|
So 13.05.2007 |
muettertag |
|
Kategorie: Allgemein Autor: rolf (erstellt am 13.05.2007 - 20:05) |
|
alles gueti zum muettertag mit dä beschtä wünsch natürlich für's beschtä mami und im moment no ganz ohni link |
|
|
|
|
Sa 12.05.2007 |
star trek |
|
Kategorie: Allgemein Autor: r.st (erstellt am 12.05.2007 - 03:41) |
|
ä kuriosi mäldig vom legendäre "scotty" asche im weltall verschwunden aber läsed das doch grad am beschtä selber da uf 0e3 vo orf gits di ganzi stori vom james doohan und wer jetzt kei ahnig hätt wer das gsi isch dä "scotty" und au nöd weiss was startrek und s'raumschiff enterprise isch da git's än link zu wikipedia mit jenschtem usem föderations quadrant und nöd vergässe s'git ja au no s'ruumschiff koko schpeeissschpreiss |
|
|
|
|
So 06.05.2007 |
sieger |
|
Kategorie: Allgemein Autor: rolf steiger (erstellt am 06.05.2007 - 19:52) |
|
3 themas mit drüü sieger und dä links däzuä dütschland hätt geschter än neuä superstar gwählt uf rtl dä mark medlock hätt am beschtä gsungä oder uf jedefall di meischtä stimme übercho am samstig bi därä casting show uf rtl min zweitä link isch dä boxkampf in las vegas diä nacht ich hetti allerdings äs unentschiedä gäh bi däm kampf dä floyd mayweather isch eigentlich nur gflüchtet aber dä oscar isch zu langsam gsi obwohl er 12 runde lang nach vorn marschiert isch hätt er aber leider nöd würkli troffä und zu guter letscht no politik in frankreich händs ihn gwählt das isch dä inofizielli neui presidänt |
|
|
|
|
Do 03.05.2007 |
politiker sex & moral |
|
Kategorie: Allgemein Autor: rolf steiger (erstellt am 03.05.2007 - 02:32) |
|
sexskandal i dä usa oder aber entspannigspolitik der erotischen art und mit fantasie diä story isch jetzt i würklich allne mediä dä link hütt isch zum tagesspiegel online si händ dä aktuellschti artikel jetzt bim schriebä das wird sich ja jetzt sicher grausam i d'längi ziehä so wiä vor jahrä bim bill clinton und dä monica lewinsky wänn's 2 milliardä dollar usgänd pro wuchä für dä irak chrieg dänn schreit niemerd skandal - mir wänd än prozess und än rücktritt aber bi 300 dollar für sex isch eis geheule und all sind am zitterä und natürlich freut's mich wänn diä hüchler doch au sex wänd und als provokativi frag nachem 1. mai vo wäge fairi löhn isch än stundelohn vo 200 dollar gnueg oder nöd ? was mich no zunäre informativä rechnig bringt äs gaht um dä underschied zwüsched dä grössi vonerä million und ärä milliarde 1 million sekundä sind wiä lang ??? ich rechne und äs sind 11,57 täg 1 milliarde sekundä aber sind 8-tung äs stimmt 31,7 jahr ihr chönd's ja nahrechnä und in relation isch dä millionär eigentlich nur än taglöhner so im gägesatz zum milliardär |
|
|
|
|
Di 01.05.2007 |
floralien |
|
Kategorie: Allgemein Autor: rolf steiger (erstellt am 01.05.2007 - 06:37) |
|
oder tag der arbeit eigentlich isch mir dä römisch bruch us längscht vergangenä ziitä viel sympathischer als das politischä getue respekt und fairi arbeitsbedingigä find ich au guet und vor allem hett ich das gern sälber mitemä richtigä lohn aber als freiä blogger,musiker,künstler und web-tv G.M. isch selbscht-usbüütig e s'gröschti kapital im spiel däfür bin ich frei und chan mache was ich will und ich dänke ; ich bin jetzt am schaffe wänn ich umä surfä zu däm thema und für än überblick gits mal wieder dä link zu dä freiä enzyklopädie wikipedia bruchtum und gschicht und das hätt mich uf d'spuur gfühert zu dä römischä göttin flora und am endi vo dä walpurgisnacht zrugg zu dä altä gschichtä vo beltane und min bitrag vo geschter wo's um di glichä früheligs partys gaht wiä bi dä floralien bi dä altä römerinnä nur händ diä 6 tag lang durä gfäschted und i däm link vo "die göttin" isches quasi ä urversion vo dä walpurgisnacht mir als capt'n florx isch sonä flora party natürlich viel nächer als än tag der arbeit und ich gib's jetzt zuä ... natürlich au us sentimentale teenager erinnerigä das bild isch vom giovanni battista und zeigt dä "triumphzug der flora" i däm sinn wünsch ich eu än schöne tag und gnüssed dä 1.mai dänn s'hüttig wätter isch ja scho fascht wiä im antikä rom |
|
|
|
|
Sa 28.04.2007 |
gränz kunst |
|
Kategorie: Allgemein Autor: rolf steiger (erstellt am 28.04.2007 - 20:50) |
