da
git's ja
jenschti arte
vo auto über coiffeur
und vom kunst bis zum sex salon
und ich chumä uf das thema wägemä gspräch
mit dä ussag ; "d'kulti muess wieder salonfähig werde!"
................................................................................................

dä link isch zu dä kollektiveautorenschaft und dä salonkultur
das isch dä text link zu wikipedia mit literarischer salon
und salonfähig bedüted ; schicklich oder gewandt
oder eifach fähig sich im grosse saal z'benäh
aber zrugg zum salon ... dä plug in jam
isch ja scho än musikalische salon
und i dä scene au salonfähig
än philosophische salon
fählt no im moment
aber wer weiss..

neus
us japan
vo dä roboterin
da als info grad mit text link
zu tonwertkorrekturen und s'isch än blog
und d'hrp-4c lauft scho nochli gschtabig über dä catwalk

dä digital link isch zum tages-anzeiger und s'hätt äs video
das bild isch vo dä pressekonferenz und vo däre
git's uf youtube natürlich jenschti videos
dä text link isch zu eim vo däne
und spontan isch d'hrp-4c
mir no symphatisch
und drum git's
no än clip

derweil
d'schiebä vom
studio vor sich hi dröhned
mitem bassgewummer vom side effect
git's da än bitrag zum 50. geburtstag vo dä barbie
.........................................................................................

dä "sie chan sogar mathe" link isch zu dä welt online
und wieder ämal isch cooltv dä ziit vorus (1 tag)
s'barbie wird morn 50 gi und isch än fisch
me chunt mir glaub nöd in sinn hütt
respektive ich bin eifach z'fuul
zum no was z'formulierä

wiä
geschter
scho gschriebe
git's hütt grad drüü link's
zu i progress mitem adi sim photoblog

in umgekehrter reihefolg oder 8-tung retour
als erschtes d'casino gitano vom vergangene fritig
und ei wuche frühener dä stonee and friends

live us dä halle am funky friday vom 9.j anuar
und als übergang oder aber start i das neuä jahr
git's da no dä ruschendi link zu dä silvester gala party

mit dä calabro, missis fox, supernatural und flashback
äs isch schön git's diä bilder vo däne kulti konzert
und no schöner wäred's uf dä kulti homepage
imäne grosse archiv mit videos und bilder
aber wer weiss ... eines tages git's äs
wer luscht und ziit uf's mache hetti
chan sich ja anere sitzig melde

ups
das bin
ich ja scho gli
aber s'gaht nöd um
d'best ager im hüttige blog
inspiriert vo dä party i dä kuHalle
isch dä super-herold vo zenn-la s'thema


da dä psionisch link in hyperraum vo wikipedia
und natürlich isches i so fäll immer schön bilder z'gseh


das isch dä silver surfer search link bi youtube mit 2480 clips
mit allne mögliche silver surfer's wo sich im netz tumled
und als bonus text link da ä film kritik vom spiegel
isch nümä aktuell aber sicher gli am tv z'gseh
oder aber scho lang cho ... nur ich han's
verpasst will ich immer am compi bin
anyway ... ich wünsch guet surf
au däne mit silbrigem haar

mal
wieder was
neus vo dä roboter
und hütt ghat's um 6 füessler

das isch än artikel vo spektrum direkt
leider nümä ganz ä so neu wiä's au chönti si
aber ebä doch besser als dä vo wikipedia zum thema

und das isch d'hexapod dance competition bi youtube
dä ganzi rescht rund um's video isch eigentlich nur
beigemüse zur erbauig vo dä cooltv blog gäscht
so wiä au dä text link zu henkessoft roboter
mit äm titel ; freund, feind oder sklave ?
und natürlich dä frag vom bewusstsii
wiä wird's mal si mitem freiä wille
und sueched's nach äme sinn
im roboter läbe da uf erde
tja ... mir werdet's gseh

das
isch ja
eigentlich äs
suntigs thema im blog
aber hütt gaht's um big brother 9
äs isch mal wieder ä neui staffle am start
und nöd zum erschte mal im cooltv blog sondern s'4ti

dä link isch zu bbfun mit jenschtem vo däre reality-show
und für all diä under eu wo lieber än artikel läsed
git's da als bonus än text link zu rp-online
und vo wägem titel himmel & hölle
bim stichwort hölle git's 3
bi himmel aber 18
ihträg im
blog

und
ich han
scho dänkt äs
gaht da um mis atelier
aber äs isch ä buechvernissage
oder besser gschriebe dä titel vom buech

und dä liebes link in tempel isch zu blogspot
  s'isch schonungslos offen, atemberaubend schön
und äs guet gwählt's datum dänn hütt isch ja vollmond

mit mim lieblings vollmond kalender link direkt zu dä häxe
uf äs spirituell's verwäbe vo sinnlichkeit und magie
und uf was immer ihr bi vollmond so mached
für d'bild-freaks mitemä cüpli i dä hand
so wiä frühener i eusne sändige

das
isch quasi
äs geburtstag's quicky
diä chlinä blauä schlümpf sind 50 gi
grund gnueg zum's mal da im cooltv blog z'bringe

dä schlumpfig link isch zu punkt.ch mit wenig infos
aber mit suschtige tages-themas zum surfe
und da no dä schlumpf link zu wikipedia
mit würkli jenschtem zu dä smurfs
und d'schlumpfine isch am endi
öppä dolly buster oder wiä
hätt au hütt geburi isch
aber äs bitzli jünger

äs
isch jetzt
also los gange
mit'm LHC im cern bi genf
und natürlich isch das i allne mediä
sogar google hätt das hütt als "logo" bracht

das isch dä beschleunigti link zu cern bi wikipedia
chunt vo "conseil européen pour la recherche nucléaire"
eifach so als info für diä wo's dänn doch genauer wänd wüssä

und dä physik link dur's offni tor isch ringmässig zu spiegel online
mit jenschte bilder und videos für chli me wüssä über s'ganzi
viel händ ja scho wieder mega diä ängscht vo wäge däne
schwarze löcher wo's chönnti gäh oder was au immer
ich han's extra i d'kategorie kunst & kultur abgleit
so als alchemistisches superteil für heikli frage
und wänn's was neus gfundä händ git's me
ich wünsch gueti kollision mit dä protonä
und gnueg energie für's higgs teilchen
als ps: da no än link vom dez. 2006
nur ein weilchen mit den teilchen

dä isch zu alpha centauri gsi
was ist ein higgs teilchen ?
dä prof. lesch erklährt's
und hofft uf dä LHC
wo jetzt ja lauft