mal
wieder
tennis im blog
s'us-open isch im gang
und mir als nachtmänsch gfallt
das natürlich bsunders guet zum chli
relaxä und abhänge wänn das live übertreit wird
vor allem nach dem mega stress bim talent screen wettbewerb

dä sportlichi link zur nacht isch zu dä homepage vom us open

oder grand boucle
isch am samstig losgange
und im maillot jaune än schwiizer
äs isch dä fabian cancellara vom team csc
und nach däm fulminate schluss spurt vo gester
isch er hütt i allne mediä und hütt au da im cooltv sportblog

dä link isch zu dä tour de france homepage und sogar uf dütsch
und natürlich git's da bi eus au kei's genörgel wägem doping
ich finde das ränne würklich spannend und au gnadelos
vor allem wänn's dänn i d'alpe und pyrenäen gaht
und fascht jede stürzt mal bi däm velo ränne
drum händ's ja au rasierti sprinter wädli
und no äs gratulations ps zum tag
wetzikon isch jetzt au ä stadt
mit über 20 001 mänsche
allerdings no ganz ohni
das nötige parlament
däfür mit stadthaus

  alinghi
super knapp
aber gunnä isch gunnä
bim america's cup gäge neuseeland
vor dä küschte vo spaniä mitäme schwiizer boot
so macht s'globale dorf doch spass und mir freued eus all

dä link isch zu dä alinghi homepage mit dä news vom 5:2 sieg
mit jenschte infos und bilder vo und zum america's cup
ich findä s'luschtig was alles z'läse isch i dä press
so wiä "der triumph des schweizer syndikats"
 da dänk ich an all capone und sini jungs
was ja au passt zum america's cup
s'schlussbild mit dä rotä rosä
hani würklich cool gfundä
bi dä rückfahrt in hafe
loseds am liebschte
"can't stop" vo dä
red hot chili
peppers !

in roland gaross
ganz in rot wiä dä sand
wo's druff spieled bi däm turnier
und "eusä" roger hätt sogar gunnä hütt
er hätt allso d'chance uf sin erschtä titel in paris
äs turnier wo's scho sit 1891 git und frühener isch no uf
rasä gspielt wordä und erscht nachem erschtä weltchrieg händs
uf zermaleni ziegelstei umgstellt und's stadion nachemä flügerheld benant

dä link isch zu dä homepage vom french open und ich han englisch us gwählt
und zum schluss no ei bemerkig zum underschied vo manne und fraue
äs gaht über zwei bi dä fraue aber drüü gwünn sätz bi dä manne
da fräg ich mich wieso und grad s'glichä gilt für's fraueboxä
da boxed's grad mal 2 minutä und nöd 3 wiä d'manne
händ's kei kondition oder wäris dänn z'langwilig
oder isch das alles drum will's halt ebä doch
 no immer "das schwache geschlecht"
sind oder für das ghalte werded ?
sportlichi frage amä tsiischtig

vo dä uefa
champions league
und dä pokal gaht an ac milan
und das isch dä link zur uefa homepage

das isch dä match report vo milan - liverpool 2:1
derweil d'jungs da in athen tschutted händ
isch dä neui kuhallen verein gründed
wordä grad da im büro näbedrah
und quasi als ps zum finale

än link zum archiv vom ersten
zu schiedsrichter und was
möglich isch als mensch
zum würklich gseh
und das am 23.

unglaublich aber wahr
in moskau isch eishockey WM
bi däm heissä wetter würkt das uf mich
irgendeswiä antizyklisch aber si händ sicher
ihri gründ für das datum und ihri weltmeischterschaft

ab morn gahts au für "eusi" eidgenossä in moskau los
und uf sport1.ch git's all resultat mit jenschtä bilder
ich wünsche dä jungs viel glück und dä wm titel
würklich unglaublich isch mini zweiti meldig
s'isch quasi än verspähtete aprilscherz
geschter in umlauf bracht vo dä sun
und äs gaht um pudel und schaf

hilfe min pudel isch äs schaf
oder isch das alles frei erfundä ?
ps: bi dä SZ händs diä mäldig glöscht

das isch ja scho lang mal fällig gsi
bis jetzt hätts diä kategorie no nöd gäh da im blog
obwohl ich als grosse fan scho oft was gschriebä han (posted)
ich hans zwar nöd würkli kauft, aber so isch ebä dä slang i dä blogwelt
aber ich känne da ja gar nüüt und schriebä nach minä eigne reglä
und wer hettis dänkt, au imenä coolä kulturblog gits sport
s'fazinierendä drah isch, mär weiss nöd wiäs usächunt
eusi fuessball-jungs z.b. händ diä nacht 2 : 0 gunä
hett ich das vorhär scho gwüsst hett i gwettet

bravo, bravo ... wobi ich han's spiel leider nöd gseh
aber ich als ex-fuessballer würdi natürli chli anderscht spielä
nöd so äs defensivs 4 4 2 oder no schlimmer 4 5 1 wiä dä köbi kuhn
mis system wäri äs 4 2 4 mit bewegig vo allne über s'ganzi feld
das sind doch alles profis und diä möged ja chli umä ränne
aber mich fräged ja au i däm fall mal wieder niemärd
snief... däbi wär ich än spitze trainer au für d'nati
mir chömed jetzt zum tv-tipp vom hüttige tag

ich schriebs das scho zum zweite mal das jahr
schiflüüge find ich was vom spektakulärschte im ski-sport
uf dä flugschanze in planica gummped d'jungs über 200 meter wiit
dä weltrekord hätt dä bjoern einar romoeren us norwegen mit 239 meter
gester händs trainiert und dä simon ammann isch 216 meter g'flogä
dä wiitischti sprung isch vom martin koch uf 221 meter gangä
no äs bitzli meh ahlauf und sie flüüged uf neui rekordwiiti
das isches doch wo ich uf jedefall wetti gseh in planica
und vo mir us au ohni diä komisch telemark landig
und ganz sicher au ohni di nettä punkte richter
wer am wiitischtä flüügt, dä hätt au gunnä
aber äs macht ja sicher spass i dä jury
und geld gits natürlich au no äs bitz
also bliibeds no lang i ihrem amt
und ich muess ebä dämit läbe
was ich au sehr guet chan
i däm sinn ... guet flüüg
und viel spass mit äm
schnee im frühelig