|
passend in grüen än 280 meter lange grenzhaag zwüsched konstanz und kreuzlingen isch jetzt mit 22 tarot figurä ersetzt worde das find ich mal ä würklich gueti idee und drum isch das hütt im blog und dä link isch zu news.ch äs positivs zeichä für's zäme läbe und kunst isch sicher cooler als ä muur |
|
|
|
|
Do 26.04.2007 |
april wätter |
|
Kategorie: Allgemein Autor: rst (erstellt am 26.04.2007 - 22:55) |
|
neuä hitzerekord all reded ja gern vom wätter und au ich bringä das hütt als thema rekord sind ja immer ä zeilä oder meh wert aber ich schriebä jetzt nöd numal s'glichi in dialekt wiä i all däne verlinktä artikel dä link isch zu dä google-news übersicht ihr chönd dänn oder ihr müend selber us wähle wellä link ihr gern wänd und welläs medium dänn eues vertrauä gnüsst bi so fragä obwohl ja fascht überall dä glichi inhalt chunt au fascht s'glichä sind diä beidä cooltv clips vonerä lauschigä bootsfahrt vo robenhausen us dä kanal däruf via än steg bis i d'badi auslikon mal in lang und mal churz mit und ohni "sound" us dä sendig 105 |
|
|
|
|
Di 24.04.2007 |
stöckli brunch |
|
Kategorie: Allgemein Autor: rolf (erstellt am 24.04.2007 - 18:13) |
|
nachtrag vom suntig quasi zu minä füessä oder balkon isch am suntig wieder ämal dä allsits beliebti koko stöckli brunch i dä kulturfabrik durä gfühert wordä leider bin ich als nachtmänsch so frühe am tag no gar nöd hungrig und drum han ich eigentlich gar kei ahnig wiäs dänn so gsi isch am stöckli brunch das isch eis vo 30 bilder wo dä adi gmacht hätt und dä link zum i-progress photoblog musikalisch händ d'raindogs im innähof ufgspielt und jenschti gäscht underhaltä mit chli glück schriebt ja öpper wo däbi gsi isch än kommentar da in blog |
|
|
|
|
Fr 20.04.2007 |
dies und das |
|
Kategorie: Allgemein Autor: r.steiger (erstellt am 20.04.2007 - 02:39) |
|
än sunigä tag im april und ä prässe mäldig vo geschter in kanada sind d'robbäfänger in seenot s'isch mega chalt und s'packiis schlitzt d'schiff uf und das freut diä robbä wo jetzt nöd abäghackt werded wiä immer bi so news isch i allnä ziitigä fascht dä glichi text im cooltv blog gits das hütt mal wieder via spiegel online und vo wäge dä klimaerwärmig isch äs au no luschtig di lokali und subjektivi wahrnemig beiflusst eus ebä mir händ so än wunderbarä und warmä frühelig ich gnüssä jetzt diä täg ganz ohni klima panik bi eus rägnets ja dänn sicher no gnueg oft eigentlich han ich nochli meh dies & das und anderi komisch-heitä wellä bringä aber äs git zur feier des tages das no panik ! vo dä legendärä ghettocats au nach fascht 20 jahr isch dä text aktuell dä sound rockt frisch und dräckig vor sich hii scho fascht live und passt guet zum hüttigä tag s'isch au ä rarität und absolut jensits vo mainstream |
|
|
|
|
Do 19.04.2007 |
gratis idee |
|
Kategorie: Allgemein Autor: rolf steiger (erstellt am 19.04.2007 - 02:56) |
|
zur rettig vo dä gletscher ich bin mir ja bewusst wiä chli d'uswürkig vo minä text i däm blog uf's weltgschehä isch, au wägem dialekt ich chönti grad so guet zum fenschter us redä aber im gägesatz zu schallwälle haltet sich text länger speziell im internet chamer das wo ich da schriebä no lang läse und das wäri hütt wiä scho im titel erkännbar mal wieder ä gratis idee jetzt isch ja ziit wo's dä schnee wegtaut und s'wasser in strömä is tal flüsst das isch jetzt än idealä ziitpunkt zum das vielä wasser zrugg z'stauä was natürlich ja au gmacht wird i all däne stauseeä i dä schwiiz äs git bi eus über 200 talsperrenä wo strom produziert wird was fehlt sind staubecki für d'gletscher und ihres wasser fascht alles was wegschmilzt im summer wird gstaut und sobald s'under null grad isch im "nährgebiet" vom gletscher wird kunst schnee druus gmacht dä link isch ä gletscher sitä mit verglichendä fotenä vo altä postcharte mit aktuellä bilder us dä alpe wiä äs risä glace a dä sunnä weg gschmolzä aber mir investieräd ja milliarde vo franke in schutz vo euserä schönä landschaft also sötti's au geld gäh für so projekt "kunstschnee rettet die gletscher!" und arbeitsplätz gäbtis ja au no tja das wäri d'gratis idee gsi ich hilfä au bi dä umsetzig aber wer bringt's geld ? hallo bern i hetti gern |
|
|
|