|
Mi 01.08.2007 |
1. august |
|
Kategorie: Allgemein Autor: rolf steiger (erstellt am 01.08.2007 - 16:47) |
|
party on uf dä rütli wiesä oder susch äs irgendwo im wiitä sunige schwiitzerland sie hätts gschafft und all händ freud dä link isch zu espace.ch mit dä story vom tag d'bundespresidäntin micheline calmy rey und ihri red zur ch-nation ufem rütli und so als flashback vo cooltv gits da no dä link is 2003 zur august sendig 53 hey mir wünsched eu viel spass |
|
|
|
|
Fr 27.07.2007 |
räumung des cooltv studios |
|
Kategorie: Allgemein Autor: rolf steiger (erstellt am 27.07.2007 - 20:59) |
|
eigentlich han ich hütt was luschtigs wellä bringe so a la funny friday ... aber leider isch das einschreiben an enzo däzwüsched cho " wir danken dir für deinen brief und haben ihn zur kenntnis genommen jedoch steht der entscheid fest, die koko benötigt den raum für diverse vereinszwecke. Aus diesem grund ersuchen wir dich den raum, innert einer frist von 2 monaten, bis am 30.september 2007, zu räumen. Falls diese anforderungen nicht erfüllt werden, wird der raum ohne weitere ankündigung von uns geräumt, wobei in diesem falle allfällige sachschäden, aufwände und kosten an dich weiterbelastet werden. Wir danken dir für dein verständnis und für weitere fragen stehen wir dir gerne an den koko-betriebssitzungen zur verfügung die räumungsfrist bleibt jedoch bestehen. Freundliche grüsse verein koko vorstand tja so isch das jetzt i dä kulti oder dä koko glaubets oder nöd das isch dä dank für über 20 jahr gratis arbeit im kollektiv und leider hämmers a dä trävesitzig verpasst zum das ganzi ohni stress und studio zerstöhrig ab z'klähre äs gseht also us wiä ä truurigi summer komödie mir werded än asylantrag bim verein kuhalle stellä und hoffe das am schluss alles cool wird ende da i dä kulturfabrik wetzikon und susch ... ? sueched mir äs neus studio und started dänn neu durä |
|
|
|
|
Fr 20.07.2007 |
explosion |
|
Kategorie: Allgemein Autor: rolf steiger (erstellt am 20.07.2007 - 19:27) |
|
im big apple das isch eini vo vielnä schlagziilä gsi vo däre wuche für all wo's nonig gläse oder gseh händ bi däm link hätt's ganz unä no äs amateur video drum han ich für eu diä sitä namens zisch usgwählt was mich bi däre gschicht mal wieder wunderet d'usa mit ihrem füherigsahspruch ufäm planet würkt usem alte europa wiä äs 3.weltland und wänn's än terror ahschlag gsi wäri hetted's x millione dollars investiert zur bekämpfig vo was au immer aber nachhaltigkeit isch nöd ihri stärchi wiäs schient poor young america |
|
|
|
|
So 15.07.2007 |
im studio |
|
Kategorie: Allgemein Autor: rolf steiger (erstellt am 15.07.2007 - 23:53) |
|
supernatural isch im studio gsi und zwar s'ganzi wucheendi drum isch das nur än sehr churzä text aber äs git dänn mal no äs video vo däm ganze da im kemptner tobel i dä nagelstucki hämmer's ufgnoh und dä link vo hütt isch zu dä homepage vo villbreiter |
|
|
|
|
Sa 07.07.2007 |
trippel siebä |
|
Kategorie: Allgemein Autor: rolf steiger (erstellt am 07.07.2007 - 21:03) |
|
s'mega datum für all fans vom siebni s'nachschti jahr chömed dänn all achti fan's drah am 8. august 2008 äs wird nöd nur ghüratet hütt oder velogfahre äs git au no live earth konzert für äs klima i dä kriisä wänn ich allerdings all diä bühne a luegä wo so umä stöhnd dänn isch das nöd würklich glaubwürdig mit dä energiespahrgschichtä dä link isch zu dä live earth homepage und uf englisch mit links für's dütschä än mega mediä rummel und sogar dä cooltv blog macht da au no mit mini meinig zu dä klima gschicht isch ja scho bekannt da im blog aber mem mässig isches wichtig sich z'wiederholä und drum sorry herr gore sie überzüged mich nöd mit ihrem film wer isch dänn 8 jahr vize president gsi i dä usa ? jettet vo vortrag zu vortrag mit übergwicht und er isch selber ziehmlich masslos im ässe was au nöd stimmt sind sini grafikä mit dä co2 wert aber das macht ja nüüt will er ja für ä gueti sach kämpft ich bin au für suberi luft und frisches wasser und gäge usbüütig aber s'läbe uf eusem dynamische planet isch ebä kei amerikanischi soap zrugg zu live earth und für all diä wo nochli text in deutsch wänd läse das wäri dä link zu spiegel online mit dä story vom uftakt vo live earth in züri spiellt ja dä gölä und er hetti no viel blöder ta ... dänn und drum fahrt er mitem amifass wo 14 liter brucht is hallestadion an gig zur rettig vom klima und all findets guet und klatsched aber eigentlich wetti ich spielä und bin eifach nur niidisch min co2 wert aber isch heldä mässig wenig aber wer dankts ? |
|
|
|
|
Di 03.07.2007 |
kalle kalowski |
|
