürs militär wetti er und di seinen über 700 milliarde dollar verpulverä im jahr !!! diä amis händ doch voll dä totali schade ... oder nöd ? tja ... soviel für dä moment usem kuscheligä cooltv studio und ps: was würdisch du mache mit däm geld ? also ich hetti no äs paar ideeä im fall und sicher alles besseri als diä für chrieg uf dä welt aber ebä ... 84-33227-0 mini konto-nummerä für äs bessers klima ufem planet steiger a & s ethikdesign merci |
|
|
|
|
Do 01.02.2007 |
influenza |
|
Kategorie: Allgemein Autor: rst (erstellt am 01.02.2007 - 16:33) |
|
ich surfä und zwar uf dä grippe-wälle drum isch dä text hütt ziemlich churz eigentlich isches ja äs hübsches teil so als grafik äs fühlt sich aber beschissä a wänns im körper umäschwirrt wer meh wetti wüsse über d'gripp gaht ufs nationale zentrum für influenza mir händ sowas, wer hettis dänkt ... dä link isch uf dä " bag" sitä und ich wünsch mir gueti besserig |
|
|
|
|
So 28.01.2007 |
vo peru nach goa |
|
Kategorie: Allgemein Autor: rst (erstellt am 28.01.2007 - 17:58) |
|
oder aber im schnittpunkt blauä himmel ,schnee uf dä dächer d'sunnä schient s'isch hell und grell und chüel möve chreised überem weier und vögel zwitschered steifigurä us dä ande und wagawagawaga us erschter hand peruanisch inspiriert mit wildä gschichtä usem studio 5 vo marcahuasi verhüllt vom schleier der zeit uf 4000 meter über meer vo ufos, göttertor und suschtigem mystischem ufem plateau da sind d'raver nöd wiit und au in peru gits goapartys s'isch richtig schwierig gsi infos uf dütsch z'findä derweil ich mich fräge isch dä winter scho wieder verbii ? günnt dä roger federer in melbourne s australian open ohni än satzverluscht bravo,bravo ! diä heldägschicht chamer morn überall läse |
|
|
|
|
Fr 26.01.2007 |
Blogsologie |
|
Kategorie: Allgemein Autor: rst (erstellt am 26.01.2007 - 01:04) |
|
was für än titel bi dä analyse vo dem und überhaubt vo blogs isch mir ufgfallä ,dass äs ä luschtigi ziitachs git im blog normalerwiis imä buech isch d'vergangäheit am afang "es war einmal" im blog isch gägewart immer z'oberscht wämmer so am durästöberä vo anderne blogs isch chunt z'erscht d'antwort und dänn d'frag oder wiä hütt da im cooltvblog s'lob für dä roger federer und für sis geniale tennis spiel oder d'frag chunnts mal no go schneeiä und isch dänn chaos ? und leider au s'änderä vo skiflügä zu skispringä das wuchäend wer immer all die blogs und ihri date wird uswertä i dä zuekunft wird vieles wüssä vo und über eus ,wiä und was, warum und wieso und überhaupt und wird eus zuemüllä mit werbig und spezialangebot wo eus so gfalled nach soviel text was propagandamässigs vo eus sälber passend zum australien open in melbourne quasi ä homage an roger federer ich freu mich ufs finale am suntig us sändig 51 und jetzt was ganz anderes ich chumä ja jenschti fundstück usem internet über und so zwüsched durä äs spiel in ehren chan ja niemärd verwehren äs isch äs frosch hüpf spiel und quasi än intelligänz tescht für chindä us japan d'frösch chönd nur i ei richtig hüpfä und s'ziel isches das plätz tusched i ihrem teich wer meh als 3 minutä hätt zums lösä isch iq-mässig schients under 50 % ich wünsche viel spass mitem fröschli spiel s'sötti eigentlich no quacke bim hüpfä wobi, so wiäs isch stöhrts di anderä im büro nöd oder wo au immer diskretion isch ehräsach und no än gruess a d'blog-controler isch euä iq meh als 50 % ? wänns eu git da dussä oder isch alles ä verschwöhrig? |
|
|
|