tja
das wär's
vom august das jahr
und hütt isch ja bekanntlich suntig
aber äs git kei predigt sondern ä gallery zum gnüsse

dä link i di unendlichä wiitenä vom wältruum isch zu hubble
s'einti bild isch dä roti supergigant V838 monocerotis I
und bim mouse-over isch's d'spiralgalaxy M74
äs git ja mänsche wo sich bi däne bilder
total chli und verlohre vor chömed
ander liebed genau diä grössi

zum
zweitä mal
isch das festival i dä kulti
und das ganze isch hütt abem namittag
äs git än film und än vortrag aber au theater und band's

da isch dä kalender link zu dä kulti wetzikä mit "weitere infos"
deht staht alles ganz genau und ihr chönd's selber läse
wänn isch was wo und wer spielt jetzt wärum wiä

und
ganz in blau
quasi passend zum "sein"
nach dä so heftigä befürchtige vo dä eintä

das isch mal dä grossi fläsche link zu 20 minuten
aber au d'nzz online hätt sich däm phänomen g'widmet
da grad mit text link zum skurrilä happening i dä jugendkultur
und für dä fall das nöd all wänd us dä grossä fläsche sufä
gäbti's ja au no bächer und anderi mached art druus

isch cuprocking kunscht oder doch nur no me abfall
und so "maschendrahtzäune" hätts bi eus ja au
d'schildbürger mached äs greenpeace logo
oder aber dä slogan jute statt plastik
und dritti än uf-ruef im facebook

hütt
git's was
usem oberländer
eigentlich han ich dä enzo
gsuecht und dänn aber das gfundä

än emontionale artikel vo homepage's
aber über d'kulti git's mal wieder gar nüüt
s'programm und dä blog sind ebä au chli wenig
und dä cooltv blog isch nä sicher zu emotional gsi

das isch dä theater link zum züri oberländer im juni
und i dä zellstoff version mitemä bild vom enzo
da i dä online archiv ablag aber ebä nöd
was mich dänn doch chli wunderet
aber das isch ja nöd mis bier
und wer me wetti gseh
chan das i däm clip
vom 28.5.2005

d'churzversion
plus s'ganzi
no in lang

das
isch ä
plansprach
und wiä scho oft
mitemä wüssens link

zum artikel vo wikipedia
und äs git au was aktuells

tutmondig än link zum spiegel
uf esperanto "alia mondo estas ebla"
das find ich also au, wobi d'welt isch ja ok
dänn eigentlich sind's d'mänsche wo doof tüend
das isch äs philosophisches detail am rand
obwohl's schön zentriert i dä mitti isch
so isch das ebä mit redewändige
jetzt aber zrugg zu esperanto

das isch än clip bi youtube
zum chli s'ohr bedienä
ä so tönt das also

und
wieder was
vo mim lieblings thema
da grad mit text link zu wikipedia
für chli me hindergrund wüssä äs interview
mitem david hanson und er isch än roboter entwickler

dä profi link isch zu golem mitemä artikel vom märz 2008
und dä text link isch's glichi thema aber bim stern
äs fallt mir grad uf das git ja jenschti links hütt

s'interview mitem zeno platziert bi youtube
wiä au diä zwei chöpf vo hanson robotics

dä jules vor sinerä reis und dä joey chaos
und rechts bi dä related videos hätts
no jenschtes androidä so wiä sie

kokoro's actroid der2 female robot
stellt sich dä frage vo dä lüüt a
dä robotopia in washington
und so quasi als zuegab
no än clip vom "albert"

dä hubo churz report
isch vo daily planet
"robots are cool"

än
versuech
mitem under-titel
kulti inside verein trägerschaft
der kulturfabrik wetzikon zürcherstrasse 42
mit tratsch und klatsch vo oder über d'mieter und benutzerinä

dä insider link isch zu web.mac.com mitem ganz neuä kulti blog
mit jenschtä föteli's vo frühener aber natürlich au vo jetzt
nach no unbestätigte grücht und au vermuetigä
isch dä reto dä chef texter vo däm blog
fascht wiä einscht s'kulti forum
oder aber usem kultiblatt
wird dä kulti blog
viel glück !

nöd
us dä äsche
aber mobil zum mars
und gschriebä inerä laue mai nacht
ganz im gägesatz zu dä ca. 700 millionä kilometer
wiit g'reistä ruumsonde phoenix frisch glandet ufäm chüelä mars

dä weltall link isch zum spiegel online mit text, bilder und äs video
zu däre us alte surveyor teili zämebaschtlet nasa mission
und jubel i dä heimat mitemä schweizer mikroskop
sie sueched am nordpol nach spurä vo wasser
und da eifach so als blog extra service

dä wüssens link vom tag zu wikipedia
mitemä churze artikel zum phönix
vo dä agypter zu dä griechä
dänn via harry potter
bis zu star trek
lüchtet dä
vogel

ups
und scho
isch's i d'kategorie
kunst & kultur inä grutscht
au musik wäri durchus ä möglichkeit gsi

als erscht's ä klassischi glosse via d'welt online
oder dä asimo dirigiert s'detroit symphony orchestra
und natürlich git's im cooltv blog au dä video link zu däre story

tja ... und dä isch wiä scho so oft au hütt mal wieder zu youtube
wiä i dä glosse gschriebä wäris cool z'gseh wiä's dänn wär
wänn d'asimos und d'asiminä mal ganz ällei spieled
s'git ja scho violine robots und au trompeter
drummer hani au scho bracht und äs
git ja sicher au dä ganzi rescht
aber jetzt zum anderä fall

dä orf biosemiotik link
zu dä schwätzende
pflanze und virä
oder bakteriä
und au pilz
eigentlich
ja alles
läbige

in
blau
wiä d'hoffnig
" für gutes gelingen "
dä afang isch ja mal nöd schlächt
im dogma style aber mit äs paar hollywood cut's
dä zächi wand durchbruch für's neui lager aber lueged doch selber

und wiä so oft isch dä link zu youtube zum's wüsse vo dä welt füetterä
mitemä häppli vom samschtig im april und äs isch natürli nöd live
im moment vom filmä isches scho live aber jetzt ebä nümä
und alles i allem sind i däm film cirka 12 stund arbet

da isch zwar spaht aber doch dä link zu swissclips
zum eusä content au under d'lüüt bringe
mitemä intimä blick hinder kulissä