Kategorie: Allgemein Autor: rolf steiger (erstellt am 03.07.2007 - 02:51) |
|
isch dä sieger vo dä big brother staffel 7 ich han än bitrag bracht bim start vo däre show vor 150 tag und diä isch verbi mitem michael als sieger und 250 000 euro im koffer er isch dä super kallo man oder eifach kalle d' sonja "püppi" wiä au immer isch 2. wordä viel vo dä ex-big brother's gseht mer dänn später uf 9live oder susch amä sender bi däne doofä telefonspieli mir hätt's gfalle dänn ich luegä lieber sowas als diä baller ami-krimis nach drehbuech känne aber nur wenig i mim umfeld wo's das au so gsehnd wiä ich aber das macht ja gar nüüt will als weisheit zum tag nur ich gseh's wiä ich |
|
|
|
|
Sa 30.06.2007 |
blaue mond |
|
Kategorie: Allgemein Autor: rolf steiger (erstellt am 30.06.2007 - 03:21) |
|
heisst dä zweiti vollmond i eim monat äs chan aber au äs märli si uf jedefall isch hütt nomitag am drüü vollmond und das scho zum zweite mal im juni aber was isch än mond und wiä genau wird das deklariert bi eus uf dä erde isch das relativ eifach mit nur eim natürliche satellit wiä im mai vollmond bitrag scho erwähnt gits jenschtes a mönd im sunnäsystem als erschtä link vo 3 git's ä übersicht zu dä planetä und ihrnä mönd dä grössi nah g'ordnet das bild zeiget im richtigä grösse und abstands-verhältniss dimension vo dä erde zum mond äs hätt schients wiit über 150 mönd und äs git aber au mond wo ander mönd umchreised das hani uf dä planeten sitä gläse und wiä so oft chan ich das nöd selber nahprüefä aber äs git natürlich no anderi sitä zu eusem solare system mit ganz viel infos ein stern einscht nüün und jetzt leider nur no 8 planetä und noch mehr das sind jetzt äs paar vo däne anderä mönd i eusem sunnäsystem uf dä erschti blick äs bitzli ä schlichti sitä aber s'isch dä inhalt wänn ich mir das so "zu gemüte führe" dänn fallt mir uf das äs doch einigi sehr bekannti näme drunder hätt vom kallisto über d'larissa und leda zum proteus und us sentimentale gründ zum verganenä än schpeeiissschpreissigä gruess vo triton er umchreist mit 12 anderä dä neptun und isch mit -235 grad dä coolscht er isch retograd und eigentlich än irreguläre exzentrische mond aber däfür miterä dünnä atmosphäre us stickstoff & methan |
|
|
|
|
Fr 22.06.2007 |
kündigung ? |
|
Kategorie: Allgemein Autor: rst (erstellt am 22.06.2007 - 23:30) |
|
koko kündigt cooltv seit anfang jahr will die koko betriebsgruppe das cooltv studio übernehmen als " kiffer rüümli " für ihre erholung leider ist unser c.e.o. nie an einer sitzung der koko erschienen und hatt das ganze geklährt gibt's jetzt verbalen krieg an der nächsten träve sitzung oder wiä oder was ... sick und seufz ... cooltv ein neuer verein unabhängig von der koko und dem ganzen kindergarten der neid war eigentlich schon lange zu sehen aber das es so endet ist doch schaade das "discohüsli " gäbe es nicht ohne das studio von cooltv s'isch schochli truurig wiäs worde isch |
|
|
|
|
Do 14.06.2007 |
politiker |
|
Kategorie: Allgemein Autor: rolf steiger (erstellt am 09.07.2007 - 10:33) |
|
oder aber presidänte in action dä einti nachem träffe mitem putin am g 8 gipfel in heiligendamm dä nicolas sarkozy us frankreich ischer betrunke oder nöd ? dä link isch zum blick online das passt doch beschtens zu däre story und dä zweiti presi in action isch dä herr und dä frag nach dä verschwundenä uhr und dä link isch zu dä eurogays us was für unerfindlichä gründ au immer eigentlich isch dä dunschtig ja vo dä tendenz her da im cooltv blog naturwüsseschaftlich aber ebä nöd nur im gägesatz zum klar definiertä mäntig und doch git's jetzt no än link zum spiegel und än saurier um genau z'si än gigantoraptor elianensis und gfundä händ's dä "vogel" in china er segi schients meh als 1 tonnä schwär gsi vor 65 millinonä jahr, usserd d'erdä isch do zumal chliner gsi erdexpansion's theoretisch |
|
|
|
|
Mi 30.05.2007 |
voll friedlich |
|
Kategorie: Allgemein Autor: r.st. (erstellt am 30.05.2007 - 22:38) |
|
isches in norwegä uf jedäfall nach dä globale bewertig vom "economist intelligence unit" peace index uf platz 2 isch neuseeland und ufem 3. platz dänemark euses kuscheligä land isch uf platz 14 no nach tschechiä 13 und au dütschland isch mit platz 12 friedlicher als d'schwiiz ... wer hetti das dänkt dä link isch zu dä welt online und ufem bild isch äs rentier und nöd än elch ufem letschtä platz i däm global peace index isch dä irak glandet ich fräge mich uf wellem platz dä irak vorem chrieg gsi isch und di nöd würklich friedlich usa isch uf platz 96 aber no besser als russland uf platz 118 so gseh isch platz 14 gar nöd übel |
|
|
|