das
passt ja
grad wunderbar
derweil d'sunnä ufgaht
und is verrauchtä studio bländet
wird i dä halle audio alchemistisch umätanzt
und im tv uf rtl gäng zwee boxer im ring änang ufä gring

aber dä suntigs link isch zum spiegel online mitem papst
und sinerä red vor dä uno mit verchertä wahrnemig
d'religione sind das problem uf eusem planet
und ganz sicher nöd d'lösig wiä er meint
dänn doch lieber d'flügel der freude

und dä link zu dä maggie tapert
plus vom harmlose sex casting
dä text link zu dä tagi news
da isch d'liebi eher realität
im gägesatz zum papst
wo ja kei ahnig hätt !

äs
isch ja
schients nüüt
älter als zitig vo geschter
und doch bring ich hütt grad 2 artikel
wiä im titel scho gschriebä und im dopplete sinn

zum einä dä zo online konzert link zum pete penicka
er hätt also am samstig i dä kulti gspielt und nöd am fritig
und no im letschtä zürioberländer artikel über d'kulti isch d'halle
im erdgeschoss gsi und dasmal isch äs än "auftritt im hochparterre"
soviel zu dä wahrheit vo so text und hütt chunt's dänn i dä zitig
sicher au i allne mediä und "mal wieder" isch dä zweiti link
s'comeback als ministerpräsident bi dä wahle in italiä

dä polit link vom silvio "cavaliere" isch zu dä welt
und für diä wo's wänd wüsse da sin wikipedia
artikel und er wird doch scho 72 jahr alt
ander sind dänn räntner und uralt
aber diä wänd ja au kei so
schönheitsoperatione
über sich erga la
oder si händ
kei geld

und
au hütt
isches nöd eifach
gsi ä kategorie z'bestimme
äs chönt ja au bi politik oder kultur si
aber nöd bi kunst no eher bi wissen und glauben
will äs gaht um d'FLDS sektä in eldorado texas

dä erschti link isch zu 10vor10 mitemä video
und so als hindergrund infos zum ganze
git's dä enzyklopädisch link vom tag

zu wikipedia mit dä heilige fundis
ä chile im name vo jesus christi
und ich han ja no än 3. link

zu dä sueddeutsche.de
und hätt gäge dä link
zum spiegel online
gunne wäge däm

analytischä link zu
globalem eros
im playboy

oder
aber people
und sport mit formel 1
i dä halle isch s'goa volk am tanze
und dä cooltv live wetterbricht meldet schneefall
geschter händs dä stephan zum neuä mister schweiz gwählt

dä unterhaltigs link isch zu 20 minuten mit bilder plus äs video
cooltv gratuliert am s. weiler au no zu sim hüttige geburi
und dä bmw-sauber crew zur erschte pole position

dä sport link isch zum sonntagsblick mit formel 1
am robert kubica und dä news vo geschter
hütt nomitag känned mir au dä sieger
aber wird's au än bmw-sauber si ?

in
genf
isch geschter
d'erfindermäss eröffnet
wordä und das bereits zum 36. mal
eigentlich sött ich ja jetzt in genf si mit mim züügs
aber wiä so viel a däre mäss wart au ich no uf ä cooli investorin

dä revolutionär link isch zu bluewin i d'rubrik news mit vermischtes
das än erfinder usem iran ä steinigungsmachine söll zeige
und än sterilä handabhacker isch also nur äs grücht
aber "nichts ist unmöglich" i euserä crazy welt
vielicht au wunder und drum 84-33227-0

hütt
i vier wuchä
isch walpurgisnacht
am mittwoch dä 30. april 2008
und i dä kulti wetzikä git's live sound i dä halle
quasi so wiä frühener und no in vermischig mitem plug in jam
häxetänz und wild's getrommel mit magischä urschrei und natürlich barbetrieb

dä link isch zum kulti kalender und all häxe sind herzlich ihglade zum cho fäschte
s'isch gratis und s'wäri super mir würdet d'halle no chli dekorierä für diä party
und wer i dä häxeband wetti mitspielä chunt an plug in jam vom 13. april
am suntig abig isch dänn quasi au no äs häxe casting für walpurgis

das isch
d'katalog nummerä
vo dä hellschte sternä explosion
ich han scho im april 07 so ä supernove bracht
aber diä jetzt isch viel älter und schients 2,5 millionä mal heller

dä gammastrahle link isch zu spiegel online mit video und 3 bilder
nach ca. 7,5 milliarde jahr treffed diä strahle uf eusä planet
und mached das phänomen zum entferntischtä objekt
wo mir je und ohni hilfsmittel am himmel gseh händ
aber das chönd ihr ja alles im artikel selber läse

und
äs gaht
mir grad au so
ich chönti au klage über
so gwüssi hohli mänsche i dä kulti
aber s'isch ja frühelig sit geschter trotz schnee
und will's grad au no vollmond isch hütt nerv mi jetzt ebä nöd

da min lieblings voll und suschtigi mond phase link zu dä häxe
und wer wetti diä karfritig jesus am chrüz gschicht läse
chan das bi dä palmsuntig's blog link's gern mache
so nachem motto vom folgendä cooltv klassiker
jesus mein junge komm ich hab ne irre idee
oder aber neulich im blue screen himmel

und dä comedy clip link isch zu myvideo
s'wäri ja scho lang äs remake plant
aber s'isch wiä's isch bi cooltv
vielicht uf's nächscht jahr
und da no än ps; link

dä isch zu wikipedia
vo wäge karma
und dä tibet
gschichtä

hütt
isch's wätter
mal wieder s'blog thema
und als info wiä's dänn grad jetzt ä so isch

da "eusä" cooltv link zu wetter / umweltdaten
mit dä aktuellä charte zu jenschte sache
wiä blitz oder wassertemperatur etc.
und us dä rubrik "shit happens"

dä kollaps link zu scienceblogs.de
mit 2 video's vo derä turbine
plus no chli text dä zuä
und viel kommentär
also vorsicht bi
zuviel wind

oder wälle

das
isch dä
bitrag nr. 500
ganz im königlichä blau
und zu ehrä vo däm git's was neus
us dä eignä chuchi aber mit altbekannte sujet's
s'isch ebä immer wieder schön zum filmä am chämtnerbach

ding dong ... s'isch ja winter in wetzikä und dä link isch zu myvideo
vom robinson spielplatz alles am bach entlang bis zum see
natur puur ganz ohni mänsche aber mit sound vo air

und dä youtube mem link därf natürlich nöd fähle
zum das chli paradis dä ganze welt zeigä
und zur feier vo dä blog zahl 500
dä stream 500 vo cooltv
drum n bass party
bass attack 9

heiterä sind
das no
ziitä
gsi