Hard rock aus winterthur
ganz was neus im cooltv blog
s'erschti interview ! quasi live da usem studio
dä premiere-gascht hütt da bi mir isch dä L. A. Disarea
und ich fange grad mal ah mit ihrem band-föteli und äm link zu ihne

mir trinked än kafi und ich wetti wüsse ; wie chunsch du uf din name ?
Dä basser vonere exband vo mir hätmer LA gseit, wägeme tischi woni vill agha han. Und woni en "künschtlername" brucht han, hani öppis gsuecht wo mit LA zäme en hindersinn ergit... ähm ja und wo isch dänn dä hindersinn ? tja - was ladies sind sött me ja wüsse und area isch es areal oder es gebiet, e zone. Mal hät eine gmeint "Ah, es FRAUE-WC..." tja s'isch nöd eifach mit anglizisme da i dä kuschelige schwiiz ... also mir müend jetzt zum wesentliche vordringe , quasi zum chärn vo dä sach und das isch ...? D'MUSIK natürli. Sgat ja um eusi band. Was wettsch über d band wüsse? wiä stahts mit eunä ambitione ? Im momänt simmer neui schtuck am schribe und am lehre, zum euses live-repertoire erwitere. wämmer die vier oder föif songs fertig händ, wettemer gärn is schtudio zum emal e erschti "full-length-cd" ufnäh. da gits nämli bis jetz na käni vo eus, nu mehreri churzi demo-cds mit je drü songs. wünsched ihr's eu so mit major-deal oder sind ihr lieber frei und würeds dänn au sälber därfe zahle ? Eigentli wetted mer höchschtens en vertriebs-deal. Also öpper, wo euses fertige produkt bewirbt, vertribt und verchauft. D ufnahme müesstemer dänn natürli sälber finanziere - und so wis usgseht chönt das mögli si. cool ... und was wetti eus hardrock us winterthur im jahr 2007 säge ? Also hardrock hät für mis empfinde d wurzle vill meh im blues, als zum bischpil metal, wo ener mit klassik z tue hät. blues, i sinere rockige, lüpfige form hätt mer scho immer gfalle. S isch musig fürs herz und d seel, en ufgschtellti fätzigi sach und nöd würkli aggressiv. Das wettemer au a de gigs de lüüt überebringe. ich haggä jetzt nöd na vo wäge " us winterthur & 2007 " ihr spieled ja sicher au dä summerduur was mich zur nächschte frag bringt ; chunt din riesä ufwand für d'musik au zrugg, händ ihr gnueg gigs ? Ich chönnt ja jetz eis losjömmere vo wäge jahrelangem ufwand und so - aber nei, es isch hauptsächlich d freud am schpile wo eus atribt. Finanziell chunt de ufwand sicher diräkt nöd zrugg, aber mit dem rächnemer ä nöd würkli. Wäge gigs laufed zur zit verhandlige mit verschidene locations, aber es ziet sich hi. Uftritt chönds im prinzip nie gnueg si. mir müend oder wänd zum schluss cho für dasmal, ich hans ä glungäni erfahrig gfunde so äs blog interview und mir händ au scho än nächschte termin für ä fortsetzig und zwar irgendwänn im mai oder wiä oder was ? Ja, es chönt guet si, das mer im mai da i de kultihalle würded ufträtte. s datum isch nonig entschide und es git na paar unklarheite - aber sobald mer definitivs wüssed chömer das gern i dem blog publiziere. yeah mached mir doch gern ich danke am L.A Disarea für sini zit und wünsche im viel fraue im gebiet ;-)  und " 'ock fo' eve' ! " und will ja all gern wänd wüsse wiä gseht dä herr mit dä rote schrift dänn us ? Wer bin ich? Wie gsehn ich us?(und werum...?)

Das bin ich. Danke - tschüss!