mal
wieder
was neus vo dä
"fronarbeit" chunt vo robota
wiä ihr chönd na-läse im wikipedia text link
und äs git doch jenschti verschiedeni arte vo roboter

drum da dä sport link zur schule mit euroby 2008 news
parallel zur euro 2008 tschüttelet ja au d'roboter
vo dä chlinä robocubes bis zu dä humanoide
und ä ganz anderi form isch diä gattig

mitem tauch link zu dä ifm-geomar
än roboter zur erforschig vom
meer bis 6500 meter tüüfi
zrugg zu dä fuesballer

da än clip uf youtube
vom robocup 2007

und no än üblä
für d'roboter
im spiel mit
mänsche

jetzt
isches also
losgange mit dä em
oder aber ebä neu dä euro 2008
aber öpps dänn bi so spiel di gross euphorie git ?

das isch dä uefa match report link zu dä euro 2008
was strelleret dä marco ufem platz umänand ?
wieso wird dä vom köbi nöd usgwächslet ?
und wärum spielled's oft so defensiv ?
äs muetigs 2 4 4 wäri mal inovativ !
tja schaad bin ich nöd dä trainer
dänn chöntid jetzt d'schwiizer
mit dä portugiesä umähupä

oder
rocket man
aber eigentlich heisst er
yves rossy und isch än ex swissair pilot

das isch dä link mit video zum spiegel online
aber so ä spektakuläri meldig isch natürlich überall
vo dä news sändige am tv bis zu allne zitige und blogs
und ebä au da bi cooltv wo höheflüg ja sowieso über alles liebt

dä mänschlich raketä link mit dä interaktiv box isch zu 20 minuten
sowas ähnliches wiä dä jet flügel han ich vor über 20 jahr
scho erfundä zum chli i dä wulchetürm umä z'flüge
allerdings hätt mir's geld gfählt zum's baue
und ich han ebä anders züügs gmacht
tja ... als dritte link vom tag no dä

isch mal wieder zu youtube
quasi än video service
so als web tv blog
guet click'n'surf

das
isch än
roboter goalie
und inspiriert worde bini
dur all diä mäldige i dä tagespresse

das isch dä mänsch und maschinä link
zum stern mit eim vo däne vielnä goalias artikel
scho voermä wili isch das uni team bim stefan raab gsi
und er hätts also nöd gschafft än elfmeter im goal z versänke

da dä sportlich link zum automatische torwart vo dä uni stuttgart
mit dä gschicht wiä's ganzi entstande isch und jenschtes me
und als extra blog service da dä youtube video text link
dä clip isch grad mal 23 sekundä und nur ein schuss
aber dänn chönd ihr's eu sicher besser vorstellä
dä roboter isch guet zum penalty's trainierä
aber imäne spiel als goalie no keis thema

oder
än gruess
us dä antike mit
chli füür für dä friedä
als erscht's dä sachlich link
mitem artikel geschichte der neuzeit

die olympische fackel und s'isch bi wikipedia
und än weblink vo däre site isch dä zweiti link

dä isch zu heise mitem titel "löscht die flamme"
vom griechische journalistenkollektiv To Ios (virus)
über di gschiteretä versüech 1936 d'akunft z'verhinderä
und hütt wird das glichä spiel in san francisco versuecht werdä

dä link isch zu netzeitung us dä rubrik aktuelles- politik- ausland
mit dä story "behörden in san francisco fürchten desaster"
und wänn nöd dänn wäred jenschti schwer enttüscht
hütt abig i dä news und sicher uf allne tv statione
wird's diä bilder vo dä nackte aktivischte gäh
und in peking sind's doch chli überrascht
vo all däne aktione und protescht
und so näbedbi cooltv isch in
china also no nöd zensiert

da no än news link zu ntv
plus video direkt link
is medienfenster
guet stream

än
ja eher
schwache kampf
aber ebä taktisch erfolgrich
dä wladimir klitschko isch box weltmeister
und das im schwergwicht i 3 verschiedenä verbänd

dä link isch zu sport.de vo rtl mitem artikel zum kampf
und links äne uf dä sitä hätts dä link zu dä videos
äs video vo mim art tempel git's no als zuegab

dä glich clip zu youtube oder aber myvideo
und ich hoffä no immer uf ä gueti seel
wo mis poschtcheckkonto chli uffüllt
rolf steiger 84-33227-0 wetzikon

jetzt
flüget's wieder
ich han scho s'letscht jahr
än bitrag bracht vom skiflügä in planica
das jahr und ebä das wuchä endi sind's in oberstdorf
das isch dä text link zu sf sport mit dä news und äme flug video
12'000 enthusiastischi zueschauerinä sind schient's scho hütt am fanä gsi

dä bild link isch zu skifliegen-obersdorf mit bilder und faktä zu dä schanze
das isch eini vo dä sportarte wo mich dänn doch ä chli fasziniert
wänn diä bleichä jungs über 200 meter i d'tüüfi stürzed
morn isch s'final vo däm flug spektakel im allgäu
und bi dä suchi im cooltv blog zum thema
isch mir au no das spiel begägnet

über dä teich hüpfendi frösch
und ihr sötted's schaffe
susch isch euä IQ
nach blog text
under 50%

und
zwar am
australian open

jublet er wieder so ?
dä link isch sini homepage
und ja das hani scho mal bracht
s'letschti jahr am 23. januar 07 genau
aber no viel genauer isch dä zweiti link vo hütt

vom Di 16.01.2007 zu dä sitä vom australian open
tja... so wiederholed sich themä wo mich dur
d'nacht begleited ebä all jahr uf's neui
genau wiä d'golden globe awards
und vor genau 1 jahr am 15.
isch mäntig gsi mit emä
buntä windows girl

und
passend
zum thema so
grüen wiä än golf platz
min spass für eu isch mini-golf
oder eigentlich isches eher müsli golf

ich han also bi mim erschte spiel 49 clicks
brucht bis und mit letschtem loch und das wäri
dänn äs handicap vo 1 uf däm virtuellä minigolfplatz
zum glück bini scho chli besser worde i dä 2. rundi
aber ich bin au nöd würkli än gamer am compi
däfür am bass und das scho gli wieder live
und als nachtrag zu geschter no das da

50 jahr weltruumfahrt mitemä link zu dä
spezialischte oder uf jedefall fans
zu treknews mit sputnik infos
und ganz spontan no was

äs interview usem stern
mitem sergej chruschtschow
sohn vom ex presi nikita
wiäs dänn so gsi isch
damals vor 50 jahr
i dä sowjetunion

oder
isch das
scho doping ?
ä frag wo ich scho
bi dä news usem orbit
gstellt han ... lang isches her

dä link isch zu dä sueddeutsche
und äs gaht um leischtig und temperatur
vo abchüelä anstell vom ufwärme
mir werdets in china ja gseh
und di cleverä mached
das ebä scho jetzt